Jes 26

Teljes szövegű keresés

Jes 26
Jes 26.1
בַּיֺּום הַהוּא יוּשַׁר הַשִּׁיר־הַזֶּה
בְּאֶרֶץ יְהוּדָה עִיר עָז־לָנוּ
יְשׁוּעָה יָשִׁית חוֺמוֺת וָחֵל׃
Jes 26.2
פִּתְחוּ שְׁעָרִים וְיָבֹא גֺוי־צַדִּיק
שֹׁמֵר אֱמֻנִים׃
Jes 26.3
יֵצֶר סָמוּך תִּצֹּר שָׁלוֺם שָׁלוֺם
כִּי בְךָ בָּטוּחַ׃
Jes 26.4
בִּטְחוּ בַיהוָה עֲדֵי־עַד כִּי
בְּיָהּ יְהוָה צוּר עוֺלָמִים׃
Jes 26.5
כִּי הֵשַׁח יֺשְׁבֵי מָרוֺם קִרְיָה
נִשְׂגָּבָה יַשְׁפִּילֶנָּה יַשְׁפִּילָהּ
עַד־אֶרֶץ יַגִּיעֶנָּה עַד־עָפָר׃
Jes 26.6
תִּרְמְסֶנָּה רָגֶל רַגְלֵי עָנִי פַּעֲמֵי
דַלִּים׃
Jes 26.7
אֹרַח לַצַּדִּיק מֵישָׁרִים יָשָׁר
מַעְגַּל צַדִּיק תְּפַלֵּס׃
Jes 26.8
אַף אֹרַח מִשְׁפָּטֶיךָ יְהוָה קִוִּינוּךָ
לְשִׁמְךָ וּלְזִכְרְךָ תַּאֲוַת־נָפֶשׁ׃
Jes 26.9
נַפְשִׁי אִוִּיתִיךָ בַּלַּיְלָה אַפ־רוּחִי
בְקִרְבִּי אֲשַׁחֲרֶךָּ כִּי כַּאֲשֶׁר
מִשְׁפָּטֶיךָ לָאָרֶץ צֶדֶק לָמְדוּ
יֺשְׁבֵי תֵבֵל׃
Jes 26.10
יֻחַן רָשָׁע בַּל־לָמַד צֶדֶק בְּאֶרֶץ
נְכֹחוֺת יְעַוֵּל וּבַל־יִרְאֶה
גֵּאוּת יְהוָה׃ ס
Jes 26.11
יְהוָה רָמָה יָדְךָ בַּל־יֶחֱזָיוּן
יֶחֱזוּ וְיֵבֹשׁוּ קִנְאַת־עָם אַפ־אֵשׁ
צָרֶיךָ תֹאכְלֵם׃ ס
Jes 26.12
יְהוָה תִּשְׁפֹּת שָׁלוֺם לָנוּ כִּי
גַּם כָּל־מַעֲשֵׂינוּ פָּעַלְתָּ לָּנוּ׃
Jes 26.13
יְהוָה אֱלֹהֵינוּ בְּעָלוּנוּ אֲדֹנִים
זוּלָתֶךָ לְבַד־בְּךָ נַזְכִּיר שְׁמֶךָ׃
Jes 26.14
מֵתִים בַּל־יִחְיוּ רְפָאִים בַּל־יָקֻמוּ
לָכֵן פָּקַדְתָּ וַתַּשְׁמִידֵם וַתְּאַבֵּד
כָּל־זֵכֶר לָמוֺ׃
Jes 26.15
יָסַפְתָּ לַגֺּוי יְהוָה יָסַפְתָּ לַגֺּוי
נִכְבָּדְתָּ רִחַקְתָּ כָּל־קַצְוֵי־אָרֶץ׃
Jes 26.16
יְהוָה בַּצַּר פְּקָדוּךָ צָקוּן לַחַשׁ
מוּסָרְךָ לָמוֺ׃
Jes 26.17
כְּמוֺ הָרָה תַּקְרִיב לָלֶדֶת תָּחִיל
תִּזְעַק בַּחֲבָלֶיהָ כֵּן הָיִינוּ
מִפָּנֶיךָ יְהוָה׃
Jes 26.18
הָרִינוּ חַלְנוּ כְּמוֺ יָלַדְנוּ
רוּחַ יְשׁוּעֹת בַּל־נַעֲשֶׂה אֶרֶץ
וּבַל־יִפְּלוּ יֺשְׁבֵי תֵבֵל׃
Jes 26.19
יִחְיוּ מֵתֶיךָ נְבֵלָתִי יְקוּמוּן
הָקִיצוּ וְרַנְּנוּ שֹׁכְנֵי עָפָר
כִּי טַל אוֺרֹת טַלֶּךָ וָאָרֶץ רְפָאִים
תַּפִּיל׃ ס
Jes 26.20
לֵך עַמִּי בֹּא בַחֲדָרֶיךָ וּסְגֺר 1 דְּלָתֶיךָ 2 דְּלָתְךָ
בַּעֲדֶךָ חֲבִי כִמְעַט־רֶגַע עַד־יַעֲבוֺר 2 יַעֲבָר־זָעַם׃
Jes 26.21
כִּי־הִנֵּה יְהוָה יֺצֵא מִמְּקוֺמוֺ
לִפְקֹד עֲוֺן יֺשֵׁב־הָאָרֶץ עָלָיו
וְגִלְּתָה הָאָרֶץ אֶת־דָּמֶיהָ וְלֹא־תְכַסֶּה
עוֺד עַל־הֲרוּגֶיהָ׃ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages