Sap 18

Teljes szövegű keresés

Sap 18
Sap 18.1
sanctis autem tuis maxima erat lux et horum quidem vocem audiebant sed figuram non videbant et quia non et ipsi per eadem passi erant magnificabant
Sap 18.2
et qui ante laesi erant quoniam non laedebantur gratias agebant et ut esset differentia donum petebant
Sap 18.3
propter quod igni ardentem columnam ducem habuerunt ignotae viae et solem sine laesura boni hospitii praestitisti
Sap 18.4
digni quidem illi carere luce et pati carcerem tenebrarum qui inclusos custodiebant filios tuos per quos incipiebat incorruptum legis lumen saeculo dari
Sap 18.5
cum cogitarent iustorum occidere infantes et uno exposito filio et liberato in traductionem illorum multitudinem filiorum abstulisti et pariter illos perdidisti in aquam validam
Sap 18.6
illa nox ante cognita est a parentibus nostris ut vere scientes quibus iuramentis crediderunt animaequiores essent
Sap 18.7
suscepta est autem a populo tuo sanitas quidem iustorum iniustorum autem exterminatio
Sap 18.8
sicut enim laesisti adversarios sic nos provocans magnificasti
Sap 18.9
absconse enim sacrificabant iusti pueri bonorum et iustitiae legem in concordia disposuerunt similiter bona et mala percepturos iustos patri iam decantantes laudes
Sap 18.10
resonabat autem inconveniens inimicorum vox et flebilis audiebatur planctus ploratorum infantium
Sap 18.11
simili autem poena servus cum domino adflictus et popularis homo regi similia passus
Sap 18.12
similiter ergo omnes uno nomine mortis mortuos habebant innumerabiles nec enim ad sepeliendum vivi sufficiebant quoniam uno momento quae erat praeclarior natio illorum exterminata est
Sap 18.13
de omnibus enim non credentes propter veneficia tunc cum fuit exterminium primogenitorum spoponderunt populum Dei se esse
Sap 18.14
cum enim quietum silentium contineret omnia et nox in suo cursu medium iter haberet
Sap 18.15
omnipotens sermo tuus de caelo a regalibus sedibus durus debellator in mediam exterminii terram prosilivit
Sap 18.16
gladius acutus insimulatum imperium tuum portans et stans replevit omnia morte et usque ad caelum adtingebat stans in terra
Sap 18.17
tum continuo visus somniorum malorum turbaverunt illos et timores supervenerunt insperati
Sap 18.18
et alius alibi proiectus semivivus propter quam moriebatur causam demonstrabat
Sap 18.19
visiones enim quae illos turbaverunt haec praemonebant ne inscii quare mala patiebantur perirent
Sap 18.20
tetigit autem tunc et iustos temptatio mortis et commotio in heremo facta est multitudinis sed non diu permansit ira
Sap 18.21
properans enim homo sine querella propugnavit proferens servitutis suae scutum orationem et per incensum deprecationem allegans restitit irae et finem inposuit necessitati ostendens quoniam tuus est famulus
Sap 18.22
vicit autem turbas non virtute corporis nec armatura potentiae sed verbo vexatorem subiecit iuramenta parentum et testamentum commemorans
Sap 18.23
cum enim iam acervatim cecidissent super alterutrum mortui interstetit et amputavit impetum et divisit illam quae ad vivos ducebat viam
Sap 18.24
in veste enim poderis quam habebat totus erat orbis terrarum et parentum magnalia in quattuor ordinibus lapidum erant sculpta et magnificentia tua in diademate capitis illius erat scripta
Sap 18.25
haec autem his cessit qui exterminabat et haec extimuit erat enim sola temptatio irae sufficiens

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages