Jer 29

Teljes szövegű keresés

Jer 29
Jer 29.1
וְאֵלֶּה דִּבְרֵי הַסֵּפֶר אֲשֶׁר שָׁלַח
יִרְמְיָה הַנָּבִיא מִירוּשָׁלִָם
אֶל־יֶתֶר זִקְנֵי הַגֺּולָה וְאֶל־הַכֹּהֲנִים
וְאֶל־הַנְּבִיאִים וְאֶל־כָּל־הָעָם
אֲשֶׁר הֶגְלָה נְבוּכַדְנֶאצַּר מִירוּשָׁלִַם
בָּבֶלָה׃
Jer 29.2
אַחֲרֵי צֵאת יְכָנְיָה־הַמֶּלֶך
וְהַגְּבִירָה וְהַסָּרִיסִים שָׂרֵי
יְהוּדָה וִירוּשָׁלִַם וְהֶחָרָשׁ וְהַמַּסְגֵּר
מִירוּשָׁלִָם׃
Jer 29.3
בְּיַד אֶלְעָשָׂה בֶנ־שָׁפָן וּגְמַרְיָה
בֶּנ־חִלְקִיָּה אֲשֶׁר שָׁלַח צִדְקִיָּה
מֶלֶכְ־יְהוּדָה אֶל־נְבוּכַדְנֶאצַּר
מֶלֶך בָּבֶל בָּבֶלָה לֵאמֹר׃
Jer 29.4
כֹּה אָמַר יְהוָה צְבָאוֺת אֱלֹהֵי
יִשְׂרָאֵל לְכָל־הַגֺּולָה אֲשֶׁר־הִגְלֵיתִי
מִירוּשָׁלִַם בָּבֶלָה׃
Jer 29.5
בְּנוּ בָתִּים וְשֵׁבוּ וְנִטְעוּ גַנֺּות
וְאִכְלוּ אֶת־פִּרְיָן׃
Jer 29.6
קְחוּ נָשִׁים וְהוֺלִידוּ בָּנִים
וּבָנֺות וּקְחוּ לִבְנֵיכֶם נָשִׁים
וְאֶת־בְּנֺותֵיכֶם תְּנוּ לַאֲנָשִׁים
וְתֵלַדְנָה בָּנִים וּבָנֺות וּרְבוּ־ם
וְאַל־תִּמְעָטוּ׃
Jer 29.7
וְדִרְשׁוּ אֶת־שְׁלוֺם הָעִיר אֲשֶׁר
הִגְלֵיתִי אֶתְכֶם שָׁמָּה וְהִתְפַּלְלוּ
בַעֲדָהּ אֶל־יְהוָה כִּי בִשְׁלוֺמָהּ
יִהְיֶה לָכֶם שָׁלוֺם׃ ף
Jer 29.8
כִּי כֹה אָמַר יְהוָה צְבָאוֺת
אֱלֹהֵי יִשְׂרָאֵל אַל־יַשִּׁיאוּ לָכֶם
נְבִיאֵיכֶם אֲשֶׁר־בְּקִרְבְּכֶם וְקֹסְמֵיכֶם
וְאַל־תִּשְׁמְעוּ אֶל־חֲלֹתֵיכֶם אֲשֶׁר
אַתֶּם מַחְלְמִים׃
Jer 29.9
כִּי בְשֶׁקֶר הֵם נִבְּאִים לָכֶם
בִּשְׁמִי לֹא שְׁלַחְתִּים נְאֻמ־יְהוָה׃
ס
Jer 29.10
כִּי־כֹה אָמַר יְהוָה כִּי לְפִי
מְלֹאת לְבָבֶל שִׁבְעִים שָׁנָה אֶפְקֹד
אֶתְכֶם וַהֲקִמֹתִי עֲלֵיכֶם אֶת־דְּבָרִי
הַטּוֺב לְהָשִׁיב אֶתְכֶם אֶ־הַמָּקוֺם
הַזֶּה׃
Jer 29.11
כִּי אָנֺכִי יָדַעְתִּי אֶת־הַמַּחֲשָׁבֹת
אֲשֶׁר אָנֺכִי חֹשֵׁב עֲלֵיכֶם נְאֻמ־יְהוָה
מַחְשְׁבוֺת שָׁלוֺם וְלֹא לְרָעָה
לָתֵת לָכֶם אַחֲרִית וְתִקְוָה׃
Jer 29.12
וּקְרָאתֶם אֹתִי וַהֲלַכְתֶּם וְהִתְפַּלַּלְתֶּם
אֵלָי וְשָׁמַעְתִּי אֲלֵיכֶם׃
Jer 29.13
וּבִקַּשְׁתֶּם אֹתִי וּמְצָאתֶם כִּי
תִדְרְשֻׁנִי בְּכָל־לְבַבְכֶם׃
Jer 29.14
וְנִמְצֵאתִי לָכֶם נְאֻמ־יְהוָה
וְשַׁבְתִּי אֶת־שְׁבִיתְכֶם 2 שְׁבוּתְכֶם
וְקִבַּצְתִּי אֶתְכֶם מִכָּל־הַגֺּויִם
וּמִכָּל־הַמְּקוֺמוֺת אֲשֶׁר הִדַּחְתִּי
תְכֶם שָׁם נְאֻמ־יְהוָה וַהֲשִׁבֹתִי
אֶתְכֶם אֶל־הַמָּקוֺם אֲשֶׁר־הִגְלֵיתִי
אֶתְכֶם מִשָּׁם׃
Jer 29.15
כִּי אֲמַרְתֶּם הֵקִים לָנוּ יְהוָה
נְבִאִים בָּבֶלָה׃ ס
Jer 29.16
כִּי־כֹה אָמַר יְהוָה אֶל־הַמֶּלֶך
הַיֺּושֵׁב אֶל־כִּסֵּא דָוִד וְאֶל־כָּל־הָעָם
הַיֺּושֵׁב בָּעִיר הַזֺּאת אֲחֵיכֶם
אֲשֶׁר לֹא־יָצְאוּ אִתְּכֶם בַּגֺּולָה׃
Jer 29.17
כֹּה אָמַר יְהוָה צְבָאוֺת הִנְנִי
מְשַׁלֵּחַ בָּם אֶת־הַחֶרֶב אֶת־הָרָעָב
וְאֶת־הַדָּבֶר וְנָתַתִּי אוֺתָם
כַּתְּאֵנִים הַשֹּׁעָרִים אֲשֶׁר לֹא־תֵאָכַלְנָה
מֵרֹעַ׃
Jer 29.18
וְרָדַפְתִּי אַחֲרֵיהֶם בַּחֶרֶב בָּרָעָב
וּבַדָּבֶר וּנְתַתִּים 1 לִזְוָעָה 2 לְזַעֲוָה
לְכֹל מַמְלְכוֺת הָאָרֶץ לְאָלָה
וּלְשַׁמָּה וְלִשְׁרֵקָהוּלְחֶרְפָּה בְּכָל־הַגֺּויִם
אֲשֶׁר־הִדַּחְתִּים שָׁם׃
Jer 29.19
תַּחַת אֲשֶׁר־לֹא־שָׁמְעוּ אֶל־דְּבָרַי
נְאֻמ־יְהוָה אֲשֶׁר שָׁלַחְתִּי אֲלֵיהֶם
אֶת־עֲבָדַי הַנְּבִאִים הַשְׁכֵּם וְשָׁלֹחַ
וְלֹא שְׁמַעְתֶּם נְאֻמ־יְהוָה׃
Jer 29.20
וְאַתֶּם שִׁמְעוּ דְבַר־יְהוָה כָּל־הַגֺּולָה
אֲשֶׁר־שִׁלַּחְתִּי מִירוּשָׁלִַם בָּבֶלָה׃
ס
Jer 29.21
כֹּה־אָמַר יְהוָה צְבָאוֺת אֱלֹהֵי
יִשְׂרָאֵל אֶל־אַחְאָב בֶּנ־קוֺלָיָה
וְאֶל־צִדְקִיָּהוּ בֶנ־מַעֲשֵׂיָה הַנִּבְּאִים
לָכֶם בִּשְׁמִי שָׁקֶר הִנִי נֺתֵן
אֹתָם בְּיַד נְבוּכַדְרֶאצַּר מֶלֶכְ־בָּבֶל
וְהִכָּם לְעֵינֵיכֶם׃
Jer 29.22
וְלֻקַּח מֵהֶם קְלָלָה לְכֹל גָּלוּת
יְהוּדָה אֲשֶׁר בְּבָבֶל לֵאמֹר
יְשִׂמְךָ יְהוָה כְּצִדְקִיָּהוּ וּכְאֶחָב
אֲשֶׁר־קָלָם מֶלֶכְ־בָּבֶל בָּשׁ׃
Jer 29.23
יַעַן אֲשֶׁר עָשׂוּ נְבָלָה בְּיִשְׂרָאֵל
וַיְנַאֲפוּ אֶת־נְשֵׁי רֵעֵיהֶם וַיְדַבְּרוּ
דָבָר בִּשְׁמִי שֶׁקֶר אֲשֶׁר לוֺא
צִוִּיתִם וְאָנֺכִי 1 הוּיֺדֵעַ 2 הַיֺּודֵעַ
וָעֵד נְאֻמ־יְהוָה׃ ס
Jer 29.24
וְאֶל־שְׁמַעְיָהוּ הַנֶּחֱלָמִי תֹּאמַר
לֵאמֹר׃
Jer 29.25
כֹּה־אָמַר יְהוָה צְבָאוֺת אֱלֹהֵי
יִשְׂרָאֵל לֵאמֹר יַעַן אֲשֶׁר אַתָּה
שָׁלַחְתָּ בְשִׁמְכָה סְפָרִים אֶל־כָּל־הָעָם
אֲשֶׁר בִּירוּשָׁלִַם וְאֶל־פַנְיָה
בֶנ־מַעֲשֵׂיָה הַכֹּהֵן וְאֶל כָּל־הַכֹּהֲנִים
לֵאמֹר׃
Jer 29.26
יְהוָה נְתָנְךָ כֹהֵן תַּחַת יְהוֺיָדָע
הַכֹּהֵן לִהְיֺות פְּקִדִים בֵּית
יְהוָה לְכָל־אִישׁ מְשֻׁגָּע וּמִתְנַבֵּא
וְנָתַתָּה אֹתוֺ אֶל־הַמַּהְפֶּכֶת
וְאֶל־הַצִּינֺק׃
Jer 29.27
וְעַתָּה לָמָּה לֹא גָעַרְתָּ בְּיִרְמְיָהוּ
הָעֲנְּתֹתִי הַמִּתְנַבֵּא לָכֶם׃
Jer 29.28
כִּי עַל־כֵּן שָׁלַח אֵלֵינוּ בָּבֶל
לֵאמֹר אֲרֻכָּה הִיא בְּנוּ בָתִּים
וְשֵׁבוּ וְנִטְעוּ גַנֺּות וְאִכְלוּ
אֶת־פְּרִיהֶן׃
Jer 29.29
וַיִּקְרָא צְפַנְיָה הַכֹּהֵן אֶת־הַסֵּפֶר
הַזֶּה בְּאָזְנֵי יִרְמְיָהוּ הַנָּבִיא׃
ף
Jer 29.30
וַיְהִי דְּבַר־יְהוָה אֶל־יִרְמְיָהוּ
לֵאמֹר׃
Jer 29.31
שְׁלַח עַל־כָּל־הַגֺּולָה לֵאמֹר
כֹּה אָמַר יְהוָה אֶל־שְׁמַעְיָה
הַנֶּחֱלָמִי יַעַן אֲשֶׁר נִבָּא לָכֶם
שְׁמַעְיָה וַאֲנִי לֹא שְׁלַחְתִּיו
וַבְטַח אֶתְכֶם עַל־שָׁקֶר׃
Jer 29.32
לָכֵן כֹּה־אָמַר יְהוָה הִנְנִי
פֹקֵד עַל־שְׁמַעְיָה הַנֶּחֱלָמִי וְעַל־זַרְעוֺ
לֹא־יִהְיֶה לוֺ אִישׁ יֺושֵׁב בְּתוֺכְ־הָעָם
הַזֶּה וְלֹא־יִרְאֶה בַטּוֺב אֲשֶׁר־אֲנִי
עֹשֶׂה־לְעַמִּי נְאֻמ־יְהוָה כִּי־סָרָה
דִבֶּר עַל־יְהוָה׃ ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages