Ez 18

Teljes szövegű keresés

Ez 18
Ez 18.1
וַיְהִי דְבַר־יְהוָה אֵלַי לֵאמֹר׃
Ez 18.2
מַה־לָּכֶם אַתֶּם מֹשְׁלִים אֶת־הַמָּשָׁל
הַזֶּה עַל־אַדְמַת יִשְׂרָאֵל לֵאמֹר
אָבוֺת יֺאכְלוּ בֹסֶר וְשִׁנֵּי הַבָּנִים
תִקְהֶינָה׃
Ez 18.3
חַי־אָנִי נְאֻם אֲדֹנָי יְהוִה
אִמ־יִהְיֶה לָכֶם עוֺד מְשֹׁל הַמָּשָׁל
הַזֶּה בְּיִשְׂרָאֵל׃
Ez 18.4
הֵן כָּל־הַנְּפָשׁוֺת לִי הֵנָּה כְּנֶפֶשׁ
הָאָב וּכְנֶפֶשׁ הַבֵּן לִי־הֵנָּה
הַנֶּפֶשׁ הַחֹטֵאת הִיא תָמוּת׃
ס
Ez 18.5
וְאִישׁ כִּי־יִהְיֶה צַדִּיק וְעָשָׂה
מִשְׁפָּט וּצְדָקָה׃
Ez 18.6
אֶל־הֶהָרִים לֹא אָכָל וְעֵינָיו
לֹא נָשָׂא אֶל־גִּלּוּלֵי בֵּית
יִשְׂרָאֵל וְאֶת־אֵשֶׁת רֵעֵהוּ לֹא
טִמֵּה וְאֶל־אִשָּׁה נִדָּה לֹא יִקְרָב׃
Ez 18.7
וְאִישׁ לֹא יֺונֶה חֲבֹלָתוֺ חוֺב
יָשִׁיב גְּזֵלָה לֹא יִגְזֺל לַחְמוֺ
לְרָעֵב יִתֵּן וְעֵירֹם יְכַסֶּה־בָּגֶד׃
Ez 18.8
בַּנֶּשֶׁך לֹא־יִתֵּן וְתַרְבִּית לֹא
יִקָּח מֵעָוֶל יָשִׁיב יָדוֺ מִשְׁפַּט
אֱמֶת יַעֲשֶׂה בֵּין אִישׁ לְאִישׁ׃
Ez 18.9
בְּחֻקּוֺתַי יְהַלֵּך וּמִשְׁפָּטַי שָׁמַר
לַעֲשׂוֺת אֱמֶת צַדִּיק הוּא חָיֺה
יִחְיֶה נְאֻם אֲדֹנָי יְהוִה׃
Ez 18.10
וְהוֺלִיד בֵּנ־פָּרִיץ שֹׁפֵך דָּם
וְעָשָׂה אָח מֵאַחַד מֵאֵלֶּה׃
Ez 18.11
וְהוּא אֶת־כָּל־אֵלֶּה לֹא עָשָׂה
כִּי גַם אֶל־הֶהָרִים אָכַל וְאֶת־אֵשֶׁת
רֵעֵהוּ טִמֵּא׃
Ez 18.12
עָנִי וְאֶבְיֺון הוֺנָה גְּזֵלוֺת
גָּזָל חֲבֹל לֹא יָשִׁיב וְאֶל־הַגִּלּוּלִים
נָשָׂא עֵינָיו תּוֺעֵבָה עָשָׂה׃
Ez 18.13
בַּנֶּשֶׁך נָתַן וְתַרְבִּית לָקַח וָחָי
לֹא יִחְיֶה אֵת כָּל־הַתּוֺעֵבוֺת
הָאֵלֶּה עָשָׂה מוֺת יוּמָת דָּמָיו
בּוֺ יִהְיֶה׃
Ez 18.14
וְהִנֵּה הוֺלִיד בֵּן וַיַּרְא אֶת־כָּל־חַטֹּאת
אָבִיו אֲשֶׁר עָשָׂה וַיִּרְאֶה וְלֹא
יַעֲשֶׂה כָּהֵן׃
Ez 18.15
עַל־הֶהָרִים לֹא אָכָל וְעֵינָיו
לֹא נָשָׂא אֶל־גִּלּוּלֵי בֵּית יִשְׂרָאֵל
אֶת־אֵשֶׁת רֵעֵהוּ לֹא טִמֵּא׃
Ez 18.16
וְאִישׁ לֹא הוֺנָה חֲבֹל לֹא חָבָל
וּגְזֵלָה לֹא גָזָל לַחְמוֺ לְרָעֵב
נָתָן וְעֵרוֺם כִּסָּה־בָגֶד׃
Ez 18.17
מֵעָנִי הֵשִׁיב יָדוֺ נֶשֶׁך וְתַרְבִּית
לֹא לָקָח מִשְׁפָּטַי עָשָׂה בְּחֻקּוֺתַי
הָלָך הוּא לֹא יָמוּת בַּעֲוֺן
אָבִיו חָיֺה יִחְיֶה׃
Ez 18.18
אָבִיו כִּי־עָשַׁק עֹשֶׁק גָּזַל גֵּזֶל
אָח וַאֲשֶׁר לֹא־טוֺב עָשָׂה בְּתוֺך
עַמָּיו וְהִנֵּה־מֵת בַּעֲוֺנֺו׃
Ez 18.19
וַאֲמַרְתֶּם מַדֻּעַ לֹא־נָשָׂא הַבֵּן
בַּעֲוֺן הָאָב וְהַבֵּן מִשְׁפָּט וּצְדָקָה
עָשָׂה אֵת כָּל־חֻקּוֺתַי שָׁמַר וַיַּעֲשֶׂה
אֹתָם חָיֺה יִחְה׃
Ez 18.20
הַנֶּפֶשׁ הַחֹטֵאת הִיא תָמוּת בֵּן
לֹא־יִשָּׂא בַּעֲוֺן הָאָב וְאָב
לֹא יִשָּׂא בַּעֲוֺן הַבֵּן צִדְקַת
הַצַּדִּיק עָלָיו תִּהְיֶה וְרִשְׁת 1 רָשָׁע 2 הָרָשָׁע
עָלָיו תִּהְיֶה׃ ס
Ez 18.21
וְהָרָשָׁע כִּי יָשׁוּב מִכָּל־חַטָּאתוֺ 2 חַטֹּאתָיו
אֲשֶׁר עָשָׂה וְשָׁמַר אֶת־כָּל־חֻקוֺתַי
וְעָשָׂה מִשְׁפָּט וּצְדָקָה חָיֺה יִחְיֶה
לֹא יָמוּת׃
Ez 18.22
כָּל־פְּשָׁעָיו אֲשֶׁר עָשָׂה לֹא
יִזָּכְרוּ לוֺ בְּצִדְקָתוֺ אֲשֶׁר־עָשָׂה
יִחְיֶה׃
Ez 18.23
הֶחָפֹץ אֶחְפֹּץ מוֺת רָשָׁע נְאֻם
אֲדֹנָי יְהוִה הֲלוֺא בְּשׁוּבוֺ
מִדְּרָכָיו וְחָיָה׃ ס
Ez 18.24
וּבְשׁוּב צַדִּיק מִצִּדְקָתוֺ וְעָשָׂה
עָוֶל כְּכֹל הַתּוֺעֵבוֺת אֲשֶׁר־עָשָׂה
הָרָשָׁע יַעֲשֶׂה וָחָי כָּל־צִדְקָתוֺ 2 צִדְקֹתָיו
אֲשֶׁר־עָשָׂה לֹא תִכַרְנָה בְּמַעֲלוֺ
אֲשֶׁר־מָעַל וּבְחַטָּאתוֺ אֲשֶׁר־חָטָא
בָּם יָמוּת׃
Ez 18.25
וַאֲמַרְתֶּם לֹא יִתָּכֵן דֶּרֶך אֲדֹנָי
שִׁמְעוּ־נָא בֵּית יִשְׂרָאֵל הֲדַרְכִּי
לֹא יִתָּכֵן הֲלֹא דַרְכֵיכֶם לֹא
יִתָּכֵנוּ׃
Ez 18.26
בְּשׁוּב־צַדִּיק מִצִּדְקָתוֺ וְעָשָׂה
עָוֶל וּמֵת עֲלֵיהֶם בְּעַוְלוֺ
אֲשֶׁר־עָשָׂה יָמוּת׃ ס
Ez 18.27
וּבְשׁוּב רָשָׁע מֵרִשְׁעָתוֺ אֲשֶׁר
עָשָׂה וַיַּעַשׂ מִשְׁפָּט וּצְדָקָה
הוּא אֶת־נַפְשׁוֺ יְחַיֶּה׃
Ez 18.28
וַיִּרְאֶה 1 וַיָּשׁוֺב 2 וַיָּשָׁב מִכָּל־פְּשָׁעָיו
אֲשֶׁר עָשָׂה חָיֺו יִחְיֶה לֹא יָמוּת׃
Ez 18.29
וְאָמְרוּ בֵּית יִשְׂרָאֵל לֹא יִתָּכֵן
דֶּרֶך אֲדֹנָי הַדְּרָכַי לֹא יִתָּכְנּוּ
בֵּית יִשְׂרָאֵל הֲלֹא דַרְכֵיכֶם
לֹא יִתָּכֵן׃
Ez 18.30
לָכֵן אִישׁ כִּדְרָכָיו אֶשְׁפֹּט אֶתְכֶם
בֵּית יִשְׂרָאֵל נְאֻם אֲדֹנָי יְהוִה
שׁוּבוּ וְהָשִׁיבוּ מִכָּל־פִּשְׁעֵיכֶם
וְלֹא־יִהְיֶה לָכֶם לְמִכְול עָוֺן׃
Ez 18.31
הַשְׁלִיכוּ מֵעֲלֵיכֶם אֶת־כָּל־פִּשְׁעֵיכֶם
אֲשֶׁר פְּשַׁעְתֶּם בָּם וַעֲשׂוּ לָכֶם
לֵב חָדָשׁ וְרוּחַ חֲדָשָׁה וְלָמָּה
תָמֻתוּ בֵּית יִשְׂרָאֵל׃
Ez 18.32
כִּי לֹא אֶחְפֹּץ בְּמוֺת הַמֵּת
נְאֻם אֲדֹנָי יְהוִה וְהָשִׁיבוּ
וִחְיוּ׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages