Neh 12

Teljes szövegű keresés

Neh 12
Neh 12.1
וְאֵלֶּה הַכֹּהֲנִים וְהַלְוִיִּם אֲשֶׁר
עָלוּ עִמ־זְרֻבָּבֶל בֶּנ־שְׁאַלְתִּיאֵל
וְיֵשׁוּעַ שְׂרָיָה יִרְמְיָה עֶזְרָא׃
Neh 12.2
אֲמַרְיָה מַלּוּך חַטּוּשׁ׃
Neh 12.3
שְׁכַנְיָה רְחֻם מְרֵמֹת׃
Neh 12.4
עִדּוֺא גִנְּתוֺי אֲבִיָּה׃
Neh 12.5
מִיָּמִין מַעַדְיָה בִּלְגָּה׃
Neh 12.6
שְׁמַעְיָה וְיֺויָרִיב יְדַעְיָה׃
Neh 12.7
סַלּוּ עָמוֺק חִלְקִיָּה יְדַעְיָה
אֵלֶּה רָאשֵׁי הַכֹּהֲנִים וַאֲחֵיהֶם
בִּימֵי יֵשׁוּעַ׃ ף
Neh 12.8
וְהַלְוִיִּם יֵשׁוּעַ בִּנּוּי קַדְמִיאֵל
שֵׁרֵבְיָה יְהוּדָה מַתַּנְיָה עַל־הֻיְּדוֺת
הוּא וְאֶהָיו׃
Neh 12.9
וּבַקְבֻּקְיָה 1 וְעֻנֺּו 2 וְעֻנִּי אֲחֵיהֶם
לְנֶגְדָּם לְמִשְׁמָרוֺת׃
Neh 12.10
וְיֵשׁוּעַ הוֺלִיד אֶת־יֺויָקִים
וְיֺויָקִים הוֺלִיד אֶת־אֶלְיָשִׁיב
וְאֶלְיָשִׁיב אֶת־יֺויָדָע׃
Neh 12.11
וְיֺויָדָע הוֺלִיד אֶת־יֺונָתָן
וְיֺונָתָן הוֺלִיד אֶת־יַדּוּעַ׃
Neh 12.12
וּבִימֵי יֺויָקִים הָיוּ כֹהֲנִים
רָאשֵׁי הָאָבוֺת לִשְׂרָיָה מְרָיָה
לְיִרְמְיָה חֲנַנְיָה׃
Neh 12.13
לְעֶזְרָא מְשֻׁלָּם לַאֲמַרְיָה יְהוֺחָנָן׃
Neh 12.14
לִמְלוּכִי 2 לִמְלִיכוּ יֺונָתָן
לִשְׁבַנְיָה יֺוסֵף׃
Neh 12.15
לְחָרִם עַדְנָא לִמְרָיֺות חֶלְקָי׃
Neh 12.16
לַעֲדָיָא 2 לְעִדּוֺא זְכַרְיָה לְגִנְּתוֺן
מְשֻׁלָּם׃
Neh 12.17
לַאֲבִיָּה זִכְרִי לְמִנְיָמִין לְמוֺעַדְיָה
פִּלְטָי׃
Neh 12.18
לְבִלְגָּה שַׁמּוּעַ לִשְׁמַעְיָה יְהוֺנָתָן׃
Neh 12.19
וּלְיֺויָרִיב מַתְּנַי לִידַעְיָה
עֻזִּי׃
Neh 12.20
לְסַלַּי קַלָּי לְעָמוֺק עֵבֶר׃
Neh 12.21
לְחִלְקִיָּה חֲשַׁבְיָה לִידַעְיָה נְתַנְאֵל׃
Neh 12.22
הַלְוִיִּם בִּימֵי אֶלְיָשִׁיב יֺויָדָע
וְיֺוחָנָן וְיַדּוּעַ כְּתוּבִים רָאשֵׁי
אָבוֺת וְהַכֹּהֲנִים עַל־מַלְכוּת
דָּרְיָוֶשׁ הַפָּרְסִי׃ ף
Neh 12.23
בְּנֵי לֵוִי רָאשֵׁי הָאָבוֺת כְּתוּבִים
עַל־סֵפֶר דִּבְרֵי הַיָּמִים וְעַד־יְמֵי
יֺוחָנָן בֶּנ־אֶלְיָשִׁיב׃
Neh 12.24
וְרָאשֵׁי הַלְוִיִּם חֲשַׁבְיָה שֵׁרֵבְיָה
וְיֵשׁוּעַ בֶּנ־קַדְמִיאֵל וַאֲחֵיהֶם
לְנֶגְדָּם לְהַלֵּל לְהוֺדוֺת בְּמִצְוַת
דָּוִיד אִישׁ־הָאֱלֹהִים מִשְׁמָר
לְעֻמַּת מִשְׁמָר׃
Neh 12.25
מַתַּנְיָה וּבַקְבֻּקְיָה עֹבַדְיָה מְשֻׁלָּם
טַלְמוֺן עַקּוּב שֹׁמְרִים שׁוֺעֲרִים
מִשְׁמָר בַּאֲסֻפֵּי הַשְּׁעָרִים׃
Neh 12.26
אֵלֶּה בִּימֵי יֺויָקִים בֶּנ־יֵשׁוּעַ
בֶּנ־יֺוצָדָק וּבִימֵי נְחֶמְיָה
הַפֶּחָה וְעֶזְרָא הַכֹּהֵן הַסּוֺפֵר׃
ף
Neh 12.27
וּבַחֲנֻכַּת חוֺמַת יְרוּשָׁלִַם בִּקְשׁוּ
אֶת־הַלְוִיִּם מִכָּל־מְקוֺמֹתָם
לַהֲבִיאָם לִירוּשָׁלִָם לַעֲשֹׂת חֲנֻכָּה
וְשִׂמְחָה וּבְתוֺדוֺת וּבְשִׁי מְצִלְתַּיִם
נְבָלִים וּבְכִנֺּרוֺת׃
Neh 12.28
וַיֵּאָסְפוּ בְּנֵי הַמְשֹׁרְרִים וּמִנ־הַכִּכָּר
סְבִיבוֺת יְרוּשָׁלִַם וּמִנ־חַצְרֵי
נְטֹפָתִי׃
Neh 12.29
וּמִבֵּית הַגִּלְגָּל וּמִשְּׂדוֺת גֶּבַע
וְעַזְמָוֶת כִּי חֲצֵרִים בָּנוּ
לָהֶם הַמְשֹׁרֲרִים סְבִיבוֺת יְרוּשָׁלִָם׃
Neh 12.30
וַיִּטַּהֲרוּ הַכֹּהֲנִים וְהַלְוִיִּם
וַיְטַהֲרוּ אֶת־הָעָם וְאֶת־הַשְּׁעָרִים
וְאֶת־הַחוֺמָה׃
Neh 12.31
וָאַעֲלֶה אֶת־שָׂרֵי יְהוּדָה מֵעַל
לַחוֺמָה וָאַעֲמִידָה שְׁתֵּי תוֺדֹת
גְּדוֺלֹת וְתַהֲלֻכֹת לַיָּמִין מֵעַל
לַחוֺמָה לְשַׁעַר הָאַשְׁפֹּת׃
Neh 12.32
וַיֵּלֶך אַחֲרֵיהֶם הוֺשַׁעְיָה וַחֲצִי
שָׂרֵי יְהוּדָה׃
Neh 12.33
וַעֲזַרְיָה עֶזְרָא וּמְשֻׁלָּם׃
Neh 12.34
יְהוּדָה וּבִנְיָמִן וּשְׁמַעְיָה וְיִרְמְיָה׃
ס
Neh 12.35
וּמִבְּנֵי הַכֹּהֲנִים בַּחֲצֹצְרוֺת
זְכַרְיָה בֶנ־יֺונָתָן בֶּנ־שְׁמַעְיָה
בֶּנ־מַתַּנְיָה בֶּנ־מִיכָיָה בֶּנ־זַכּוּר
בֶּנ־אָסָף׃
Neh 12.36
וְאֶחָיו שְׁמַעְיָה וַעֲזַרְאֵל מִלֲלַי
גִּלֲלַי מָעַי נְתַנְאֵל וִיהוּדָה
חֲנָנִי בִּכְלֵי־שִׁיר דָּוִיד אִישׁ
הָאֱלֹהִים וְעֶזְרָא הַסֹּפֵר לִפְנֵיהֶם׃
Neh 12.37
וְעַל שַׁעַר הָעַיִן וְנֶגְדָּם עָלוּ
עַל־מַעֲלוֺת עִיר דָּוִיד בַּמַּעֲלֶה
לַחוֺמָה מֵעַל לְבֵית דָּוִיד וְעַד
שַׁעַר הַמַּיִם מִזְרָח׃
Neh 12.38
וְהַתּוֺדָה הַשֵּׁנִית הַהוֺלֶכֶת
לְמוֺאל וַאֲנִי אַחֲרֶיהָ וַחֲצִי
הָעָם מֵעַל לְהַחוֺמָה מֵעַל לְמִגְדַּל
הַתַּנּוּרִים וְעַד הַחוֺמָה הָרְחָבָה׃
Neh 12.39
וּמֵעַל לְשַׁעַר־אֶפְרַיִם וְעַל־שַׁעַר
הַיְשָׁנָה וְעַל־שַׁעַר הַדָּגִים וּמִגְדַּל
חֲנַנְאֵל וּמִגְדַּל הַמֵּאָה וְעַד
שַׁעַר חַצֹּאן וְעָמְדוּ בְּשַׁעַר הַמַּטָּרָה׃
Neh 12.40
וַתַּעֲמֹדְנָה שְׁתֵּי הַתּוֺדֹת בְּבֵית
הָאֱלֹהִים וַאֲנִי וַחֲצִי הַסְּגָנִים
עִמִּי׃
Neh 12.41
וְהַכֹּהֲנִים אֶלְיָקִים מַעֲשֵׂיָה
מִנְיָמִין מִיכָיָה אֶלְיֺועֵינַי
זְכַרְיָה חֲנַנְיָה בַּחֲצֹצְרוֺת׃
Neh 12.42
וּמַעֲשֵׂיָה וּשְׁמַעְיָה וְאֶלְעָזָר
וְעֻזִּי וִיהוֺחָנָן וּמַלְכִּיָּה וְעֵילָם
וָעָזֶר וַיַּשְׁמִיעוּ הַמְשֹׁרְרִים
וְיִזְרַחְיָה הַפָּקִיד׃
Neh 12.43
וַיִּזְבְּחוּ בַיֺּומ־הַהוּא זְבָחִים
גְּדוֺלִים וַיִּשְׂמָחוּ כִּי הָאֱלֹהִים
שִׂמְּחָם שִׂמְחָה גְדוֺלָה וְגַם הַנָּשִׁים
וְהַיְלָדִים שָׂמֵחוּ וַתִּמַע שִׂמְחַת
יְרוּשָׁלִַם מֵרָחוֺק׃
Neh 12.44
וַיִּפָּקְדוּ בַיֺּום הַהוּא אֲנָשִׁים
עַל־הַנְּשָׁכוֺת לָאוֺצָרוֺת לַתְּרוּמוֺת
לָרֵאשִׁית וְלַמַּעַשְׂרוֺת לִכְנֺוס
בָּהֶם לִשְׂדֵי הֶעָרִים מְנָאוֺ הַתּוֺרָה
לַכֹּהֲנִים וְלַלְוִיִּם כִּי שִׂמְחַת
יְהוּדָה עַל־הַכֹּהֲנִים וְעַל־הַלְוִיִּם
הָעֹמְדִים׃
Neh 12.45
וַיִּשְׁמְרוּ מִשְׁמֶרֶת אֱלֹהֵיהֶם וּמִשְׁמֶרֶת
הַטָּהֳרָה וְהַמְשֹׁרְרִים וְהַשֹּׁעֲרִים
כְּמִצְוַת דָּוִיד שְׁלֹמֹה בְנֺו׃
Neh 12.46
כִּי־בִימֵי דָוִיד וְאָסָף מִקֶּדֶם 1 רֹאשׁ 2 רָאשֵׁי
הַמְשֹׁרְרִים וְשִׁיר־תְּהִלָּה וְהֹדוֺת
לֵאלֹהִים׃
Neh 12.47
וְכָל־יִשְׂרָאֵל בִּימֵי זְרֻבָּבֶל
וּבִימֵי נְחֶמְיָה נֺתְנִים מְנָיֺות
הַמְשֹׁרְרִים וְהַשֹּׁעֲרִים דְּבַר־יֺום
בְּיֺומוֺ וּמַקְדִּשִׁים לַלְוִיִּם וְהַלְוִיִּם
מַקְדִּשִׁים לִבְנֵי אַהֲרֹן׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages