Sap 7

Teljes szövegű keresés

Sap 7
Sap 7.1
sum quidem et ego mortalis homo similis omnibus et ex genere terreno illius qui prior finctus est et in ventre matris figuratus sum caro
Sap 7.2
decem mensuum tempore coagulatus in sanguine ex semine hominis et delectamento somni conveniente
Sap 7.3
et ego natus accepi communem aerem et in similiter factam decidi terram primam vocem similem omnibus emisi plorans
Sap 7.4
in involumentis nutritus sum et curis magnis
Sap 7.5
nemo enim ex regibus aliud habuit nativitatis initium
Sap 7.6
unus ergo introitus est omnibus ad vitam et similis exitus
Sap 7.7
propter hoc optavi et datus est mihi sensus et invocavi et venit in me spiritus sapientiae
Sap 7.8
et praeposui illam regnis et sedibus et divitias nihil esse duxi in conparatione illius
Sap 7.9
nec conparavi illi lapidem pretiosum quoniam omne aurum in conparatione illius harena est exigua et tamquam lutum aestimabitur argentum in conspectu illius
Sap 7.10
super salutem et speciem dilexi illam et proposui pro luce habere illam quoniam inextinguibile est lumen illius
Sap 7.11
venerunt autem mihi omnia bona pariter cum illa et innumerabilis honestas per manus illius
Sap 7.12
et laetatus sum in omnibus quoniam antecedebat ista sapientia et ignorabam quoniam horum omnium mater est
Sap 7.13
quam sine fictione didici et sine invidia communico et honestatem illius non abscondo
Sap 7.14
infinitus enim thesaurus est hominibus quod qui usi sunt participes facti sunt amicitiae Dei propter disciplinae dona commendati
Sap 7.15
mihi autem det Deus dicere ex sententia et praesumere digna horum quae dantur quoniam ipse et sapientiae dux est et sapientium emendator
Sap 7.16
in manu enim illius et nos et sermones nostri et omnis sapientia et operum scientiae disciplina
Sap 7.17
ipse enim mihi dedit horum quae sunt scientiam veram ut sciam dispositionem orbis terrarum et virtutes elementorum
Sap 7.18
initium et consummationem et medietatem temporum et meditationem omnium morum mutationes et divisiones temporum
Sap 7.19
anni cursus et stellarum dispositiones
Sap 7.20
naturas animalium et iras bestiarum vim ventorum et cogitationes hominum differentias arborum et virtutes radicum
Sap 7.21
et quaecumque sunt absconsa et inprovisa didici omnium enim artifex docuit me sapientia
Sap 7.22
est enim in illa spiritus intellectus sanctus unicus multiplex subtilis mobilis dissertus incoinquinatus certus suavis amans bonum acutus qui nihil vetat benefacere
Sap 7.23
humanus stabilis certus securus omnem habens virtutem omnia prospiciens et qui capiat omnes spiritus intellegibiles mundos subtiles
Sap 7.24
omnibus enim mobilibus mobilior est sapientia adtingit autem ubique et capit propter suam munditiam
Sap 7.25
vapor est enim virtutis Dei et emanatio quaedam est claritatis omnipotentis Dei sincera et ideo nihil inquinatum in illa incurrit
Sap 7.26
candor est enim lucis aeternae et speculum sine macula Dei maiestatis et imago bonitatis illius
Sap 7.27
et cum sit una omnia potest et permanens in se omnia innovat et per nationes in animas sanctas se transfert amicos Dei et prophetas constituit
Sap 7.28
neminem enim diligit Deus nisi eum qui cum sapientia inhabitat
Sap 7.29
est enim haec speciosior sole et super omnem stellarum dispositionem luci conparata invenitur prior
Sap 7.30
illi enim succedit nox sapientiam autem non vincit malitia

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages