1Chron 5

Teljes szövegű keresés

1Chron 5
1Chron 5.1
וּבְנֵי רְאוּבֵן בְּכוֺר־יִשְׂרָאֵל
כִּי הוּא הַבְּכוֺר וּבְחַלְּלוֺ
יְצוּעֵי אָבִיו נִתְּנָה בְּכֹרָתוֺ
לִבְנֵי יֺוסֵף בֶּנ־יִשְׂרָאֵל וְלֹא
הִתְיַחֵשׂ לַבְּכֹרָה׃
1Chron 5.2
כִּי יְהוּדָה גָּבַר בְּאֶחָיו וּלְנָגִיד
מִמֶּנּוּ וְהַבְּכֹרָה לְיֺוסֵף׃ ס
1Chron 5.3
בְּנֵי רְאוּבֵן בְּכוֺר יִשְׂרָאֵל
חֲנֺוך וּפַלּוּא חֶצְרוֺן וְכַרְמִי׃
1Chron 5.4
בְּנֵי יֺואֵל שְׁמַעְיָה בְנֺו גֺּוג
בְּנֺו שִׁמְעִי בְנֺו׃
1Chron 5.5
מִיכָה בְנֺו רְאָיָה בְנֺו בַּעַל
בְּנֺו׃
1Chron 5.6
בְּאֵרָה בְנֺו אֲשֶׁר הֶגְלָה תִּלְּגַת
פִּלְנְאֶסֶר מֶלֶך אַשֻּׁר הוּא נָשִׂיא
לָראוּבֵנִי׃
1Chron 5.7
וְאֶחָיו לְמִשְׁפְּחֹתָיו בְּהִתְיַחֵשׂ
לְתֹלְדוֺתָם הָרֹאשׁ יְעִיאֵל וּזְכַרְיָהוּ׃
1Chron 5.8
וּבֶלַע בֶּנ־עָזָז בֶּנ־שֶׁמַע בֶּנ־יֺואֵל
הוּא יֺושֵׁב בַּעֲרֹעֵר וְעַד־נְבוֺ
וּבַעַל מְעוֺן׃
1Chron 5.9
וְלַמִּזְרָח יָשַׁב עַד־לְבוֺא מִדְבָּרָה
לְמִנ־הַנָּהָר פְּרָת כִּי מִקְנֵיהֶם
רָבוּ בְּאֶרֶץ גִּלְעָד׃
1Chron 5.10
וּבִימֵי שָׁאוּל עָשׂוּ מִלְחָמָה
עִמ־הַהַגְרִאִים וַיִּפְּלוּ בְּיָדָם
וַיֵּשְׁבוּ בְּאָהֳלֵיהֶם עַל־כָּל־פְּנֵי
מִזְרָח לַגִּלְעָד׃ ף
1Chron 5.11
וּבְנֵי־גָד לְנֶגְדָּם יָשְׁבוּ בְּאֶרֶץ
הַבָּשָׁן עַד־סַלְכָה׃
1Chron 5.12
יֺואֵל הָרֹאשׁ וְשָׁפָם הַמִּשְׁנֶה
וְיַעְנַי וְשָׁפָט בַּבָּשָׁן׃
1Chron 5.13
וַאֲחֵיהֶם לְבֵית אֲבוֺתֵיהֶם
מִיכָאֵל וּמְשֻׁלָּם וְשֶׁבַע וְיֺורַי
וְיַעְכָּן וְזִיעַ וָעֵבֶר שִׁבְעָה׃
ס
1Chron 5.14
אֵלֶּה בְּנֵי אֲבִיחַיִל בֶּנ־חוּרִי
בֶּנ־יָרוֺחַ בֶּנ־גִּלְעָד בֶּנ־מִיכָאֵל
בֶּנ־יְשִׁישַׁי בֶּנ־יַחְדּוֺ בֶּנ־בּוּז׃
1Chron 5.15
אֲחִי בֶּנ־עַבְדִּיאֵל בֶּנ־גּוּנִי
רֹאשׁ לְבֵית אֲבוֺתָם׃
1Chron 5.16
וַיֵּשְׁבוּ בַּגִּלְעָד בַּבָּשָׁן וּבִבְנֺתֶיהָ
וּבְכָל־מִגְרְשֵׁי שָׁרוֺן עַל־תוֺצְאוֺתָם׃
1Chron 5.17
כֻּלָּם הִתְיַחְשׂוּ בִּימֵי יֺותָם
מֶלֶכְ־יְהוּדָה וּבִימֵי יָרָבְעָם
מֶלֶכְ־יִשְׂרָאֵל׃ ף
1Chron 5.18
בְּנֵי־רְאוּבֵן וְגָדִי וַחֲצִי
שֵׁבֶט־מְנַשֶּׁה מִנ־בְּנֵי־חַיִל אֲנָשִׁים
נֺשְׂאֵי מָגֵן וְחֶרֶב וְדֹרְכֵי קֶשֶׁת
וּלְמוּדֵי מִלְחָמָה אַרְבָּעִם וְאַרְבָּעָה
אֶלֶף וּשְׁבַע־מֵאוֺת וְשִׁשִּׁים יֺצְאֵי
צָבָא׃
1Chron 5.19
וַיַּעֲשׂוּ מִלְחָמָה עִמ־הַהַגְרִיאִים
וִיטוּר וְנָפִישׁ וְנֺודָב׃
1Chron 5.20
וַיֵּעָזְרוּ עֲלֵיהֶם וַיִּנָּתְנוּ בְיָדָם
הַהַגְרִיאִים וְכֹל שֶׁעִמָּהֶם כִּי
לֵאלֹהִים זָעֲקוּ בַּמִּלְחָמָה וְנַעְתּוֺר
לָהֶם כִּי־בָטְחוּ בוֺ׃
1Chron 5.21
וַיִּשְׁבּוּ מִקְנֵיהֶם גְּמַלֵּיהֶם
חֲמִשִּׁים אֶלֶף וְצֹאן מָאתַיִם
וַחֲמִשִּׁים אֶלֶף וַחֲמוֺרִים אַלְפָּיִם
וְנֶפֶשׁ אָדָם מֵאָה אָלֶף׃
1Chron 5.22
כִּי־חֲלָלִים רַבִּים נָפָלוּ כִּי
מֵהָאֱלֹהִים הַמִּלְחָמָה וַיֵּשְׁבוּ
תַחְתֵּיהֶם עַד־הַגֺּלָה׃ ף
1Chron 5.23
וּבְנֵי חֲצִי שֵׁבֶט מְנַשֶּׁה יָשְׁבוּ
בָּאָרֶץ מִבָּשָׁן עַד־בַּעַל חֶרְמוֺן
וּשְׂנִיר וְהַר־חֶרְמוֺן הֵמָּה רָבוּ׃
1Chron 5.24
וְאֵלֶּה רָאשֵׁי בֵית־אֲבוֺתָם וְעֵפֶר
וְיִשְׁעִי וֶאֱלִיאֵל וְעַזְרִיאֵל
וְיִרְמְיָה וְהוֺדַוְיָה וְיַחְדִּיאֵל
אֲנָשִׁים גִּבּוֺרֵי חַיִל אַנְשֵׁי
מוֺת רָאשִׁים לְבֵית אֲבוֺתָם׃
1Chron 5.25
וַיִּמְעֲלוּ בֵּאלֹהֵי אֲבוֺתֵיהֶם
וַיִּזְנוּ אַחֲרֵי אֱלֹהֵי עַמֵּי־הָאָרֶץ
אֲשֶׁר־הִשְׁמִיד אֱלֹהִים מִפְּנֵיהֶם׃
1Chron 5.26
וַיָּעַר אֱלֹהֵי יִשְׂרָאֵל אֶת־רוּחַ
פּוּל מֶלֶכְ־אַשּׁוּר וְאֶת־רוּחַ
תִּלְּגַת פִּלְנֶסֶר מֶלֶך אַשּׁוּר
וַיַּגְלֵם לָראוּבֵנִי וְלַגָּדִי וְלַחֲצִי
שֵׁבֶט מְנַשֶּׁה וַיְבִיאֵם לַחְלַח
וְחָבוֺר וְהָרָא וּנְהַר גֺּוזָן
עַד הַיֺּום הַזֶּה׃ ף
1Chron 5.27
בְּנֵי לֵוִי גֵּרְשׁוֺן קְהָת וּמְרָרִי׃
1Chron 5.28
וּבְנֵי קְהָת עַמְרָם יִצְהָר וְחֶבְרוֺן
וְעֻזִּיאֵל׃ ס
1Chron 5.29
וּבְנֵי עַמְרָם אַהֲרֹן וּמֹשֶׁה וּמִרְיָם
ס וּבְנֵי אַהֲרֹן נָדָב וַאֲבִיהוּא
אֶלְעָזָר וְאִיתָמָר׃ ס
1Chron 5.30
אֶלְעָזָר הוֺלִיד אֶת־פִּינְחָס
פִּינְחָס הֹלִיד אֶת־אֲבִישׁוּעַ׃
1Chron 5.31
וַאֲבִישׁוּעַ הוֺלִיד אֶת־בֻּקִּי
וּבֻקִּי הוֺלִיד אֶת־עֻזִּי׃
1Chron 5.32
וְעֻזִּי הוֺלִיד אֶת־זְרַחְיָה וּזְרַחְיָה
הוֺלִיד אֶת־מְרָיֺות׃
1Chron 5.33
מְרָיֺות הוֺלִיד אֶת־אֲמַרְיָה
וַאֲמַרְיָה הוֺלִיד אֶת־אֲחִיטוּב׃
1Chron 5.34
וַאֲחִיטוּב הוֺלִיד אֶת־צָדוֺק
וְצָדוֺק הוֺלִיד אֶת־אֲחִימָעַץ׃
1Chron 5.35
וַאֲחִימַעַץ הוֺלִיד אֶת־עֲזַרְיָה
וַעֲזַרְיָה הוֺלִיד אֶת־יֺוחָנָן׃
1Chron 5.36
וְיֺוחָנָן הוֺלִיד אֶת־עֲזַרְיָה
הוּא אֲשֶׁר כִּהֵן בַּבַּיִת אֲשֶׁר־בָּנָה
שְׁלֹמֹה בִּירוּשָׁלִָם׃
1Chron 5.37
וַיֺּולֶד עֲזַרְיָה אֶת־אֲמַרְיָה
וַאֲמַרְיָה הוֺלִיד אֶת־אֲחִיטוּב׃
1Chron 5.38
וַאֲחִיטוּב הוֺלִיד אֶת־צָדוֺק
וְצָדוֺק הוֺלִיד אֶת־שַׁלּוּם׃
1Chron 5.39
וְשַׁלּוּם הוֺלִיד אֶת־חִלְקִיָּה
וְחִלְקִיָּה הוֺלִיד אֶת־עֲזַרְיָה׃
1Chron 5.40
וַעֲזַרְיָה הוֺלִיד אֶת־שְׂרָיָה
וּשְׂרָיָה הוֺלִיד אֶת־יְהוֺצָדָק׃
1Chron 5.41
וִיהוֺצָדָק הָלַך בְּהַגְלוֺת יְהוָה
אֶת־יְהוּדָה וִירוּשָׁלִָם בְּיַד
נְבֻכַדְנֶאצַּר׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages