Jes 43

Teljes szövegű keresés

Jes 43
Jes 43.1
וְעַתָּה כֹּה־אָמַר יְהוָה בֹּרַאֲךָ
יַעֲקֹב וְיֺצֶרְךָ יִשְׂרָאֵל אַל־תִּירָא
כִּי גְאַלְתִּיךָ קָרָאתִי בְשִׁמְךָ
לִי־אָתָּה׃
Jes 43.2
כִּי־תַעֲבֹר בַּמַּיִם אִתְּכָ־אָנִי
וּבַנְּהָרוֺת לֹא יִשְׁטְפוּךָ כִּי־תֵלֵך
בְּמוֺ־אֵשׁ לֹא תִכָּוֶה וְלֶהָבָה
לֹא תִבְעַר־בָּך׃
Jes 43.3
כִּי אֲנִי יְהוָה אֱלֹהֶיךָ קְדוֺשׁ
יִשְׂרָאֵל מוֺשִׁיעֶךָ נָתַתִּי כָפְרְךָ
מִצְרַיִם כּוּשׁ וּסְבָא תַּחְתֶּיךָ׃
Jes 43.4
מֵאֲשֶׁר יָקַרְתָּ בְעֵינַי נִכְבַּדְתָּ
וַאֲנִי אֲהַבְתִּיךָ וְאֶתֵּן אָדָם
תַּחְתֶּיךָ וּלְאֻמִּים תַּחַת נַפְשֶׁךָ׃
Jes 43.5
אַל־תִּירָא כִּי אִתְּכָ־אָנִי מִמִּזְרָח
אָבִיא זַרְעֶךָ וּמִמַּעֲרָב אֲקַבְּצֶךָּ׃
Jes 43.6
אֹמַר לַצָּפוֺן תֵּנִי וּלְתֵימָן
אַל־תִּכְלָאִי הָבִיאִי בָנַי מֵרָחוֺק
וּבְנֺותַי מִקְצֵה הָאָרֶץ׃
Jes 43.7
כֹּל הַנִּקְרָא בִשְׁמִי וְלִכְבוֺדִי
בְּרָאתִיו יְצַרְתִּיו אַפ־עֲשִׂיתִיו׃
Jes 43.8
הוֺצִיא עַמ־עִוֵּר וְעֵינַיִם יֵשׁ
וְחֵרְשִׁים וְאָזְנַיִם לָמוֺ׃
Jes 43.9
כָּל־הַגֺּויִם נִקְבְּצוּ יַחְדָּו וְיֵאָסְפוּ
לְאֻמִּים מִי בָהֶם יַגִּיד זֺאת
וְרִאשֹׁנֺות יַשְׁמִיעֻנוּ יִתְּנוּ
עֵדֵיהֶם וְיִצְדָּקוּ וְיִמְעוּ וְיֺאמְרוּ
אֱמֶת׃
Jes 43.10
אַתֶּם עֵדַי נְאֻמ־יְהוָה וְעַבְדִּי
אֲשֶׁר בָּחָרְתִּי לְמַעַן תֵּדְעוּ
וְתַאֲמִינוּ לִי וְתָבִינוּ כִּי־אֲנִי
הוּא לְפָנַי לֹא־נֺוצַר אֵלוְאַחֲרַי
לֹא יִהְיֶה׃ ס
Jes 43.11
אָנֺכִי אָנֺכִי יְהוָה וְאֵין מִבַּלְעָדַי
מוֺשִׁיעַ׃
Jes 43.12
אָנֺכִי הִגַּדְתִּי וְהוֺשַׁעְתִּי וְהִשְׁמַעְתִּי
וְאֵין בָּכֶם זָר וְאַתֶּם עֵדַי
נְאֻמ־יְהוָה וַאֲנִי־אֵל׃
Jes 43.13
גַּמ־מִיֺּום אֲנִי הוּא וְאֵין
מִיָּדִי מַצִּיל אֶפְעַל וּמִי יְשִׁיבֶנָּה׃
ס
Jes 43.14
כֹּה־אָמַר יְהוָה גֺּאַלְכֶם קְדוֺשׁ
יִשְׂרָאֵל לְמַעַנְכֶם שִׁלַּחְתִּי בָבֶלָה
וְהוֺרַדְתִּי בָרִיחִים כֻּלָּם וְכַשְׂדִּים
בָּאֳנִיֺּות רִנָּתָם
Jes 43.15
אֲנִי יְהוָה קְדוֺשְׁכֶם בּוֺרֵא
יִשְׂרָאֵל מַלְכְּכֶם׃ ס
Jes 43.16
כֹּה אָמַר יְהוָה הַנֺּותֵן בַּיָּם
דָּרֶך וּבְמַיִם עַזִּים נְתִיבָה׃
Jes 43.17
הַמּוֺצִיא רֶכֶב־וָסוּס חַיִל וְעִזּוּז
יַחְדָּו יִשְׁכְּבוּ בַּל־יָקוּמוּ
דָּעֲכוּ כַּפִּשְׁתָּה כָבוּ׃
Jes 43.18
אַל־תִּזְכְּרוּ רִאשֹׁנֺות וְקַדְמֹנִיֺּות
אַל־תִּתְבֹּנָנוּ׃
Jes 43.19
הִנְנִי עֹשֶׂה חֲדָשָׁה עַתָּה תִצְמָח
הֲלוֺא תֵדָעוּהָ אַף אָשִׂים בַּמִּדְבָּר
דֶּרֶך בִּישִׁמוֺן נְהָרוֺת׃
Jes 43.20
תְּכַבְּדֵנִי חַיַּת הַשָּׂדֶה תַּנִּים
וּבְנֺות יַעֲנָה כִּי־נָתַתִּי בַמִּדְבָּר
מַיִם נְהָרוֺת בִּישִׁימֹן לְהַשְׁקוֺת
עַמִּי בְחִירִי׃
Jes 43.21
עַמ־זוּ יָצַרְתִּי לִי תְּהִלָּתִי
יְסַפֵּרוּ׃ ס
Jes 43.22
וְלֹא־אֹתִי קָרָאתָ יַעֲקֹב כִּי־יָגַעְתָּ
בִּי יִשְׂרָאֵל׃
Jes 43.23
לֹא־הֵבֵיאתָ לִּי שֵׂה עֹלֹתֶיךָ
וּזְבָחֶיךָ לֹא כִבַּדְתָּנִי לֹא
הֶעֱבַדְתִּיךָ בְּמִנְחָה וְלֹא הוֺגַעְתִּיךָ
בִּלְבוֺנָה׃
Jes 43.24
לֹא־קָנִיתָ לִּי בַכֶּסֶף קָנֶה וְחֵלֶב
זְבָחֶיךָ לֹא הִרְוִיתָנִי אַך
הֶעֱבַדְתַּנִי בְּחַטֹּאותֶיךָ הוֺגַעְתַּנִי
בַּעֲוֺנֺתֶיךָ׃ ס
Jes 43.25
אָנֺכִי אָנֺכִי הוּא מֹחֶה פְשָׁעֶיךָ
לְמַעֲנִי וְחַטֹּאתֶיךָ לֹא אֶזְכֹּר׃
Jes 43.26
הַזְכִּירֵנִי נִשָּׁפְטָה יָחַד סַפֵּר
אַתָּה לְמַעַן תִּצְדָּק׃
Jes 43.27
אָבִיךָ הָרִאשׁוֺן חָטָא וּמְלִיצֶיךָ
פָּשְׁעוּ בִי׃
Jes 43.28
וַאֲחַלֵּל שָׂרֵי קֹדֶשׁ וְאֶתְּנָה לַחֵרֶם
יַעֲקֹב וְיִשְׂרָאֵל לְגִדּוּפִים׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages