1Mach 15

Teljes szövegű keresés

1Mach 15
1Mach 15.1
et misit rex Antiochus filius Demetrii epistulas ab insulis maris Simoni sacerdoti et principi gentis Iudaeorum et universae genti
1Mach 15.2
et erant continentes hunc modum rex Antiochus Simoni sacerdoti magno et genti Iudaeorum salutem
1Mach 15.3
quoniam quidem pestilentes obtinuerunt regnum patrum nostrorum volo autem vindicare regnum et restituere illud sicut erat antea electum feci multitudinem exercitus et feci naves bellicas
1Mach 15.4
volo autem procedere per regiones ut ulciscar in eos qui corruperunt regionem nostram et qui desolaverunt civitates multas in regno meo
1Mach 15.5
nunc ergo statuo tibi omnes oblationes quas remiserunt tibi ante me reges et quaecumque alia dona remiserunt tibi
1Mach 15.6
et permitto tibi facere percussuram proprii nomismatis in regione tua
1Mach 15.7
Hierusalem autem sanctam esse et liberam et omnia arma quae fabricata sunt et praesidia quae struxisti quae tenes maneant tibi
1Mach 15.8
 
1Mach 15.9
cum autem obtinuerimus regnum nostrum glorificabimus te et gentem tuam et templum gloria magna ita ut manifestetur gloria vestra in universa terra
1Mach 15.10
anno centesimo septuagesimo quarto exiit Antiochus in terram patrum suorum et convenerunt ad eum omnis exercitus ita ut pauci relicti essent cum Tryfone
1Mach 15.11
et insecutus est eum Antiochus rex et venit Doram fugiens per maritimam
1Mach 15.12
sciebat enim quod congregata sunt in eum mala et reliquit eum exercitus
1Mach 15.13
et adplicuit Antiochus super Doram cum centum viginti milibus virorum belligeratorum et octo milibus equitum
1Mach 15.14
et circuivit civitatem et naves a mari accesserunt et vexabant civitatem a terra et mari et neminem sinebant egredi
1Mach 15.15
venit autem Numenius et qui cum eo fuerant ab urbe Roma habentes epistulas regibus et regionibus scriptas in quibus continebantur haec
1Mach 15.16
Lucius consul Romanorum Ptolomeo regi salutem
1Mach 15.17
legati Iudaeorum venerunt ad nos amici nostri renovantes pristinam amicitiam et societatem missi a Simone principe sacerdotum et populo Iudaeorum
1Mach 15.18
adtulerunt autem et clypeum aureum minarum mille
1Mach 15.19
placuit itaque nobis scribere regibus et regionibus ut non inferant illis mala neque inpugnent eos et civitates eorum et regiones eorum et ut non ferant auxilium pugnantibus adversus eos
1Mach 15.20
visum est autem nobis accipere ab eis clypeum
1Mach 15.21
si qui ergo pestilentes refugerunt de regione ipsorum ad vos tradite eos Simoni principi sacerdotum ut vindicet in eos secundum legem suam
1Mach 15.22
haec eadem scripta sunt Demetrio regi et Attalo et Arahae et Arsaci
1Mach 15.23
et in omnes regiones et Samsamae et Spartanis et Delo et Mydo et Sicyone et Cariae et Samum et Pamphiliam et Lyciam et Alacarnasum et Rhodum et Faselida et Choo et Siden et Arado et Gortinam et Cnidum et Cyprum et Cyrenen
1Mach 15.24
exemplum autem eorum scripserunt Simoni principi sacerdotum
1Mach 15.25
Antiochus autem rex adplicuit castra in Dora secundo admovens ei semper manus et machinas faciens et conclusit Tryfonem ne procederet
1Mach 15.26
et misit ei Simon duo milia virorum electorum in auxilium et argentum et aurum et vasa copiosa
1Mach 15.27
et noluit ea accipere sed inrupit omnia quae pactus est cum eo antea et alienavit se ab eo
1Mach 15.28
et misit ad eum Athenovium unum de amicis suis ut tractaret cum ipso dicens vos tenetis Ioppen et Gazaram et arcem quae est in Hierusalem civitates regni mei
1Mach 15.29
fines earum desolastis et fecistis plagam magnam super terram et dominati estis per loca multa in regno meo
1Mach 15.30
nunc ergo tradite civitates quas occupastis et tributa locorum quibus dominati estis extra fines Iudaeae
1Mach 15.31
sin autem date pro illis quingenta talenta argenti et exterminii quod exterminastis et tributorum civitatium alia talenta quingenta sin autem veniemus et expugnabimus vos
1Mach 15.32
et venit Athenovius amicus regis in Hierusalem et vidit gloriam Simonis et claritatem in auro et argento et adparatum copiosum et obstipuit et rettulit ei verba regis
1Mach 15.33
et respondit Simon et dixit ei neque alienam terram sumpsimus neque aliena detinemus sed hereditatem patrum nostrorum quae ab inimicis nostris iniuste aliquo tempore possessa est
1Mach 15.34
nos vero tempus habentes vindicamus hereditatem patrum nostrorum
1Mach 15.35
nam de Ioppen et Gazara quae expostulas ipsi faciebant in populo plagam magnam et in regione nostra horum damus talenta centum et non respondit illi verbum
1Mach 15.36
reversus autem cum ira ad regem renuntiavit ei verba ista et gloriam Simonis et universa quae vidit et iratus est rex ira magna
1Mach 15.37
Tryfon autem fugit navi in Orthosiada
1Mach 15.38
et constituit rex Cendebeum ducem maritimum et exercitum equitum et peditum dedit illi
1Mach 15.39
et mandavit illi movere castra contra faciem Iudaeae et mandavit ei aedificare Caedronem et obstruere portas civitatis et debellare populum rex autem persequebatur Tryfonem
1Mach 15.40
et pervenit Cendebeus Iamniam et coepit inritare plebem et conculcare Iudaeam et captivare populum et interficere et aedificare Caedronem
1Mach 15.41
et conlocavit illic equites et exercitum ut egressi perambularent viam Iudaeae sicut constituit ei rex

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages