Jes 10

Teljes szövegű keresés

Jes 10
Jes 10.1
הוֺי הַחֹקְקִים חִקְקֵי־אָוֶן וּמְכַתְּבִים
עָמָל כִּתֵּבוּ׃
Jes 10.2
לְהַטּוֺת מִדִּין דַּלִּים וְלִגְזֺל
מִשְׁפַּט עֲנִיֵּי עַמִּי לִהְיֺות
אַלְמָנֺות שְׁלָלָם וְאֶת־יְתוֺמִים
יָבֹזּוּ׃
Jes 10.3
וּמַה־תַּעֲשׂוּ לְיֺום פְּקֻדָּה וּלְשׁוֺאָה
מִמֶּרְחָק תָּבוֺא עַל־מִי תָּנוּסוּ
לְעֶזְרָה וְאָנָה תַעַזְבוּ כְּבוֺדְכֶם׃
Jes 10.4
בִּלְתִּי כָרַע תַּחַת אַסִּיר וְתַחַת
הֲרוּגִים יִפֹּלוּ בְּכָל־זֺאת
לֹא־שָׁב אַפּוֺ וְעוֺד יָדוֺ נְטוּיָה׃
ס
Jes 10.5
הוֺי אַשּׁוּר שֵׁבֶט אַפִּי וּמַטֶּה־הוּא
בְיָדָם זַעְמִי׃
Jes 10.6
בְּגֺוי חָנֵף אֲשַׁלְּחֶנּוּ וְעַל־עַם
עֶבְרָתִי אֲצַוֶּנּוּ לִשְׁלֹל שָׁלָל
וְלָבֹז בַּז 1 וּלְשִׂימוֺ 2 וּלְשׂוּמוֺ
מִרְמָס כְּחֹמֶר חוּצוֺת׃
Jes 10.7
וְהוּא לֹא־כֵן יְדַמֶּה וּלְבָבוֺ
לֹא־כֵן יַחְשֹׁב כִּי לְהַשְׁמִיד
בִּלְבָבוֺ וּלְהַכְרִית גֺּויִם לֹא
מְעָט׃
Jes 10.8
כִּי יֺאמַר הֲלֹא שָׂרַי יַחְדָּו
מְלָכִים׃
Jes 10.9
הֲלֹא כְּכַרְכְּמִישׁ כַּלְנֺו אִמ־לֹא
כְאַרְפַּד חֲמָת אִמ־לֹא כְדַמֶּשֶׂק
שֹׁמְרוֺן׃
Jes 10.10
כַּאֲשֶׁר מָצְאָה יָדִי לְמַמְלְכֹת
הָאֱלִיל וּפְסִילֵיהֶם מִירוּשָׁלִַם
וּמִשֹּׁמְרוֺן׃
Jes 10.11
הֲלֹא כַּאֲשֶׁר עָשִׂיתִי לְשֹׁמְרוֺן
וְלֶאֱלִילֶיהָ כֵּן אֶעֱשֶׂה לִירוּשָׁלִַם
וְלַעֲצַבֶּיהָ׃ ס
Jes 10.12
וְהָיָה כִּי־יְבַצַּע אֲדֹנָי אֶת־כָּל־מַעֲשֵׂהוּ
בְּהַר צִיֺּון וּבִירוּשָׁלִָם אֶפְקֹד
עַל־פְּרִי־גֺדֶל לְבַב מֶלֶכְ־אַשּׁוּר
וְעַל־תִּפְאֶרֶת וּם עֵינָיו׃
Jes 10.13
כִּי אָמַר בְּכֹחַ יָדִי עָשִׂיתִי
וּבְחָכְמָתִי כִּי נְבֻנֺותִי וְאָסִיר
גְּבוּלֹת עַמִּים 1 וַעֲתִידֹתֵיהֶם 2 וַעֲתוּדוֺתֵיהֶם
שׁוֺשֵׂתִי וְאוֺיד כַּאבִּיר יֺושְׁבִים׃
Jes 10.14
וַתִּמְצָא כַקֵּן יָדִי לְחֵיל הָעַמִּים
וְכֶאֱסֹף בֵּיצִים עֲזֻבוֺת כָּל־הָאָרֶץ
אֲנִי אָסָפְתִּי וְלֹא הָיָה נֺדֵד
כָּנָף וּפֹצֶה פֶה וּמְצַפְצֵף׃
Jes 10.15
הֲיִתְפָּאֵר הַגַּרְזֶן עַל הַחֹצֵב
בּוֺ אִמ־יִתְגַּדֵּל הַמַּשּׂוֺר עַל־מְנִיפוֺ
כְּהָנִיף שֵׁבֶט וְאֶת־מְרִימָיו
כְּהָרִים מַטֶּה לֹא־עֵץ׃
Jes 10.16
לָכֵן יְשַׁלַּח הָאָדוֺן יְהוָה
צְבָאוֺת בְּמִשְׁמַנָּיו רָזֺון וְתַחַת
כְּבֹדוֺ יֵקַד יְקֹד כִּיקוֺד אֵשׁ׃
Jes 10.17
וְהָיָה אוֺר־יִשְׂרָאֵל לְאֵשׁ וּקְדוֺשׁוֺ
לְלֶהָבָה וּבָעֲרָה וְאָכְלָה שִׁיתוֺ
וּשְׁמִירוֺ בְּיֺום אֶחָד׃
Jes 10.18
וּכְבוֺד יַעְרוֺ וְכַרְמִלּוֺ מִנֶּפֶשׁ
וְעַד־בָּשָׂר יְכַלֶּה וְהָיָה כִּמְסֹס
נֺסֵס׃
Jes 10.19
וּשְׁאָר עֵץ יַעְרוֺ מִסְפָּר יִהְיוּ
וְנַעַר יִכְתְּבֵם׃ ף
Jes 10.20
וְהָיָה בַּיֺּום הַהוּא לֹא־יֺוסִיף
עוֺד שְׁאָר יִשְׂרָאֵל וּפְלֵיטַת
בֵּית־יַעֲקֹב לְהִשָּׁעֵן עַל־מַכֵּהוּ
וְנִשְׁעַן עַל־יְהוָה קְדוֺשׁ יִשְׂרָל
בֶּאֱמֶת׃
Jes 10.21
שְׁאָר יָשׁוּב שְׁאָר יַעֲקֹב אֶל־אֵל
גִּבּוֺר׃
Jes 10.22
כִּי אִמ־יִהְיֶה עַמְּךָ יִשְׂרָאֵל
כְּחוֺל הַיָּם שְׁאָר יָשׁוּב בּוֺ
כִּלָּיֺון חָרוּץ שׁוֺטֵף צְדָקָה׃
Jes 10.23
כִּי כָלָה וְנֶחֱרָצָה אֲדֹנָי יְהוִה
צְבָאוֺת עֹשֶׂה בְּקֶרֶב כָּל־הָאָרֶץ׃
ס
Jes 10.24
לָכֵן כֹּה־אָמַר אֲדֹנָי יְהוִה
צְבָאוֺת אַל־תִּירָא עַמִּי יֺשֵׁב
צִיֺּון מֵאַשּׁוּר בַּשֵּׁבֶט יַכֶּכָּה
וּמַטֵּהוּ יִשָּׂא־עָלֶיךָ בְּדֶרֶך צְרָיִם׃
Jes 10.25
כִּי־עוֺד מְעַט מִזְעָר וְכָלָה
זַעַם וְאַפִּי עַל־תַּבְלִיתָם׃
Jes 10.26
וְעוֺרֵר עָלָיו יְהוָה צְבָאוֺת
שׁוֺט כְּמַכַּת מִדְיָן בְּצוּר עוֺרֵב
וּמַטֵּהוּ עַל־הַיָּם וּנְשָׂאוֺ בְּדֶרֶך
מִצְרָיִם׃
Jes 10.27
וְהָיָה בַּיֺּום הַהוּא יָסוּר
סֻבֳּלוֺ מֵעַל שִׁכְמֶךָ וְעֻלּוֺ מֵעַל
צַוָּארֶךָ וְחֻבַּל עֹל מִפְּנֵי־שָׁמֶן׃
Jes 10.28
בָּא עַל־עַיַּת עָבַר בְּמִגְרוֺן
לְמִכְמָשׂ יַפְקִיד כֵּלָיו׃
Jes 10.29
עָבְרוּ מַעְבָּרָה גֶּבַע מָלוֺן לָנוּ
חָרְדָה הָרָמָה גִּבְעַת שָׁאוּל נָסָה׃
Jes 10.30
צַהֲלִי קוֺלֵך בַּת־גַּלִּים הַקְשִׁיבִי
לַיְשָׁה עֲנִיָּה עֲנָתוֺת׃
Jes 10.31
נָדְדָה מַדְמֵנָה יֺשְׁבֵי הַגֵּבִים
הֵעִיזוּ׃
Jes 10.32
עוֺד הַיֺּום בְּנֺב לַעֲמֹד יְנֺפֵף
יָדוֺ הַר 1 בֵּית 2 בַּת־צִיֺּון גִּבְעַת
יְרוּשָׁלִָם׃ ס
Jes 10.33
הִנֵּה הָאָדוֺן יְהוָה צְבָאוֺת
מְסָעֵף פֻּארָה בְּמַעֲרָצָה וְרָמֵי
הַקּוֺמָה גְּדוּעִים וְהַגְּבֹהִים
יִשְׁפָּלוּ׃
Jes 10.34
וְנִקַּף סִבְכֵי הַיַּעַר בַּבַּרְזֶל
וְהַלְּבָנֺון בְּאַדִּיר יִפּוֺל׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages