Micha 5

Teljes szövegű keresés

Micha 5
Micha 5.1
וְאַתָּה בֵּית־לֶחֶם אֶפְרָתָה צָעִיר
לִהְיֺות בְּאַלְפֵי יְהוּדָה מִמְּךָ
לִי יֵצֵא לִהְיֺות מוֺשֵׁל בְּיִשְׂרָאֵל
וּמוֺצָאֹתָיו מִקֶּדֶם מִימֵי עוֺלָם׃
Micha 5.2
לָכֵן יִתְּנֵם עַד־עֵת יֺולֵדָה
יָלָדָה וְיֶתֶר אֶחָיו יְשׁוּבוּן
עַל־בְּנֵי יִשְׂרָאֵל׃
Micha 5.3
וְעָמַד וְרָעָה בְּעֹז יְהוָה בִּגְאוֺן
שֵׁם יְהוָה אֱלֹהָיו וְיָשָׁבוּ
כִּי־עַתָּה יִגְדַּל עַד־אַפְסֵי־אָרֶץ׃
Micha 5.4
וְהָיָה זֶה שָׁלוֺם אַשּׁוּר כִּי־יָבוֺא
בְאַרְצֵנוּ וְכִי יִדְרֹך בְּאַרְמְנֺתֵינוּ
וַהֲקֵמֹנוּ עָלָיו שִׁבְעָה רֹעִים
וּשְׁמֹנָה נְסִיכֵי אָם׃
Micha 5.5
וְרָעוּ אֶת־אֶרֶץ אַשּׁוּר בַּחֶרֶב
וְאֶת־אֶרֶץ נִמְרֹד בִּפְתָחֶיהָ
וְהִצִּיל מֵאַשּׁוּר כִּי־יָבוֺא בְאַרְצֵנוּ
וְכִי יִדְרֹך בִּגְבוּלֵנוּ׃ ס
Micha 5.6
וְהָיָה שְׁאֵרִית יַעֲקֹב בְּקֶרֶב
עַמִּים רַבִּים כְּטַל מֵאֵת יְהוָה
כִּרְבִיבִים עֲלֵי־עֵשֶׂב אֲשֶׁר
לֹא־יְקַוֶּה לְאִישׁ וְלֹא יְיַחֵל
בְנֵי אָדָם׃
Micha 5.7
וְהָיָה שְׁאֵרִית יַעֲקֹב בַּגֺּויִם
בְּקֶרֶב עַמִּים רַבִּים כְּאַרְיֵה
בְּבַהֲמוֺת יַעַר כִּכְפִיר בְּעֶדְרֵי־צֹאן
אֲשֶׁר אִם עָבַר וְרָמַס וְטָרַף
וְאֵין מַצִּיל׃
Micha 5.8
תָּרֹם יָדְךָ עַל־צָרֶיךָ וְכָל־אֹיְבֶיךָ
יִכָּרֵתוּ׃ ף
Micha 5.9
וְהָיָה בַיֺּומ־הַהוּא נְאֻמ־יְהוָה
וְהִכְרַתִּי סוּסֶיךָ מִקִּרְבֶּךָ וְהַאֲבַדְתִּי
מַרְכְּבֹתֶיךָ׃
Micha 5.10
וְהִכְרַתִּי עָרֵי אַרְצֶךָ וְהָרַסְתִּי
כָּל־מִבְצָרֶיךָ׃
Micha 5.11
וְהִכְרַתִּי כְשָׁפִים מִיָּדֶךָ וּמְעוֺנְנִים
לֹא יִהְיוּ־לָך׃
Micha 5.12
וְהִכְרַתִּי פְסִילֶיךָ וּמַצֵּבוֺתֶיךָ
מִקִּרְבֶּךָ וְלֹא־תִשְׁתַּחֲוֶה עוֺד
לְמַעֲשֵׂה יָדֶיךָ׃
Micha 5.13
וְנָתַשְׁתִּי אֲשֵׁירֶיךָ מִקִּרְבֶּךָ וְהִשְׁמַדְתִּי
עָרֶיךָ׃
Micha 5.14
וְעָשִׂיתִי בְּאַף וּבְחֵמָה נָקָם
אֶת־הַגֺּויִם אֲשֶׁר לֹא שָׁמֵעוּ׃
ס

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages