Thr 3

Teljes szövegű keresés

Thr 3
Thr 3.1
אֲנִי הַגֶּבֶר רָאָה עֳנִי בְּשֵׁבֶט
עֶבְרָתוֺ׃
Thr 3.2
אוֺתִי נָהַג וַיֺּלַך חֹשֶׁך וְלֹא־אוֺר׃
Thr 3.3
אַך בִּי יָשֻׁב יַהֲפֹך יָדוֺ כָּל־הַיֺּום׃
ס
Thr 3.4
בִּלָּה בְשָׂרִי וְעוֺרִי שִׁבַּר עַצְמוֺתָי׃
Thr 3.5
בָּנָה עָלַי וַיַּקַּף רֹאשׁ וּתְלָאָה׃
Thr 3.6
בְּמַחֲשַׁכִּים הוֺשִׁיבַנִי כְּמֵתֵי
עוֺלָם׃ ס
Thr 3.7
גָּדַר בַּעֲדִי וְלֹא אֵצֵא הִכְבִּיד
נְחָשְׁתִּי׃
Thr 3.8
גַּם כִּי אֶזְעַק וַאֲשַׁוֵּעַ שָׂתַם
תְּפִלָּתִי׃
Thr 3.9
גָּדַר דְּרָכַי בְּגָזִית נְתִיבֹתַי
עִוָּה׃ ס
Thr 3.10
דֹּב אֹרֵב הוּא לִי 1 אַרְיֵה 2 אֲרִי
בְּמִסְתָּרִים׃
Thr 3.11
דְּרָכַי סוֺרֵר וַיְפַשְּׁחֵנִי שָׂמַנִי
שֹׁמֵם׃
Thr 3.12
דָּרַך קַשְׁתּוֺ וַיַּצִּיבֵנִי כַּמַּטָּרָא
לַחֵץ׃ ס
Thr 3.13
הֵבִיא בְּכִלְיֺותָי בְּנֵי אַשְׁפָּתוֺ׃
Thr 3.14
הָיִיתִי שְׂחֹק לְכָל־עַמִּי נְגִינָתָם
כָּל־הַיֺּום׃
Thr 3.15
הִשְׂבִּיעַנִי בַמְּרוֺרִים הִרְוַנִי
לַעֲנָה׃ ס
Thr 3.16
וַיַּגְרֵס בֶּחָצָץ שִׁנָּי הִכְפִּישַׁנִי
בָּאֵפֶר׃
Thr 3.17
וַתִּזְנַח מִשָּׁלוֺם נַפְשִׁי נָשִׁיתִי
טוֺבָה׃
Thr 3.18
וָאֹמַר אָבַד נִצְחִי וְתוֺחַלְתִּי
מֵיְהוָה׃ ס
Thr 3.19
זְכָר־עָנְיִי וּמְרוּדִי לַעֲנָה
וָרֹאשׁ׃
Thr 3.20
זָכוֺר תִּזְכּוֺר 1 וְתָשִׁיחַ 2 וְתָשׁוֺחַ
עָלַי נַפְשִׁי׃
Thr 3.21
זֺאת אָשִׁיב אֶל־לִבִּי עַל־כֵּן
אוֺחִיל׃ ס
Thr 3.22
חַסְדֵי יְהוָה כִּי לֹא־תָמְנוּ
כִּי לֹא־כָלוּ רַחֲמָיו׃
Thr 3.23
חֲדָשִׁים לַבְּקָרִים רַבָּה אֱמוּנָתֶךָ׃
Thr 3.24
חֶלְקִי יְהוָה אָמְרָה נַפְשִׁי עַל־כֵּן
אוֺחִיל לוֺ׃ ס
Thr 3.25
טוֺב יְהוָה 1 לְקֹוֺו 2 לְקֹוָיו לְנֶפֶשׁ
תִּדְרְשֶׁנּוּ׃
Thr 3.26
טוֺב וְיָחִיל וְדוּמָם לִתְשׁוּעַת
יְהוָה׃
Thr 3.27
טוֺב לַגֶּבֶר כִּי־יִשָּׂא עֹל בִּנְעוּרָיו׃
ס
Thr 3.28
יֵשֵׁב בָּדָד וְיִדֹּם כִּי נָטַל עָלָיו׃
Thr 3.29
יִתֵּן בֶּעָפָר פִּיהוּ אוּלַי יֵשׁ
תִּקְוָה׃
Thr 3.30
יִתֵּן לְמַכֵּהוּ לֶחִי יִשְׂבַּע בְּחֶרְפָּה׃
ס
Thr 3.31
כִּי לֹא יִזְנַח לְעוֺלָם אֲדֹנָי׃
Thr 3.32
כִּי אִמ־הוֺגָה וְרִחַם כְּרֹב 1 חַסְדּוֺ 2 חֲסָדָיו׃
Thr 3.33
כִּי לֹא עִנָּה מִלִּבּוֺ וַיַּגֶּה בְּנֵי־אִישׁ׃
ס
Thr 3.34
לְדַכֵּא תַּחַת רַגְלָיו כֹּל אֲסִירֵי
אָרֶץ׃
Thr 3.35
לְהַטּוֺת מִשְׁפַּט־גָּבֶר נֶגֶד פְּנֵי
עֶלְיֺון׃
Thr 3.36
לְעַוֵּת אָדָם בְּרִיבוֺ אֲדֹנָי לֹא
רָאָה׃ ס
Thr 3.37
מִי זֶה אָמַר וַתֶּהִי אֲדֹנָי לֹא
צִוָּה׃
Thr 3.38
מִפִּי עֶלְיֺון לֹא תֵצֵא הָרָעוֺת
וְהַטּוֺב׃
Thr 3.39
מַה־יִּתְאוֺנֵן אָדָם חָי גֶּבֶר
עַל־חֶטְאוֺ 2 חֲטָאָיו׃ ס
Thr 3.40
נַחְפְּשָׂה דְרָכֵינוּ וְנַחְקֹרָה וְנָשׁוּבָה
עַד־יְהוָה׃
Thr 3.41
נִשָּׂא לְבָבֵנוּ אֶל־כַּפָּיִם אֶל־אֵל
בַּשָּׁמָיִם׃
Thr 3.42
נַחְנוּ פָשַׁעְנוּ וּמָרִינוּ אַתָּה
לֹא סָלָחְתָּ׃ ס
Thr 3.43
סַכֹּתָה בָאַף וַתִּרְדְּפֵנוּ הָרַגְתָּ
לֹא חָמָלְתָּ׃
Thr 3.44
סַכּוֺתָה בֶעָנָן לָך מֵעֲבוֺר תְּפִלָּה׃
Thr 3.45
סְחִי וּמָאוֺס תְּשִׂימֵנוּ בְּקֶרֶב
הָעַמִּים׃ ס
Thr 3.46
פָּצוּ עָלֵינוּ פִּיהֶם כָּל־אֹיְבֵינוּ׃
Thr 3.47
פַּחַד וָפַחַת הָיָה לָנוּ הַשֵּׁאת
וְהַשָּׁבֶר׃
Thr 3.48
פַּלְגֵי־מַיִם תֵּרַד עֵינִי עַל־שֶׁבֶר
בַּת־עַמִּי׃ ס
Thr 3.49
עֵינִי נִגְּרָה וְלֹא תִדְמֶה מֵאֵין
הֲפֻגֺות׃
Thr 3.50
עַד־יַשְׁקִיף וְיֵרֶא יְהוָה מִשָּׁמָיִם׃
Thr 3.51
עֵינִי עוֺלְלָה לְנַפְשִׁי מִכֹּל
בְּנֺות עִירִי׃ ס
Thr 3.52
צוֺד צָדוּנִי כַּצִּפּוֺר אֹיְבַי
חִנָּם׃
Thr 3.53
צָמְתוּ בַבּוֺר חַיָּי וַיַּדּוּ־אֶבֶן
בִּי׃
Thr 3.54
צָפוּ־מַיִם עַל־רֹאשִׁי אָמַרְתִּי
נִגְזָרְתִּי׃ ס
Thr 3.55
קָרָאתִי שִׁמְךָ יְהוָה מִבּוֺר תַּחְתִּיֺּות׃
Thr 3.56
קוֺלִי שָׁמָעְתָּ אַל־תַּעְלֵם אָזְנְךָ
לְרַוְחָתִי לְשַׁוְעָתִי׃
Thr 3.57
קָרַבְתָּ בְּיֺום אֶקְרָאֶךָּ אָמַרְתָּ
אַל־תִּירָא׃ ס
Thr 3.58
רַבְתָּ אֲדֹנָי רִיבֵי נַפְשִׁי גָּאַלְתָּ
חַיָּי׃
Thr 3.59
רָאִיתָה יְהוָה עַוָּתָתִי שָׁפְטָה
מִשְׁפָּטִי׃
Thr 3.60
רָאִיתָה כָּל־נִקְמָתָם כָּל־מַחְשְׁבֹתָם
לִי׃ ס
Thr 3.61
שָׁמַעְתָּ חֶרְפָּתָם יְהוָה כָּל־מַחְשְׁבֹתָם
עָלָי׃
Thr 3.62
שִׂפְתֵי קָמַי וְהֶגְיֺונָם עָלַי
כָּל־הַיֺּום׃
Thr 3.63
שִׁבְתָּם וְקִימָתָם הַבִּיטָה אֲנִי
מַנְגִּינָתָם׃ ס
Thr 3.64
תָּשִׁיב לָהֶם גְּמוּל יְהוָה כְּמַעֲשֵׂה
יְדֵיהֶם׃
Thr 3.65
תִּתֵּן לָהֶם מְגִנַּת־לֵב תַּאֲלָתְךָ
לָהֶם׃
Thr 3.66
תִּרְדֹּף בְּאַף וְתַשְׁמִידֵם מִתַּחַת
שְׁמֵי יְהוָה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages