Sap 5

Teljes szövegű keresés

Sap 5
Sap 5.1
tunc stabunt iusti in magna constantia adversus eos qui se angustaverunt et qui abstulerunt labores illorum
Sap 5.2
videntes turbabuntur timore horribili et mirabuntur in subitatione insperatae salutis
Sap 5.3
dicent inter se paenitentiam agentes et per angustiam spiritus gementes hi sunt quos habuimus aliquando in risu et in similitudine inproperii
Sap 5.4
nos insensati vitam illorum aestimabamus insaniam et finem illorum sine honore
Sap 5.5
quomodo conputati sunt inter filios Dei et inter sanctos sors illorum est
Sap 5.6
ergo erravimus a via veritatis et iustitiae lumen non luxit nobis et sol non est ortus nobis
Sap 5.7
lassati sumus in via iniquitatis et perditionis et ambulavimus vias difficiles viam autem Domini ignoravimus
Sap 5.8
quid nobis profuit superbia aut quid divitiarum iactatio contulit nobis
Sap 5.9
transierunt omnia illa tamquam umbra et tamquam nuntius percurrens
Sap 5.10
et tamquam navis quae pertransit fluctuantem aquam cuius cum praeterierit non est vestigium invenire neque semitam carinae illius in fluctibus
Sap 5.11
aut avis quae transvolat in aere nullum invenitur argumentum itineris illius sed tantum sonitus est alarum verberans levem ventum et scindens per vim itineris aerem commotis alis transvolavit et post hoc nullum signum invenitur itineris illius
Sap 5.12
aut tamquam sagittae emissae in locum destinatum divisus aer continuo in se reclusus est ut ignoretur transitus illius
Sap 5.13
sic et nos nati continuo desivimus esse et virtutis quidem signum nullum valuimus ostendere in malignitate autem nostra consumpti sumus
Sap 5.14
talia dixerunt et peccaverunt
Sap 5.15
quoniam spes impii tamquam lanugo est quae a vento tollitur et tamquam spuma gracilis quae a procella dispergitur et tamquam fumus qui a vento diffusus est et tamquam memoria hospitis unius diei praetereuntis
Sap 5.16
iusti autem in perpetuum vivent et apud Dominum est merces eorum et cogitatio illorum apud Altissimum
Sap 5.17
ideo accipient regnum decoris et diadema speciei de manu Domini quoniam dextera sua teget eos et brachio suo defendet illos
Sap 5.18
accipiet armaturam zelus illius et armabit creaturam ad ultionem inimicorum
Sap 5.19
induet pro torace iustitiam et accipiet pro galea iudicium certum
Sap 5.20
sumet scutum inexpugnabilem aequitatem
Sap 5.21
acuet autem duram iram in lanceam et pugnabit cum illo orbis terrarum contra insensatos
Sap 5.22
ibunt directae emissiones fulgorum et tamquam a bene curvato arcu nubium exterminabuntur et ad certum locum insilient
Sap 5.23
et a petrosa ira plenae mittentur grandines et scandescet in illos aqua maris et flumina concurrent duriter
Sap 5.24
contra illos stabit spiritus virtutis et tamquam turbedo venti dividet illos et ad heremiam perducet omnem terram iniquitatis et malignitas evertet sedes potentium

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages