Jer 20

Teljes szövegű keresés

Jer 20
Jer 20.1
וַיִּשְׁמַע פַּשְׁחוּר בֶּנ־אִמֵּר הַכֹּהֵן
וְהוּא־פָקִיד נָגִיד בְּבֵית
יְהוָה אֶת־יִרְמְיָהוּ נִבָּא אֶת־הַדְּבָרִים
הָאֵלֶּה׃
Jer 20.2
וַיַּכֶּה פַשְׁחוּר אֵת יִרְמְיָהוּ
הַנָּבִיא וַיִּתֵּן אֹתוֺ עַל־הַמַּהְפֶּכֶת
אֲשֶׁר בְּשַׁעַר בִּנְיָמִן הָעֶלְיֺון
אֲשֶׁר בְּבֵית יְהוָה׃
Jer 20.3
וַיְהִי מִמָּחֳרָת וַיֺּצֵא פַשְׁחוּר
אֶת־יִרְמְיָהוּ מִנ־הַמַּהְפָּכֶת
וַיֺּאמֶר אֵלָיו יִרְמְיָהוּ לֹא
פַשְׁחוּר קָרָא יְהוָה שְׁמֶךָ כִּי
אִממָגֺור מִסָּבִיב׃ ף
Jer 20.4
כִּי כֹה אָמַר יְהוָה הִנְנִי נֺתֶנְךָ
לְמָגֺור לְךָ וּלְכָל־אֹהֲבֶיךָ
וְנָפְלוּ בְּחֶרֶב אֹיְבֵיהֶם וְעֵינֶיךָ
רֹאוֺת וְאֶת־כָּל־יְהוּדָה אֶתֵּן
בְּיַד מֶלֶכְ־בָּבֶל וְהִגְלָם בָּבֶלָה
וְהִכָּם בֶּחָרֶב׃
Jer 20.5
וְנָתַתִּי אֶת־כָּל־חֹסֶן הָעִיר
הַזֺּאת וְאֶת־כָּל־יְגִיעָהּ וְאֶת־כָּל־יְקָרָהּ
וְאֵת כָּל־אוֺצְרוֺת מַלְכֵי יְהוּדָה
אֶתֵּן בְּיַד אֹיְבֵיהֶם וּבְזָזוּם
וּלְקָחוּם וֶהֱבִיאוּם בָּבֶלָה׃
Jer 20.6
וְאַתָּה פַשְׁחוּר וְכֹל יֺשְׁבֵי בֵיתֶךָ
תֵּלְכוּ בַּשֶּׁבִי וּבָבֶל תָּבוֺא וְשָׁם
תָּמוּת וְשָׁם תִּקָּבֵר אַתָּה וְכָל־אֹהֲבֶיךָ
אֲשֶׁר־נִבֵּאתָלָהֶם בַּשָּׁקֶר׃ ס
Jer 20.7
פִּתִּיתַנִי יְהוָה וָאֶפָּת חֲזַקְתַּנִי
וַתּוּכָל הָיִיתִי לִשְׂחוֺק כָּל־הַיֺּום
כֻּלֹּה לֹעֵג לִי׃
Jer 20.8
כִּי־מִדֵּי אֲדַבֵּר אֶזְעָק חָמָס
וָשֹׁד אֶקְרָא כִּי־הָיָה דְבַר־יְהוָה
לִי לְחֶרְפָּה וּלְקֶלֶס כָּל־הַיֺּום׃
Jer 20.9
וְאָמַרְתִּי לֹא־אֶזְכְּרֶנּוּ וְלֹא־אֲדַבֵּר
עוֺד בִּשְׁמוֺ וְהָיָה בְלִבִּי כְּאֵשׁ
בֹּעֶרֶת עָצֻר בְּעַצְמֹתָי וְנִלְאֵיתִי
כַּלְכֵל וְלֹא אכָל׃
Jer 20.10
כִּי שָׁמַעְתִּי דִּבַּת רַבִּים מָגֺור
מִסָּבִיב הַגִּידוּ וְנַגִּידֶנּוּ
כֹּל אֱנֺושׁ שְׁלוֺמִי שֹׁמְרֵי צַלְעִי
אוּלַי יְפֻתֶּה וְנוּכְלָה לֹ וְנִקְחָה
נִקְמָתֵנוּ מִמֶּנּוּ׃
Jer 20.11
וַיהוָה אוֺתִי כְּגִבּוֺר עָרִיץ
עַל־כֵּן רֹדְפַי יִכָּשְׁלוּ וְלֹא
יֻכָלוּ בֹּשׁוּ מְאֹד כִּי־לֹא הִשְׂכִּילוּ
כְּלִמַּת עוֺלָם לֹא תִשָּׁכֵחַ
Jer 20.12
וַיהוָה צְבָאוֺת בֹּחֵן צַדִּיק
רֹאֶה כְלָיֺות וָלֵב אֶרְאֶה נִקְמָתְךָ
מֵהֶם כִּי אֵלֶיךָ גִּלִּיתִי אֶת־רִיבִי׃
ס
Jer 20.13
שִׁירוּ לַיהוָה הַלְלוּ אֶת־יְהוָה
כִּי הִצִּיל אֶת־נֶפֶשׁ אֶבְיֺון
מִיַּד מְרֵעִים׃ ס
Jer 20.14
אָרוּר הַיֺּום אֲשֶׁר יֻלַּדְתִּי בּוֺ
יֺום אֲשֶׁר־יְלָדַתְנִי אִמִּי אַל־יְהִי
בָרוּך׃
Jer 20.15
אָרוּר הָאִישׁ אֲשֶׁר בִּשַּׂר אֶת־אָבִי
לֵאמֹר יֻלַּד־לְךָ בֵּן זָכָר שַׂמֵּחַ
שִׂמֳּחָהוּ׃
Jer 20.16
וְהָיָה הָאִישׁ הַהוּא כֶּעָרִים
אֲשֶׁר־הָפַך יְהוָה וְלֹא נִחָם
וְשָׁמַע זְעָקָה בַּבֹּקֶר וּתְרוּעָה
בְּעֵת צָהֳרָיִם׃
Jer 20.17
אֲשֶׁר לֹא־מוֺתְתַנִי מֵרָחֶם וַתְּהִי־לִי
אִמִּי קִבְרִי וְרַחְמָהֶ הֲרַת עוֺלָם׃
Jer 20.18
לָמָּה זֶּה מֵרֶחֶם יָצָאתִי לִרְאוֺת
עָמָל וְיָגֺון וַיִּכְלוּ בְּבֹשֶׁת
יָמָי׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages