Eccl 12

Teljes szövegű keresés

Eccl 12
Eccl 12.1
si benefeceris scito cui feceris et erit gratia in bonis tuis multa
Eccl 12.2
benefac iusto et invenies retributionem magnam et si non ab ipso certe a Domino
Eccl 12.3
non est ei bene qui adsiduus est malis et elemosynam non danti quoniam et Altissimus odio habet peccatores et misertus est paenitentibus
Eccl 12.4
da misericordi et ne suscipias peccatorem et impiis et peccatoribus reddet vindictam custodiens eos in die vindictae
Eccl 12.5
da bono et non receperis peccatorem
Eccl 12.6
benefac humili et non dederis impio prohibe panes illi dare ne in ipsis potentior te sit
Eccl 12.7
nam duplicia mala invenies in omnibus bonis quoniam et Altissimus odio habet peccatores et impiis reddet vindictam
Eccl 12.8
non agnoscetur in bonis amicus et non abscondetur in malis inimicus
Eccl 12.9
in bonis viri inimici illius in tristitia et in malitia illius amicus agnitus est
Eccl 12.10
non credas inimico tuo in aeternum sicut enim aeramentum eruginat nequitia illius
Eccl 12.11
et si humiliatus vadat curvus adice animum tuum et custodi te ab illo
Eccl 12.12
non statuas illum penes te nec sedeat ad dexteram tuam ne conversus stet in loco tuo ne forte conversus in locum tuum inquirat cathedram tuam et in novissimo cognoscas verba mea et in sermonibus meis stimuleris
Eccl 12.13
quis miserebitur incantatori a serpente percusso et omnibus qui adpropiant bestiis et qui comitatur cum viro iniquo et obvolutus est in peccatis eius
Eccl 12.14
una hora tecum permanebit si autem declinaveris non subportabit
Eccl 12.15
in labiis suis indulcat inimicus et in corde suo insidiatur ut subvertat te in foveam
Eccl 12.16
in oculis suis lacrimatur inimicus et si invenerit tempus non satiabitur sanguine
Eccl 12.17
si incurrerint tibi mala invenies eum illic priorem
Eccl 12.18
in oculis suis lacrimatur inimicus et quasi adiuvans suffodiet plantas tuas
Eccl 12.19
caput suum movebit et plaudebit manu et multa susurrans commutabit vultum suum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages