Jes 36

Teljes szövegű keresés

Jes 36
Jes 36.1
וַיְהִי בְּאַרְבַּע עֶשְׂרֵה שָׁנָה לַמֶּלֶך
חִזְקִיָּהוּ עָלָה סַנְחֵרִיב מֶלֶכְ־אַשּׁוּר
עַל כָּל־עָרֵי יְהוּדָה הַבְּצֻרוֺת
וַיִּתְפְּשֵׂם׃
Jes 36.2
וַיִּשְׁלַח מֶלֶכְ־אַשּׁוּר אֶת־רַב־שָׁקֵה
מִלָּכִישׁ יְרוּשָׁלְַמָה אֶל־הַמֶּלֶך
חִזְקִיָּהוּ בְּחֵיל כָּבֵד וַיַּעֲמֹד
בִּתְעָלַת הַבְּרֵכָה הָעֶלְונָה בִּמְסִלַּת
שְׂדֵה כוֺבֵס׃
Jes 36.3
וַיֵּצֵא אֵלָיו אֶלְיָקִים בֶּנ־חִלְקִיָּהוּ
אֲשֶׁר עַל־הַבָּיִת וְשֶׁבְנָא הַסֹּפֵר
וְיֺואָח בֶּנ־אָסָף הַמַּזְכִּיר׃
Jes 36.4
וַיֺּאמֶר אֲלֵיהֶם רַב־שָׁקֵה אִמְרוּ־נָא
אֶל־חִזְקִיָּהוּ כֹּה־אָמַר הַמֶּלֶך
הַגָּדוֺל מֶלֶך אַשּׁוּר מָה הַבִּטָּחוֺן
הַזֶּה אֲשֶׁר בָּטָחְתָּ
Jes 36.5
אָמַרְתִּי אַכְ־דְּבַר־שְׂפָתַיִם עֵצָה
וּגְבוּרָה לַמִּלְחָמָה עַתָּה עַל־מִי
בָטַחְתָּ כִּי מָרַדְתָּ בִּי׃
Jes 36.6
הִנֵּה בָטַחְתָּ עַל־מִשְׁעֶנֶת הַקָּנֶה
הָרָצוּץ הַזֶּה עַל־מִצְרַיִם אֲשֶׁר
יִסָּמֵך אִישׁ עָלָיו וּבָא בְכַפּוֺ
וּנְקָבָהּ כֵּן פַּרְעֹה מֶלֶ־מִצְרַיִם
לְכָל־הַבֹּטְחִים עָלָיו׃
Jes 36.7
וְכִי־תֹאמַר אֵלַי אֶל־יְהוָה
אֱלֹהֵינוּ בָּטָחְנוּ הֲלוֺא־הוּא
אֲשֶׁר הֵסִיר חִזְקִיָּהוּ אֶת־בָּמֹתָיו
וְאֶת־מִזְבְּחֹתָיו וַיֺּאמֶר לִיהוּדָה
לִירוּשָׁלִַם לִפְנֵי הַמִּזְבֵּחַ הַזֶּה
תִּשְׁתַּחֲווּ׃
Jes 36.8
וְעַתָּה הִתְעָרֶב נָא אֶת־אֲדֹנִי
הַמֶּלֶך אַשּׁוּר וְאֶתְּנָה לְךָ אַלְפַּיִם
סוּסִים אִמ־תּוּכַל לָתֶת לְךָ
רֹכְבִים עֲלֵיהֶם׃
Jes 36.9
וְאֵיך תָּשִׁיב אֵת פְּנֵי פַחַת
אַחַד עַבְדֵי אֲדֹנִי הַקְטַנִּים
וַתִּבְטַח לְךָ עַל־מִצְרַיִם לְרֶכֶב
וּלְפָרָשִׁים׃
Jes 36.10
וְעַתָּה הֲמִבַּלְעֲדֵי יְהוָה עָלִיתִי
עַל־הָאָרֶץ הַזֺּאת לְהַשְׁחִיתָהּ
יְהוָה אָמַר אֵלַי עֲלֵה אֶל־הָאָרֶץ
הַזֺּאת וְהַשְׁחִיתָהּ׃
Jes 36.11
וַיֺּאמֶר אֶלְיָקִים וְשֶׁבְנָא וְיֺואָח
אֶל־רַב־שָׁקֵה דַּבֶּר־נָא אֶל־עֲבָדֶיךָ
אֲרָמִית כִּי שֹׁמְעִים אֲנָחְנוּ
וְאַל־תְּדַבֵּר אֵלֵינוּ יְהוּדִית
בְּאָזְנֵי הָעָם אֲשֶׁר עַל־הַחוֺמָה׃
Jes 36.12
וַיֺּאמֶר רַב־שָׁקֵה הַאֶל אֲדֹנֶיךָ
וְאֵלֶיךָ שְׁלָחַנִי אֲדֹנִי לְדַבֵּר
אֶת־הַדְּבָרִים הָאֵלֶּה הֲלֹא עַל־הָאֲנָשִׁים
הַיֺּשְׁבִים עַל־הַחוֺמָה לֶאֱכֹל
אֶת־חַרְאֵיהֶם 2 צוֺאָתָם וְלִשְׁתּוֺת
אֶת־שֵׁינֵיהֶם 2 מֵימֵי 2 רַגְלֵיהֶם
עִמָּכֶם׃
Jes 36.13
וַיַּעֲמֹד רַב־שָׁקֵה וַיִּקְרָא בְקוֺל־גָּדוֺל
יְהוּדִית וַיֺּאמֶר שִׁמְעוּ אֶת־דִּבְרֵי
הַמֶּלֶך הַגָּדוֺל מֶלֶך אַשּׁוּר׃
Jes 36.14
כֹּה אָמַר הַמֶּלֶך אַל־יַשִּׁא
לָכֶם חִזְקִיָּהוּ כִּי לֹא־יוּכַל
לְהַצִּיל אֶתְכֶם׃
Jes 36.15
וְאַל־יַבְטַח אֶתְכֶם חִזְקִיָּהוּ
אֶל־יְהוָה לֵאמֹר הַצֵּל יַצִּילֵנוּ
יְהוָה לֹא תִנָּתֵן הָעִיר הַזֺּאת
בְּיַד מֶלֶך אַשּׁוּר׃
Jes 36.16
אַל־תִּשְׁמְעוּ אֶל־חִזְקִיָּהוּ ס
כִּי כֹה אָמַר הַמֶּלֶך אַשּׁוּר
עֲשׂוּ־אִתִּי בְרָכָה וּצְאוּ אֵלַי
וְאִכְלוּ אִישׁ־גַּפְנֺו וְאִישׁ
תְּאֵנָתֹ וּשְׁתוּ אִישׁ מֵי־בוֺרוֺ׃
Jes 36.17
עַד־בֹּאִי וְלָקַחְתִּי אֶתְכֶם אֶל־אֶרֶץ
כְּאַרְצְכֶם אֶרֶץ דָּגָן וְתִירוֺשׁ
אֶרֶץ לֶחֶם וּכְרָמִים׃
Jes 36.18
פֶּנ־יַסִּית אֶתְכֶם חִזְקִיָּהוּ
לֵאמֹר יְהוָה יַצִּילֵנוּ הַהִצִּילוּ
אֱלֹהֵי הַגֺּויִם אִישׁ אֶת־אַרְצוֺ
מִיַּד מֶלֶך אַשּׁוּר׃
Jes 36.19
אַיֵּה אֱלֹהֵי חֲמָת וְאַרְפָּד אַיֵּה
אֱלֹהֵי סְפַרְוָיִם וְכִי־הִצִּילוּ
אֶת־שֹׁמְרוֺן מִיָּדִי׃
Jes 36.20
מִי בְּכָל־אֱלֹהֵי הָאֲרָצוֺת הָאֵלֶּה
אֲשֶׁר־הִצִּילוּ אֶת־אַרְצָם מִיָּדִי
כִּי־יַצִּיל יְהוָה אֶת־יְרוּשָׁלִַם
מִיָּדִי׃
Jes 36.21
וַיַּחֲרִישׁוּ וְלֹא־עָנוּ אֹתוֺ
דָּבָר כִּי־מִצְוַת הַמֶּלֶך הִיא
לֵאמֹר לֹא תַעֲנֻהוּ׃
Jes 36.22
וַיָּבֹא אֶלְיָקִים בֶּנ־חִלְקִיָּהוּ
אֲשֶׁר־עַל־הַבַּיִת וְשֶׁבְנָא הַסּוֺפֵר
וְיֺואָח בֶּנ־אָסָף הַמַּזְכִּיר
אֶל־חִזְקִיָּהוּ קְרוּעֵי בְגָדִים
וַיַּגִּידוּ לוֺ אֵת דִּבְרֵי רַב־שָׁקֵה׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages