Jes 31

Teljes szövegű keresés

Jes 31
Jes 31.1
הוֺי הַיֺּרְדִים מִצְרַיִם לְעֶזְרָה
עַל־סוּסִים יִשָּׁעֵנוּ וַיִּבְטְחוּ
עַל־רֶכֶב כִּי רָב וְעַל פָּרָשִׁים
כִּי־עָצְמוּ מְאֹד וְלֹא שָׁעוּ
עַל־קְדוֺשׁ יִשְׂרָאֵל וְאֶת־יְהוָה
לֹא דָרָשׁוּ׃
Jes 31.2
וְגַמ־הוּא חָכָם וַיָּבֵא רָע וְאֶת־דְּבָרָיו
לֹא הֵסִיר וְקָם עַל־בֵּית מְרֵעִים
וְעַל־עֶזְרַת פֹּעֲלֵי אָוֶן׃
Jes 31.3
וּמִצְרַיִם אָדָם וְלֹא־אֵל וְסוּסֵיהֶם
בָּשָׂר וְלֹא־רוּחַ וַיהוָה יַטֶּה
יָדוֺ וְכָשַׁל עוֺזֵר וְנָפַל עָזֻר
וְיַחְדָּו כֻּלָּם יִכְלָיוּן׃ ס
Jes 31.4
כִּי כֹה אָמַר־יְהוָה אֵלַי כַּאֲשֶׁר
יֶהְגֶּה הָאַרְיֵה וְהַכְּפִיר עַל־טַרְפּוֺ
אֲשֶׁר יִקָּרֵא עָלָיו מְלֹא רֹעִים
מִקּוֺלָם לֹא יֵחָת וּמֵהֲמוֺנָם
לֹא יַעֲנֶה כֵּן יֵרֵד יְהוָה
צְבָאוֺת לִצְבֹּא עַל־הַר־צִיֺּון
וְעַל־גִּבְעָתָהּ׃
Jes 31.5
כְּצִפֳּרִים עָפוֺת כֵּן יָגֵן יְהוָה
צְבָאוֺת עַל־יְרוּשָׁלִָם גָּנֺון
וְהִצִּיל פָּסֹחַ וְהִמְלִיט׃
Jes 31.6
שׁוּבוּ לַאֲשֶׁר הֶעְמִיקוּ סָרָה
בְּנֵי יִשְׂרָאֵל׃
Jes 31.7
כִּי בַּיֺּום הַהוּא יִמְאָסוּן
אִישׁ אֱלִילֵי כַסְפּוֺ וֶאֱלִילֵי
זְהָבוֺ אֲשֶׁר עָשׂוּ לָכֶם יְדֵיכֶם
חֵטְא׃
Jes 31.8
וְנָפַל אַשּׁוּר בְּחֶרֶב לֹא־אִישׁ
וְחֶרֶב לֹא־אָדָם תֹּאכֲלֶנּוּ וְנָס
לוֺ מִפְּנֵי־חֶרֶב וּבַחוּרָיו לָמַס
יִהְיוּ׃
Jes 31.9
וְסַלְעוֺ מִמָּגֺור יַעֲבוֺר וְחַתּוּ
מִנֵּס שָׂרָיו נְאֻמ־יְהוָה אֲשֶׁר־אוּר
לוֺ בְּצִיֺּון וְתַנּוּר לוֺ בִּירוּשָׁלִָם׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages