Dan 5

Teljes szövegű keresés

Dan 5
Dan 5.1
בֵּלְשַׁאצַּר מַלְכָּא עֲבַד לְחֶם רַב
לְרַבְרְבָנֺוהִי אֲלַף וְלָקֳבֵל
אַלְפָּא חַמְרָא שָׁתֵה׃
Dan 5.2
בֵּלְשַׁאצַּר אֲמַר בִּטְעֵם חַמְרָא
לְהַיְתָיָה לְמָאנֵי דַּהֲבָא וְכַסְפָּא
דִּי הַנְפֵּק נְבוּכַדְנֶצַּר אֲבוּהִי
מִנ־הֵיכְלָא דִּי בִירוּשְׁלֶם
וְיִשְׁתּוֺן בְּהוֺן מַלְכָּא וְרַבְרְבָנֺוהִי
שֵׁגְלָתֵהּ וּלְחֵנָתֵהּ׃
Dan 5.3
בֵּאדַיִן הַיְתִיו מָאנֵי דַהֲבָא
דִּי הַנְפִּקוּ מִנ־הֵיכְלָא דִּי־בֵית
אֱלָהָא דִּי בִירוּשְׁלֶם וְאִשְׁתִּיו
בְּהוֺן מַלְכָּא וְרַבְרְבָנֺהִי שֵׁגְלָתֵהּ
וּלְחֵנָתֵהּ׃
Dan 5.4
אִשְׁתִּיו חַמְרָא וְשַׁבַּחוּ לֵאלָהֵי
דַּהֲבָא וְכַסְפָּא נְחָשָׁא פַרְזְלָא
אָעָא וְאַבְנָא׃
Dan 5.5
בַּהּ־שַׁעֲתָה 1 נְפַקוּ 2 נְפַקָה אֶצְבְּעָן
דִּי יַד־אֱנָשׁ וְכָתְבָן לָקֳבֵל
נֶבְרַשְׁתָּא עַל־גִּירָא דִּי־כְתַל
הֵיכְלָא דִּי מַלְכָּא וּמַלְכָּא חָזֵה
פַּס יְדָה דִּי כָתְבָה׃
Dan 5.6
אֱדַיִן מַלְכָּא זִיוֺהִי שְׁנֺוהִי
וְרַעיֺנֺהִי יְבַהֲלוּנֵּהּ וְקִטְרֵי
חַרְצֵהּ מִשְׁתָּרַיִן וְאַרְכֻבָּתֵהּ
דָּא לְדָא נָקְשָׁן׃
Dan 5.7
קָרֵא מַלְכָּא בְּחַיִל לְהֶעָלָה לְאָשְׁפַיָּא 1 כַּשְׂדָּיֵא 2 כַּשְׂדָּאֵי
וְגָזְרַיָּא עָנֵה מַלְכָּא וְאָמַר
לְחַכִּימֵי בָבֶל דִּי כָל־אֱנָשׁ
דִּי־יִקְרֵה כְּתָבָה דְנָה וּפִשְׁרֵהּ
יְחַוִּנַּנִי אַרְגְּוָנָא יִלְבַּשׁ 1 וְהַמּוֺנְכָא 2 וְהַמְנִיכָה
דִי־דַהֲבָא עַל־צַוְּארֵהּ וְתַלְתִּי
בְמַלְכוּתָא יִשְׁלַט׃ ס
Dan 5.8
אֱדַיִן 1 עָלֲלִין 2 עָלִּין כֹּל חַכִּימֵי
מַלְכָּא וְלָא־כָהֲלִין כְּתָבָא לְמִקְרֵא 1 וּפִשְׁרָא 2 וּפִשְׁרֵהּ
לְהוֺדָעָה לְמַלְכָּא׃
Dan 5.9
אֱדַיִן מַלְכָּא בֵלְשַׁאצַּר שַׂגִּיא
מִתְבָּהַל וְזִיוֺהִי שָׁנַיִן עֲלוֺהִי
וְרַבְרְבָנֺוהִי מִשְׁתַּבְּשִׁין׃
Dan 5.10
מַלְכְּתָא לָקֳבֵל מִלֵּי מַלְכָּא וְרַבְרְבָנֺוהִי
לְבֵית מִשְׁתְּיָא 1 עַלֲלַת 2 עַלַּת עֲנָת
מַלְכְּתָא וַאֲמֶרֶת מַלְכָּא לְעָלְמִין
חֱיִי ל־יְבַהֲלוּך רַעְיֺונָך
וְזִיוָיך אַל־יִשְׁתַּנֺּו׃
Dan 5.11
אִיתַי גְּבַר בְּמַלְכוּתָך דִּי
רוּחַ אֱלָהִין קַדִּישִׁין בֵּהּ וּבְיֺומֵי
אֲבוּך נַהִירוּ וְשָׂכְלְתָנוּ וְחָכְמָה
כְּחָכְמַת־אֱלָהִין הִשְׁתְּכַחַת בֵּהּ
וּמַלְכָּא נְבֻכַדְנֶצַּר אֲבוּך רַב
חַרְטֻמִּין אָשְׁפִין כַּשְׂדָּאִין
גָזְרִין הֲקִימֵהּ אֲבוּך מַלְכָּא׃
Dan 5.12
כָּל־קֳבֵל דִּי רוּחַ יַתִּירָה
וּמַנְדַּע וְשָׂכְלְתָנוּ מְפַשַּׁר חֶלְמִין
וַאַחֲוָיַת אֲחִידָן וּמְשָׁרֵא קִטְרִין
הִשְׁתְּכַחַת בֵּהּ בְּנִיֵּאל דִּי־מַלְכָּא
שָׂמ־שְׁמֵהּ בֵּלְטְשַׁאצַּר כְּעַן דָּנִיֵּאל
יִתְקְרֵי וּפִשְׁרָה יְהַחֲוֵה׃ ף
Dan 5.13
בֵּאדַיִן דָּנִיֵּאל הֻעַל קֳדָם
מַלְכָּא עָנֵה מַלְכָּא וְאָמַר לְדָנִיֵּאל 1 אַנְתָּה 2 אַנְתְּ־הוּא
דָנִיֵּאל דִּי־מִנ־בְּנֵי גָלוּתָא
דִּי יְהוּד דִּי הַיְתִי מַלְכָּא
אַבִי מִנ־יְהוּד׃
Dan 5.14
וְשִׁמְעֵת 1 עֲלַיִך 2 עֲלָך דִּי רוּחַ
אֱלָהִין בָּך וְנַהִירוּ וְשָׂכְלְתָנוּ
וְחָכְמָה יַתִּירָה הִשְׁתְּכַחַת בָּך׃
Dan 5.15
וּכְעַן הֻעַלּוּ קָדָמַי חַכִּימַיָּא
אָשְׁפַיָּא דִּי־כְתָבָה דְנָה יִקְרוֺן
וּפִשְׁרֵהּ לְהוֺדָעֻתַנִי וְלָא־כָהֲלִין
פְּשַׁר־מִלְּתָא לְהַחֲוָיָה׃
Dan 5.16
וַאֲנָה שִׁמְעֵת 1 עֲלַיִך 2 עֲלָך דִּי־תוּכַל 2 תִכּוּל
פִּשְׁרִין לְמִפְשַׁר וְקִטְרִין לְמִשְׁרֵא
כְּעַן הֵן 1 תּוּכַל 2 תִּכוּל כְּתָבָא
לְמִקְרֵ וּפִשְׁרֵהּ לְהוֺדָעֻתַנִי אַרְגְּוָנָא
תִלְבַּשׁ 1 וְהַמּוֺנְכָא 2 וְהַמְנִיכָה
דִי־דַהֲבָא עַל־צַוְּארָך וְתַלְתָּא
בְמַלְכוּתָא תִּשְׁלַט׃ ף
Dan 5.17
בֵּאדַיִן עָנֵה דָנִיֵּאל וְאָמַר
קֳדָם מַלְכָּא מַתְּנָתָך לָך לֶהֶוְיָן
וּנְבָזְבְּיָתָך לְאָחֳרָן הַב בְּרַם
כְּתָבָא אֶקְרֵא לְמַלְכָּא וּפִשְׁרָא
אֲהוֺדְעִנֵּהּ׃
Dan 5.18
אַנְתָּה 2 אַנְתְּ מַלְכָּא אֱלָהָא 1 עִלָּיָא 2 עִלָּאָה
מַלְכוּתָא וּרְבוּתָא וִיקָרָא וְהַדְרָה
יְהַב לִנְבֻכַדְנֶצַּר אֲבוּך׃
Dan 5.19
וּמִנ־רְבוּתָא דִּי יְהַב־לֵהּ כֹּל
עַמְמַיָּא אֻמַיָּא וְלִשָּׁנַיָּא הֲוֺו 1 זָאֲעִין 2 זָיְעִין
וְדָחֲלִין מִנ־קֳדָמוֺהִי דִּי־הֲוָה
צָבֵא הֲוָא קָטֵל וְדִי־הֲוָה צָבֵא
הֲוָה מַחֵא וְדִי־הֲוָה צָבֵא
הֲוָה מָרִים וְדִי־הֲוָה צָבֵא
הֲוָה מַשְׁפִּיל׃
Dan 5.20
וּכְדִי רִם לִבְבֵהּ וְרוּחֵהּ תִּקְפַת
לַהֲזָדָה הָנְחַת מִנ־כָּרְסֵא מַלְכוּתֵהּ
וִיקָרָה הֶעְדִּיוּ מִנֵּהּ׃
Dan 5.21
וּמִנ־בְּנֵי אֲנָשָׁא טְרִיד וְלִבְבֵהּ
עִמ־חֵיוְתָא 1 שְׁוִי 2 שַׁוִּיְו וְעִמ־עֲרָדַיָּא
מְדוֺרֵהּ עִשְׂבָּא כְתוֺרִין יְטַעֲמוּנֵּהּ
וּמִטַּל שְׁמַיָּא גִּשְׁמֵהּ יִצְטַבַּע
עַד דִּי־יְדַע דִּי־שַׁלִּיט אֱלָהָא 1 עִלָּיָא 2 עִאָּלָה
בְּמַלְכוּת אֲנָשָׁא וּלְמַנ־דִּי יִצְבֵּה
יְהָקֵים 1 עֲלַיֵהּ 2 עֲלַהּ׃
Dan 5.22
וְאַנְתָּה 2 וְאַנְתְּ בְּרֵהּ בֵּלְשַׁאצַּר
לָא הַשְׁפֵּלְתְּ לִבְבָך כָּל־קֳבֵל
דִּי כָל־דְּנָה יְדַעְתָּ׃
Dan 5.23
וְעַל מָרֵא־שְׁמַיָּא הִתְרוֺמַמְתָּ
וּלְמָאנַיָּא דִי־בַיְתֵהּ הַיְתִיו 1 קָדָמַיִך 2 קָדָמָך 1 וְאַנְתָּה 2 וְאַנְתְּ 1 וְרַבְרְבָנַיִך 2 וְרַבְרְבָך
שֵׁגְלָתָך וּלְחֵנָתָך חַמְרָא שָׁתַיִן
בְּהוֺן וְלֵאלָהֵי כַסְפָּא־וְדַהֲבָא
נְחָשָׁא פַרְזְלָא אָעָא וְאַבְנָא
דִּי לָא־חָזַיִן וְלָא־שָׁמְעִין
וְלָא יָדְעִין שַׁבַּחְתָּ וְלֵאלָהָא
דִּי־נִשְׁמְתָך בִּידֵהּ וְכָל־אֹרְחָתָך
לֵהּ לָא הַדַּרְתָּ׃
Dan 5.24
בֵּאדַיִן מִנ־קֳדָמוֺהִי שְׁלִיַחַ
פַּסָּא דִי־יְדָא וּכְתָבָא דְנָה
רְשִׁים׃
Dan 5.25
וּדְנָה כְתָבָא דִּי רְשִׁים מְנֵא
מְנֵא תְּקֵל וּפַרְסִין׃
Dan 5.26
דְּנָה פְּשַׁר־מִלְּתָא מְנֵא מְנָה־אֱלָהָא
מַלְכוּתָך וְהַשְׁלְמַהּ׃
Dan 5.27
תְּקֵל תְּקִילְתָּה בְמֹאזַנְיָא וְהִשְׁתְּכַחַתְּ
חַסִּיר׃
Dan 5.28
פְּרֵס פְּרִיסַת מַלְכוּתָך וִיהִיבַת
לְמָדַי וּפָרָס׃
Dan 5.29
בֵּאדַיִן אֲמַר בֵּלְשַׁאצַּר וְהַלְבִּישׁוּ
לְדָנִיֵּאל אַרְגְּוָנָא 1 וְהַמּוֺנְכָא 2 וְהַמְנִיכָא
דִי־דַהֲבָא עַל־צַוְּארֵהּ וְהַכְרִזוּ
עֲוהִי דִּי־לֶהֱוֵא שַׁלִּיט תַּלְתָּא
בְּמַלְכוּתָא׃
Dan 5.30
בֵּהּ בְּלֵילְיָא קְטִיל בֵּלְאשַׁצַּר
מַלְכָּא 1 כַשְׂדָּיָא 2 כַשְׂדָּאָה׃ ף

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages