2Mach 2

Teljes szövegű keresés

2Mach 2
2Mach 2.1
invenitur autem in descriptionibus Hieremiae prophetae quod iussit accipere ignem eos qui transmigrabantur ut significatum est et ut mandavit transmigratis
2Mach 2.2
et dedit illis legem ne obliviscerentur praecepta Domini et ut non exerrarent mentibus videntes simulacra aurea et argentea et ornamenta eorum
2Mach 2.3
et alia huiuscemodi dicens hortabatur ne legem amoverent a corde suo
2Mach 2.4
erat autem in ipsa scriptura quomodo tabernaculum et arcam iussit propheta divino responso ad se facto comitari secum usquequo exiit in montem in quo Moses ascendit et vidit Dei hereditatem
2Mach 2.5
et veniens ibi Hieremias invenit locum speluncae et tabernaculum et arcam et altare incensi intulit illuc et ostium obstruxit
2Mach 2.6
et accesserunt quidam simul qui sequebantur ut notarent sibi locum et non potuerunt invenire
2Mach 2.7
ut autem cognovit Hieremias culpans illos dixit quod ignotus erit locus donec congreget Deus congregationem populi et propitius fiat
2Mach 2.8
et tunc Dominus ostendet haec et apparebit maiestas Domini et nubes erit sicut et Mosi manifestabatur et sicut cum Salomon petiit ut locus sanctificaretur magno Deo manifestabat haec
2Mach 2.9
et ut sapientiam habens obtulit sacrificium dedicationis et consummationis templi
2Mach 2.10
sicut et Moses orabat ad Dominum et descendit ignis de caelo et consumpsit holocaustum
2Mach 2.11
et dixit Moses eo quod non sit mundatum quod erat pro peccato et consumptum est
2Mach 2.12
similiter et Salomon octo diebus celebravit dedicationem
2Mach 2.13
inferebantur autem in descriptionibus et commentariis Neemiae haec eadem et ut construens bibliothecam congregavit de regibus libros et prophetarum et David et epistulas regum et de donariis
2Mach 2.14
similiter autem et Iudas ea quae didicerat per bellum quod nobis acciderat congregavit omnia et sunt apud nos
2Mach 2.15
si ergo desiderastis haec mittite qui perferant vobis
2Mach 2.16
acturi itaque purificationem scripsimus vobis bene igitur facietis si egeritis hos dies
2Mach 2.17
Deus autem qui liberavit populum suum et reddidit hereditatem omnibus et regnum et sacerdotium et sanctificationem
2Mach 2.18
sicut promisit in lege speramus quod cito nostri miserebitur et congregabit de sub caelo in locum sanctum
2Mach 2.19
eripuit enim nos de magnis periculis et locum purgavit
2Mach 2.20
de Iuda vero Macchabeo et fratribus eius et de templi magni purificatione et de arae dedicatione
2Mach 2.21
sed et de proeliis quae pertinent ad Antiochum Nobilem et filium eius Eupatorem
2Mach 2.22
et de inluminationibus quae de caelo factae sunt ad eos qui pro Iudaeis fortiter fecerunt ita ut universam regionem cum pauci essent vindicarent et barbaram multitudinem fugarent
2Mach 2.23
et famosissimum in toto orbe templum recuperarent et civitatem liberarent ut leges quae abolendae erant restituerentur Domino cum omni tranquillitate propitio facto illis
2Mach 2.24
itemque ab Iasone Cyreneo quinque libris conprehensa temptavimus nos uno volumine breviare
2Mach 2.25
considerantes enim multitudinem librorum et difficultatem volentibus adgredi narrationes historiarum propter multitudinem rerum
2Mach 2.26
curavimus volentibus quidem legere ut esset animi oblectatio studiosis vero ut facile possint memoriae commendare omnibus autem legentibus utilitas conferatur
2Mach 2.27
et nobis quidem ipsis qui opus hoc breviandi causa suscepimus non facilem laborem immo vero negotium plenum vigiliarum et sudoris adsumpsimus
2Mach 2.28
sicut hii qui praeparant convivium et quaerunt aliorum voluntati parere propter multorum gratiam libenter laborem sustinemus
2Mach 2.29
veritatem quidem de singulis auctori concedentes ipsi autem secundum datam formam brevitati studentes
2Mach 2.30
sicut enim novae domus architecto de universa structura curandum est ei vero qui pingere conatur quae apta sunt ad ornatum exquirenda sunt ita aestimandum est et in nobis
2Mach 2.31
etenim intellectum colligere et ordinare sermonem et curiosius partes singulas quasque disquaerere historiae congruit auctori
2Mach 2.32
brevitatem vero dictionis sectari et exsecutiones rerum vitare brevitati concedendum est
2Mach 2.33
hinc igitur narrationem incipiemus de praefatione tantum dixisse sufficiat stultum etenim est ante historiam effluere in ipsa autem historia succingi

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages