Sap 17

Teljes szövegű keresés

Sap 17
Sap 17.1
magna enim sunt iudicia tua et inenarrabilia verba tua propter hoc indisciplinatae animae erraverunt
Sap 17.2
dum enim persuasum habent iniqui posse dominari nationi sanctae vinculis tenebrarum et longae noctis conpediti inclusi sub tectis fugitivi perpetuae providentiae iacuerunt
Sap 17.3
et dum putant se latere in obscuris peccatis tenebroso oblivionis velamento dispersi sunt paventes horrende et cum admiratione nimia perturbati
Sap 17.4
neque enim quae continebat illos spelunca sine timore custodiebat quoniam sonitus descendens perturbabat illos et personae tristes apparentes pavorem illis praestabant
Sap 17.5
et ignis quidem nulla vis poterat illis lumen praebere nec siderum limpidae flammae inluminare poterant illam noctem horrendam
Sap 17.6
apparebat autem illis subitaneus ignis timore plenus et timore percussi illius quae non videbatur faciei aestimabant deteriora esse quae videbantur
Sap 17.7
et magicae artis adpositi erant derisus et sapientiae gloriae correptio cum contumelia
Sap 17.8
illi enim qui promittebant timores turbationes expellere se ab anima languente hi cum derisu pleni timore languebant
Sap 17.9
nam et si nihil illos ex monstris perturbabat transitu animalium et serpentium sibilatione commoti tremebundi peribant et aerem quem nulla ratione quis effugere posset negantes se videre
Sap 17.10
cum sit enim timida nequitia dat testimonium condemnata semper enim praesumit saeva conturbata conscientia
Sap 17.11
nihil enim est timor nisi praesumptionis adiutorium proditio cogitationis auxiliorum
Sap 17.12
et dum ab intro minor est expectatio maiorem putat scientiam eius causae de qua tormentum praestat
Sap 17.13
illi autem qui inpotentem vere noctem et ab infimis et ab altissimis inferis supervenientem eundem somnum dormientes
Sap 17.14
aliquando monstrorum exagitabantur timore aliquando animae deficiebant traductione subitaneus enim illis et insperatus timor supervenerat
Sap 17.15
deinde si quicumque ex illis decidisset custodiebatur in carcere sine ferro reclusus
Sap 17.16
si enim rusticus quis erat aut pastor aut agri laborum operarius praeoccupatus esset ineffugibilem sustinebat necessitatem
Sap 17.17
una enim catena tenebrarum omnes erant conligati sive spiritus sibilans aut inter spissos ramos avium sonus suavis aut vis aquae decurrentis nimium
Sap 17.18
aut sonus validus praecipitarum petrarum aut ludentium animalium cursus invisus aut mugientium valida bestiarum vox aut resonans de altissimis montibus echo deficientes faciebat illos prae timore
Sap 17.19
omnis enim orbis terrarum limpido luminabatur lumine et non inpeditis operibus continebatur
Sap 17.20
solis autem illis superposita erat gravis nox imago tenebrarum quae superventura illis erat ipsi ergo sibi erant graviores tenebris

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages