1Par 14

Teljes szövegű keresés

1Par 14
1Par 14.1
misit quoque Hiram rex Tyri nuntios ad David et ligna cedrina et artifices parietum lignorumque ut aedificarent ei domum
1Par 14.2
cognovitque David eo quod confirmasset eum Dominus in regem super Israhel et sublevatum esset regnum suum super populum eius Israhel
1Par 14.3
accepit quoque David alias uxores in Hierusalem genuitque filios et filias
1Par 14.4
et haec nomina eorum qui nati sunt ei in Hierusalem Sammu et Sobab Nathan et Salomon
1Par 14.5
Iebar et Helisu et Eliphaleth
1Par 14.6
Noga quoque et Napheg et Iaphiae
1Par 14.7
Elisama et Baliada et Eliphaleth
1Par 14.8
audientes autem Philisthim eo quod unctus esset David in regem super universum Israhel ascenderunt omnes ut quaererent eum quod cum audisset David egressus est obviam eis
1Par 14.9
porro Philisthim venientes diffusi sunt in valle Raphaim
1Par 14.10
consuluitque David Deum dicens si ascendam ad Philistheos si trades eos in manu mea et dixit ei Dominus ascende et tradam eos in manu tua
1Par 14.11
cumque illi ascendissent in Baalpharasim percussit eos ibi David et dixit divisit Deus inimicos meos per manum meam sicuti dividuntur aquae et idcirco vocatum est nomen loci illius Baalpharasim
1Par 14.12
dereliqueruntque ibi deos suos quos David iussit exuri
1Par 14.13
alia etiam vice Philisthim inruerunt et diffusi sunt in valle
1Par 14.14
consuluitque rursum David Deum et dixit ei Deus non ascendas post eos recede ab eis et venies contra illos ex adverso pirorum
1Par 14.15
cumque audieris sonitum gradientis in cacumine pirorum tunc egredieris ad bellum egressus est enim Deus ante te ut percutiat castra Philisthim
1Par 14.16
fecit ergo David sicut praeceperat ei Deus et percussit castra Philisthinorum de Gabaon usque Gazera
1Par 14.17
divulgatumque est nomen David in universis regionibus et Dominus dedit pavorem eius super omnes gentes

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages