Neh 13

Teljes szövegű keresés

Neh 13
Neh 13.1
בַּיֺּום הַהוּא נִקְרָא בְּסֵפֶר מֹשֶׁה
בְּאָזְנֵי הָעָם וְנִמְצָא כָּתוּב
בּוֺ אֲשֶׁר לֹא־יָבוֺא עַמֹּנִי
וּמֹאָבִי בִּקְהַל הָאֱלֹהִים עַד־עוֺלָם׃
Neh 13.2
כִּי לֹא קִדְּמוּ אֶת־בְּנֵי יִשְׂרָאֵל
בַּלֶּחֶם וּבַמָּיִם וַיִּשְׂכֹּר עָלָיו
אֶת־בִּלְעָם לְקַלְלוֺ וַיַּהֲפֹך
אֱלֹהֵינוּ הַקְּלָלָה לִבְרָה׃
Neh 13.3
וַיְהִי כְּשָׁמְעָם אֶת־הַתּוֺרָה
וַיַּבְדִּילוּ כָל־עֵרֶב מִיִּשְׂרָאֵל׃
Neh 13.4
וְלִפְנֵי מִזֶּה אֶלְיָשִׁיב הַכֹּהֵן
נָתוּן בְּלִשְׁכַּת בֵּית־אֱלֹהֵינוּ
קָרוֺב לְטוֺבִיָּה׃
Neh 13.5
וַיַּעַשׂ לוֺ לִשְׁכָּה גְדוֺלָה וְשָׁם
הָיוּ לְפָנִים נֺתְנִים אֶת־הַמִּנְחָה
הַלְּבוֺנָה וְהַכֵּלִים וּמַעְשַׂר הַדָּגָן
הַתִּירוֺשׁ וְהַיִּצְהָר מִצְת הַלְוִיִּם
וְהַמְשֹׁרְרִים וְהַשֹּׁעֲרִים וּתְרוּמַת
הַכֹּהֲנִים׃
Neh 13.6
וּבְכָל־זֶה לֹא הָיִיתִי בִּירוּשָׁלִָם
כִּי בִּשְׁנַת שְׁלֹשִׁים וּשְׁתַּיִם לְאַרְתַּחְשַׁסְתְּא
מֶלֶכְ־בָּבֶל בָּאתִי אֶל־הַמֶּלֶך
וּלְקֵץ יָמִים שְׁאַלְתִּי מִנ־הַמֶּלֶך׃
Neh 13.7
וָאָבוֺא לִירוּשָׁלִָם וָאָבִינָה
בָרָעָה אֲשֶׁר עָשָׂה אֶלְיָשִׁיב לְטוֺבִיָּה
לַעֲשׂוֺת לוֺ נִשְׁכָּה בְּחַצְרֵי
בֵּית הָאֱלֹהִים׃
Neh 13.8
וַיֵּרַע לִי מְאֹד וָאַשְׁלִיכָה אֶת־כָּל־כְּלֵי
בֵית־טוֺבִיָּה הַחוּץ מִנ־הַלִּשְׁכָּה׃
Neh 13.9
וָאֹמְרָה וַיְטַהֲרוּ הַלְּשָׁכוֺת
וָאָשִׁיבָה שָּׁם כְּלֵי בֵּית הָאֱלֹהִים
אֶת־הַמִּנְחָה וְהַלְּבוֺנָה׃ ף
Neh 13.10
וָאֵדְעָה כִּי־מְנָיֺות הַלְוִיִּם
לֹא נִתָּנָה וַיִּבְרְחוּ אִישׁ־לְשָׂדֵהוּ
הַלְוִיִּם וְהַמְשֹׁרְרִים עֹשֵׂי הַמְּלָאכָה׃
Neh 13.11
וָאָרִיבָה אֶת־הַסְּגָנִים וָאֹמְרָה
מַדּוּעַ נֶעֱזַב בֵּית־הָאֱלֹהִים
וָאֶקְבְּצֵם וָאַעֲמִדֵם עַל־עָמְדָם׃
Neh 13.12
וְכָל־יְהוּדָה הֵבִיאוּ מַעְשַׂר
הַדָּגָן וְהַתִּירוֺשׁ וְהַיִּצְהָר לָאוֺצָרוֺת׃
Neh 13.13
וָאוֺצְרָה עַל־אוֺצָרוֺת שֶׁלֶמְיָה
הַכֹּהֵן וְצָדוֺק הַסּוֺפֵר וּפְדָיָה
מִנ־הַלְוִיִּם וְעַל־יָדָם חָנָן
בֶּנ־זַכּוּר בֶּנ־מַתַּנְיָה כִּי נֶאֱמָנִים
נֶחְשָׁבוּ וַעֲלֵיהֶם לַחֲלֹק לַאֲחֵיהֶם׃
ף
Neh 13.14
זָכְרָה־לִּי אֱלֹהַי עַל־זֺאת וְאַל־תֶּמַח
חֲסָדַי אֲשֶׁר עָשִׂיתִי בְּבֵית
אֱלֹהַי וּבְמִשְׁמָרָיו׃
Neh 13.15
בַּיָּמִים הָהֵמָּה רָאִיתִי בִיהוּדָה
דֹרְכִימ־גִּתּוֺת בַּשַּׁבָּת וּמְבִיאִים
הָעֲרֵמוֺת וְעֹמְסִים עַל־הַחֲמֹרִים
וְאַפ־יַיִן עֲנָבִים תְאֵנִים וְכָל־מַשָּׂא
וּמְבִיאִים יְרוּשָׁלִַם בְּיֺום
הַשַּׁבָּת וָאָעִיד בְּיֺום מִכְרָם
צָיִד׃
Neh 13.16
וְהַצֹּרִים יָשְׁבוּ בָהּ מְבִיאִים
דָּאג וְכָל־מֶכֶר וּמֹכְרִים בַּשַּׁבָּת
לִבְנֵי יְהוּדָה וּבִירוּשָׁלִָם׃
Neh 13.17
וָאָרִיבָה אֵת חֹרֵי יְהוּדָה וָאֹמְרָה
לָהֶם מָה־הַדָּבָר הָרָע הַזֶּה
אֲשֶׁר אַתֶּם עֹשִׂים וּמְחַלְּלִים
אֶת־יֺום הַשַּׁבָּת׃
Neh 13.18
הֲלוֺא כֹה עָשׂוּ אֲבֹתֵיכֶם וַיָּבֵא
אֱלֹהֵינוּ עָלֵינוּ אֵת כָּל־הָרָעָה
הַזֺּאת וְעַל הָעִיר הַזֺּאת וְאַתֶּם
מוֺסִיפִים חָרוֺן עַל־יִשְׂרָאֵל
לְחַלֵּל אֶת־הַשַּׁבָּת׃ ף
Neh 13.19
וַיְהִי כַּאֲשֶׁר צָלֲלוּ שַׁעֲרֵי יְרוּשָׁלִַם
לִפְנֵי הַשַּׁבָּת וָאֹמְרָה וַיִּסָּגְרוּ
הַדְּלָתוֺת וָאֹמְרָה אֲשֶׁר לֹא יִפְתָּחוּם
עַד אַחַר הַשַּׁבָּת וּמִנְּעָרַי הֶעֱמַדְתִּי
עַל־הַשְּׁעָרִים לֹא־יָבוֺא מַשָּׂא
בְּיֺום הַשַּׁבָּת׃
Neh 13.20
וַיָּלִינוּ הָרֹכְלִים וּמֹכְרֵי
כָל־מִמְכָּר מִחוּץ לִירוּשָׁלִָם
פַּעַם וּשְׁתָּיִם׃
Neh 13.21
וָאָעִידָה בָהֶם וָאֹמְרָה אֲלֵיהֶם
מַדּוּעַ אַתֶּם לֵנִים נֶגֶד הַחוֺמָה
אִמ־תִּשְׁנוּ יָד אֶשְׁלַח בָּכֶם
מִנ־הָעֵת הַהִיא לֹא־בָאוּ בַּשַּׁבָּ׃
ס
Neh 13.22
וָאֹמְרָה לַלְוִיִּם אֲשֶׁר יִהְיוּ
מִטַּהֲרִים וּבָאִים שֹׁמְרִים הַשְּׁעָרִים
לְקַדֵּשׁ אֶת־יֺום הַשַּׁבָּת גַּמ־זֺאת
זָכְרָה־לִּי אֱלֹהַי וְחסָה עָלַי
כְּרֹב חַסְדֶּךָ׃ ף
Neh 13.23
גַּם בַּיָּמִים הָהֵם רָאִיתִי אֶת־הַיְּהוּדִים
הֹשִׁיבוּ נָשִׁים 1 אַשְׁדּוֺדִיֺּות 2 אַשְׁדֳּדִיֺּות 1 עַמּוֺנִיֺּות 2 עַמֳּנִיֺּות
מוֺאֲבִיֺּות׃
Neh 13.24
וּבְנֵיהֶם חֲצִי מְדַבֵּר אַשְׁדּוֺדִית
וְאֵינָם מַכִּירִים לְדַבֵּר יְהוּדִית
וְכִלְשׁוֺן עַם וָעָם׃
Neh 13.25
וָאָרִיב עִמָּם וָאֲקַלְלֵם וָאַכֶּה
מֵהֶם אֲנָשִׁים וָאֶמְרְטֵם וָאַשְׁבִּיעֵם
בֵּאלֹהִים אִמ־תִּתְּנוּ בְנֺתֵיכֶם
לִבְנֵיהֶם וְאִמ־תִּשְׂאוּ בְּנֺתֵיהֶם
לִבְנֵיכֶם וְלָכֶם׃
Neh 13.26
הֲלוֺא עַל־אֵלֶּה חָטָא־שְׁלֹמֹה
מֶלֶך יִשְׂרָאֵל וּבַגֺּויִם הָרַבִּים
לֹא־הָיָה מֶלֶך כָּמֹהוּ וְאָהוּב
לֵאלֹהָיו הָיָה וַיִּתְּנֵהוּ אֱלֹהִים
מֶלֶך עַל־כָּל־יִשְׂרָאֵל גַּמ־אוֺתוֺ
הֶחֱטִיאוּ הַנָּשִׁים הַנָּכְרִיֺּות׃
Neh 13.27
וְלָכֶם הֲנִשְׁמַע לַעֲשֹׂת אֵת כָּל־הָרָעָה
הַגְּדוֺלָה הַזֺּאת לִמְעֹל בֵּאלֹהֵינוּ
לְהֹשִׁיב נָשִׁים נָכְרִיֺּות׃
Neh 13.28
וּמִבְּנֵי יֺויָדָע בֶּנ־אֶלְיָשִׁיב
הַכֹּהֵן הַגָּדוֺל חָתָן לְסַנְבַלַּט
הַחֹרֹנִי וָאַבְרִיחֵהוּ מֵעָלָי׃
Neh 13.29
זָכְרָה לָהֶם אֱלֹהָי עַל גָּאֳלֵי
הַכְּהֻנָּה וּבְרִית הַכְּהֻנָּה וְהַלְוִיִּם׃
Neh 13.30
וְטִהַרְתִּים מִכָּל־נֵכָר וָאַעֲמִידָה
מִשְׁמָרוֺת לַכֹּהֲנִים וְלַלְוִיִּם
אִישׁ בִּמְלַאכְתּוֺ׃
Neh 13.31
וּלְקֻרְבַּן הָעֵצִים בְּעִתִּים מְזֻמָּנֺות
וְלַבִּכּוּרִים זָכְרָה־לִּי אֱלֹהַי
לְטוֺבָה׃

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages