Jes 19

Teljes szövegű keresés

Jes 19
Jes 19.1
מַשָּׂא מִצְרָיִם הִנֵּה יְהוָה רֹכֵב
עַל־עָב קַל וּבָא מִצְרַיִם וְנָעוּ
אֱלִילֵי מִצְרַיִם מִפָּנָיו וּלְבַב
מִצְרַיִם יִמַּס בְּקִרְבּוֺ׃
Jes 19.2
וְסִכְסַכְתִּי מִצְרַיִם בְּמִצְרַיִם
וְנִלְחֲמוּ אִישׁ־בְּאָחִיו וְאִישׁ
בְּרֵעֵהוּ עִיר בְּעִיר מַמְלָכָה
בְּמַמְלָכָה׃
Jes 19.3
וְנָבְקָה רוּחַ־מִצְרַיִם בְּקִרְבּוֺ
וַעֲצָתוֺ אֲבַלֵּעַ וְדָרְשׁוּ אֶל־הָאֱלִילִים
וְאֶל־הָאִטִּים וְאֶל־הָאֹבוֺת וְאֶל־הַיִּדְּעֹנִים׃
Jes 19.4
וְסִכַּרְתִּי אֶת־מִצְרַיִם בְּיַד אֲדֹנִים
קָשֶׁה וּמֶלֶך עַז יִמְשָׁל־בָּם
נְאֻם הָאָדוֺן יְהוָה צְבָאוֺת׃
Jes 19.5
וְנִשְּׁתוּ־מַיִם מֵהַיָּם וְנָהָר יֶחֱרַב
וְיָבֵשׁ׃
Jes 19.6
וְהֶאֶזְנִיחוּ נְהָרוֺת דָּלֲלוּ וְחָרְבוּ
יְאֹרֵי מָצוֺר קָנֶה וָסוּף קָמֵלוּ׃
Jes 19.7
עָרוֺת עַל־יְאוֺר עַל־פִּי יְאוֺר
וְכֹל מִזְרַע יְאוֺר יִיבַשׁ נִדַּף
וְאֵינֶנּוּ׃
Jes 19.8
וְאָנוּ הַדַּיָּגִים וְאָבְלוּ כָּל־מַשְׁלִיכֵי
בַיְאוֺר חַכָּה וּפֹרְשֵׂי מִכְמֹרֶת
עַל־פְּנֵי־מַיִם אֻמְלָלוּ׃
Jes 19.9
וּבֹשׁוּ עֹבְדֵי פִשְׁתִּים שְׂרִיקוֺת
וְאֹרְגִים חוֺרָי׃
Jes 19.10
וְהָיוּ שָׁתֹתֶיהָ מְדֻכָּאִים כָּל־עֹשֵׂי
שֶׂכֶר אַגְמֵי־נָפֶשׁ׃
Jes 19.11
אַכְ־אֱוִלִים שָׂרֵי צֹעַן חַכְמֵי
יֺעֲצֵי פַרְעֹה עֵצָה נִבְעָרָה
אֵיך תֹּאמְרוּ אֶל־פַּרְעֹה בֶּנ־חֲכָמִים
אֲנִי בֶּנ־מַלְכֵי־קֶדֶם׃
Jes 19.12
אַיָּם אֵפוֺא חֲכָמֶיךָ וְיַגִּידוּ
נָא לָך וְיֵדְעוּ מַה־יָּעַץ יְהוָה
צְבָאוֺת עַל־מִצְרָיִם׃
Jes 19.13
נֺואֲלוּ שָׂרֵי צֹעַן נִשְּׁאוּ שָׂרֵי
נֺף הִתְעוּ אֶת־מִצְרַיִם פִּנַּת
שְׁבָטֶיהָ׃
Jes 19.14
יְהוָה מָסַך בְּקִרְבָּהּ רוּחַ עִוְעִים
וְהִתְעוּ אֶת־מִצְרַיִם בְּכָל־מַעֲשֵׂהוּ
כְּהִתָּעוֺת שִׁכּוֺר בְּקִיאוֺ׃
Jes 19.15
וְלֹא־יִהְיֶה לְמִצְרַיִם מַעֲשֶׂה
אֲשֶׁר יַעֲשֶׂה רֹאשׁ וְזָנָב כִּפָּה
וְאַגְמוֺן׃ ס
Jes 19.16
בַּיֺּום הַהוּא יִהְיֶה מִצְרַיִם
כַּנָּשִׁים וְחָרַד וּפָחַד מִפְּנֵי
תְּנוּפַת יַד־יְהוָה צְבָאוֺת
אֲשֶׁר־הוּא מֵנִיף עָלָיו׃
Jes 19.17
וְהָיְתָה אַדְמַת יְהוּדָה לְמִצְרַיִם
לְחָגָּא כֹּל אֲשֶׁר יַזְכִּיר אֹתָהּ
אֵלָיו יִפְחָד מִפְּנֵי עֲצַת יְהוָה
צְבָאוֺת אֲשֶׁר־הוּא יֺועֵ עָלָיו׃
ס
Jes 19.18
בַּיֺּום הַהוּא יִהְיוּ חָמֵשׁ עָרִים
בְּאֶרֶץ מִצְרַיִם מְדַבְּרוֺת שְׂפַת
כְּנַעַן וְנִשְׁבָּעוֺת לַיהוָה צְבָאוֺת
עִיר הַהֶרֶס יֵאָמֵר לְאֶחָת ס
Jes 19.19
בַּיֺּום הַהוּא יִהְיֶה מִזְבֵּחַ לַיהוָה
בְּתוֺך אֶרֶץ מִצְרָיִם וּמַצֵּבָה
אֵצֶל־גְּבוּלָהּ לַיהוָה׃
Jes 19.20
וְהָיָה לְאוֺת וּלְעֵד לַיהוָה
צְבָאוֺת בְּאֶרֶץ מִצְרָיִם כִּי־יִצְעֲקוּ
אֶל־יְהוָה מִפְּנֵי לֹחֲצִים וְיִשְׁלַח
לָהֶם מוֺשִׁיעַ וָרָב וְהִצִּילָם׃
Jes 19.21
וְנֺודַע יְהוָה לְמִצְרַיִם וְיָדְעוּ
מִצְרַיִם אֶת־יְהוָה בַּיֺּום הַהוּא
וְעָבְדוּ זֶבַח וּמִנְחָה וְנָדְרוּ־נֵדֶר
לַיהוָה וְשִׁלֵּמוּ׃
Jes 19.22
וְנָגַף יְהוָה אֶת־מִצְרַיִם נָגֺף
וְרָפוֺא וְשָׁבוּ עַד־יְהוָה וְנֶעְתַּר
לָהֶם וּרְפָאָם׃
Jes 19.23
בַּיֺּום הַהוּא תִּהְיֶה מְסִלָּה מִמִּצְרַיִם
אַשּׁוּרָה וּבָא־אַשּׁוּר בְּמִצְרַיִם
וּמִצְרַיִם בְּאַשּׁוּר וְעָבְדוּ מִצְרַיִם
אֶת־אַשּׁוּר׃ ס
Jes 19.24
בַּיֺּום הַהוּא יִהְיֶה יִשְׂרָאֵל
שְׁלִישִׁיָּה לְמִצְרַיִם וּלְאַשּׁוּר
בְּרָכָה בְּקֶרֶב הָאָרֶץ׃
Jes 19.25
אֲשֶׁר בֵּרֲכוֺ יְהוָה צְבָאוֺת לֵאמֹר
בָּרוּך עַמִּי מִצְרַיִם וּמַעֲשֵׂה
יָדַי אַשּׁוּר וְנַחֲלָתִי יִשְׂרָאֵל׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages