Jer 38

Teljes szövegű keresés

Jer 38
Jer 38.1
וַיִּשְׁמַע שְׁפַטְיָה בֶנ־מַתָּן וּגְדַלְיָהוּ
בֶּנ־פַּשְׁחוּר וְיוּכַל בֶּנ־שֶׁלֶמְיָהוּ
וּפַשְׁחוּר בֶּנ־מַלְכִּיָּה אֶת־הַדְּבָרִים
אֲשֶׁר יִרְמְיָהוּ מְדַבֵּר אֶל־כָּל־הָעָם
לֵאמֹר׃ ס
Jer 38.2
כֹּה אָמַר יְהוָה הַיֺּשֵׁב בָּעִיר
הַזֺּאת יָמוּת בַּחֶרֶב בָּרָעָב וּבַדָּבֶר
וְהַיֺּצֵא אֶל־הַכַּשְׂדִּים 1 יִחְיֶה 2 וְחָיָה
וְהָיְתָה־לּוֺ נַפְשֹׁ לְשָׁלָל וָחָי׃
ס
Jer 38.3
כֹּה אָמַר יְהוָה הִנָּתֹן תִּנָּתֵן
הָעִיר הַזֺּאת בְּיַד חֵיל מֶלֶכְ־בָּבֶל
וּלְכָדָהּ׃
Jer 38.4
וַיֺּאמְרוּ הַשָּׂרִים אֶל־הַמֶּלֶך
יוּמַת נָא אֶת־הָאִישׁ הַזֶּה כִּי־עַל־כֵּן
הוּא־מְרַפֵּא אֶת־יְדֵי אַנְשֵׁי
הַמִּלְחָמָה הַנִּשְׁאָרִים בָּעִיר הַזֺּאת
וְאֵת יְדֵי כָל־הָעָם לְדַבֵּר
אֲלֵיהֶם כַּדְּבָרִים הָאֵלֶּה כִּי
הָאִישׁ הַזֶּה אֵינֶנּוּ דֹרֵשׁ לְשָׁלוֺם
לָעָם הַזֶּה כִּי אִמ־לְרָעָה׃
Jer 38.5
וַיֺּאמֶר הַמֶּלֶך צִדְקִיָּהוּ הִנֵּה־הוּא
בְּיֶדְכֶם כִּי־אֵין הַמֶּלֶך יוּכַל
אֶתְכֶם דָּבָר׃
Jer 38.6
וַיִּקְחוּ אֶת־יִרְמְיָהוּ וַיַּשְׁלִכוּ
אֹתוֺ אֶל־הַבּוֺר מַלְכִּיָּהוּ בֶנ־הַמֶּלֶך
אֲשֶׁר בַּחֲצַר הַמַּטָּרָה וַיְשַׁלְּחוּ
אֶת־יִרְמְיָהוּ בַּחֲבָלִים וּבַבּוֺר
אֵינ־מַיִם כִּי אִמ־טִיט וַיִּטְבַּע
יִרְמְיָהוּ בַּטִּיט׃ ס
Jer 38.7
וַיִּשְׁמַע עֶבֶד־מֶלֶך הַכּוּשִׁי אִישׁ
סָרִיס וְהוּא בְּבֵית הַמֶּלֶך
כִּי־נָתְנוּ אֶת־יִרְמְיָהוּ אֶל־הַבּוֺר
וְהַמֶּלֶך יֺושֵׁב בְּשַׁעַר בִּיָמִן׃
Jer 38.8
וַיֵּצֵא עֶבֶד־מֶלֶך מִבֵּית הַמֶּלֶך
וַיְדַבֵּר אֶל־הַמֶּלֶך לֵאמֹר׃
Jer 38.9
אֲדֹנִי הַמֶּלֶך הֵרֵעוּ הָאֲנָשִׁים
הָאֵלֶּה אֵת כָּל־אֲשֶׁר עָשׂוּ לְיִרְמְיָהוּ
הַנָּבִיא אֵת אֲשֶׁר־הִשְׁלִיכוּ
אֶל־הַבּוֺר וַיָּמָת תַּחְתָּיו מִפְּנֵי
הָרָעָב כִּי אֵין הַלֶּחֶם עוֺד
בָּעִיר׃
Jer 38.10
וַיְצַוֶּה הַמֶּלֶך אֵת עֶבֶד־מֶלֶך
הַכּוּשִׁי לֵאמֹר קַח בְּיָדְךָ מִזֶּה
שְׁלֹשִׁים אֲנָשִׁים וְהַעֲלִיתָ אֶת־יִרְמְיָהוּ
הַנָּבִיא מִנ־הַוּר בְּטֶרֶם יָמוּת׃
Jer 38.11
וַיִּקַּח עֶבֶד־מֶלֶך אֶת־הָאֲנָשִׁים
בְּיָדוֺ וַיָּבֹא בֵית־הַמֶּלֶך אֶל־תַּחַת
הָאוֺצָר וַיִּקַּח מִשָּׁם בְּלוֺיֵ 1 הַסְּחָבוֺת 2 סְחָבוֺת
וּבְלֹיֵ מְלָחִים וַיְשַׁלְּחֵם אֶל־יִרְמְיָהוּ
אֶל־הַבּוֺר בַּחֲבָלִים׃
Jer 38.12
וַיֺּאמֶר עֶבֶד־מֶלֶך הַכּוּשִׁי
אֶל־יִרְמְיָהוּ שִׂים נָא בְּלוֺאֵי
הַסְּחָבוֺת וְהַמְּלָחִים תַּחַת אַצִּלוֺת
יָדֶיךָ מִתַּחַת לַחֲבָלִים וַיַּעַשׂ
יִרְמְיָהוּ כֵּן׃
Jer 38.13
וַיִּמְשְׁכוּ אֶת־יִרְמְיָהוּ בַּחֲבָלִים
וַיַּעֲלוּ אֹתוֺ מִנ־הַבּוֺר וַיֵּשֶׁב
יִרְמְיָהוּ בַּחֲצַר הַמַּטָּרָה׃ ס
Jer 38.14
וַיִּשְׁלַח הַמֶּלֶך צִדְקִיָּהוּ וַיִּקַּח
אֶת־יִרְמְיָהוּ הַנָּבִיא אֵלָיו
אֶל־מָבוֺא הַשְּׁלִישִׁי אֲשֶׁר בְּבֵית
יְהוָה וַיֺּאמֶר הַמֶּלֶך אֶל־יִרְמְיָהוּ
שֹׁאֵל אֲנִי אֹתְךָ דָּבָר אַל־תְּכַחֵד
מִמֶּנִּי דָּבָר׃
Jer 38.15
וַיֺּאמֶר יִרְמְיָהוּ אֶל־צִדְקִיָּהוּ
כִּי אַגִּיד לְךָ הֲלוֺא הָמֵת תְּמִיתֵנִי
וְכִי אִיעָצְךָ לֹא תִשְׁמַע אֵלָי׃
Jer 38.16
וַיִּשָּׁבַע הַמֶּלֶך צִדְקִיָּהוּ אֶל־יִרְמְיָהוּ
בַּסֵּתֶר לֵאמֹר חַי־יְהוָה 1 אֶת 2 זז
אֲשֶׁר עָשָׂה־לָנוּ אֶת־הַנֶּפֶשׁ הַזֺּאת
אִמ־אֲמִיתֶךָ וְאִמ־אֶתֶּנְךָ בְּיַד
הָאֲנָשִׁים הָאֵלֶּה אֲשֶׁר מְבַקְשִׁים
אֶת־נַפְשֶׁךָ׃ ס
Jer 38.17
וַיֺּאמֶר יִרְמְיָהוּ אֶל־צִדְקִיָּהוּ
כֹּה־אָמַר יְהוָה אֱלֹהֵי צְבָאוֺת
אֱלֹהֵי יִשְׂרָאֵל אִמ־יָצֹא תֵצֵא
אֶל־שָׂרֵי מֶלֶכְ־בָּבֶל וְחָיְתָה
פְשֶׁךָ וְהָעִיר הַזֺּאת לֹא תִשָּׂרֵף
בָּאֵשׁ וְחָיִתָה אַתָּה וּבֵיתֶךָ׃
Jer 38.18
וְאִם לֹא־תֵצֵא אֶל־שָׂרֵי מֶלֶך
בָּבֶל וְנִתְּנָה הָעִיר הַזֺּאת בְּיַד
הַכַּשְׂדִּים וּשְׂרָפוּהָ בָּאֵשׁ וְאַתָּה
לֹא־תִמָּלֵט מִיָּדָם׃ ס
Jer 38.19
וַיֺּאמֶר הַמֶּלֶך צִדְקִיָּהוּ אֶל־יִרְמְיָהוּ
אֲנִי דֹאֵג אֶת־הַיְּהוּדִים אֲשֶׁר
נָפְלוּ אֶל־הַכַּשְׂדִּים פֶּנ־יִתְּנוּ
אֹתִי בְּיָדָם וְהִעַלְּלוּ־בִי׃
ף
Jer 38.20
וַיֺּאמֶר יִרְמְיָהוּ לֹא יִתֵּנוּ
שְׁמַע־נָא בְּקוֺל יְהוָה לַאֲשֶׁר
אֲנִי דֹּבֵר אֵלֶיךָ וְיִיטַב לְךָ
וּתְחִי נַפְשֶׁךָ׃
Jer 38.21
וְאִמ־מָאֵן אַתָּה לָצֵאת זֶה
הַדָּבָר אֲשֶׁר הִרְאַנִי יְהוָה׃
Jer 38.22
וְהִנֵּה כָל־הַנָּשִׁים אֲשֶׁר נִשְׁאֲרוּ
בְּבֵית מֶלֶכְ־יְהוּדָה מוּצָאוֺת
אֶל־שָׂרֵי מֶלֶך בָּבֶל וְהֵנָּה אֹמְרוֺת
הִסִּיתוּךָ וְיָכְלוּ לְךָ נְשֵׁי שְׁלֹמֶךָ
הָטְבְּעוּ בַבֹּץ רַגְלֶךָ נָסֹגוּ אָחוֺר׃
Jer 38.23
וְאֶת־כָּל־נָשֶׁיךָ וְאֶת־בָּנֶיךָ
מוֺצִאִים אֶל־הַכַּשְׂדִּים וְאַתָּה
לֹא־תִמָּלֵט מִיָּדָם כִּי בְיַד
מֶלֶכְ־בָּבֶל תִּתָּפֵשׂ וְאֶת־הָעִיר
הַזֺּאת תִּשְׂרֹף בָּאֵשׁ׃ ף
Jer 38.24
וַיֺּאמֶר צִדְקִיָּהוּ אֶל־יִרְמְיָהוּ
אִישׁ אַל־יֵדַע בַּדְּבָרִימ־הָאֵלֶּה
וְלֹא תָמוּת׃
Jer 38.25
וְכִי־יִשְׁמְעוּ הַשָּׂרִים כִּי־דִבַּרְתִּי
אִתָּך וּבָאוּ אֵלֶיךָ וְאָמְרוּ
אֵלֶיךָ הַגִּידָה־נָּא לָנוּ מַה־דִּבַּרְתָּ
אֶל־הַמֶּלֶך אַל־תְּכַחֵד מִמֶּנּוּ
וְלֹא נְמִיתֶךָ וּמַה־דִּבֶּר אֵלֶיךָ
הַמֶּלֶך׃
Jer 38.26
וְאָמַרְתָּ אֲלֵיהֶם מַפִּיל־אֲנִי
תְחִנָּתִי לִפְנֵי הַמֶּלֶך לְבִלְתִּי
הֲשִׁיבֵנִי בֵּית יְהוֺנָתָן לָמוּת
שָׁם׃ ף
Jer 38.27
וַיָּבֹאוּ כָל־הַשָּׂרִים אֶל־יִרְמְיָהוּ
וַיִּשְׁאֲלוּ אֹתוֺ וַיַּגֵּד לָהֶם
כְּכָל־הַדְּבָרִים הָאֵלֶּה אֲשֶׁר צִוָּה
הַמֶּלֶך וַיַּחֲרִשׁוּ מִמֶּנּוּ כִּי לֹא־נִשְׁמַע
הַדָּבָר׃ ף
Jer 38.28
וַיֵּשֶׁב יִרְמְיָהוּ בַּחֲצַר הַמַּטָּרָה
עַד־יֺום אֲשֶׁר־נִלְכְּדָה יְרוּשָׁלִָם
ס וְהָיָה כַּאֲשֶׁר נִלְכְּדָה יְרוּשָׁלִָם׃
ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages