Eccl 16

Teljes szövegű keresés

Eccl 16
Eccl 16.1
et ne iucunderis in filiis impiis si multiplicentur non oblecteris super ipsos si non est timor Dei cum illis
Eccl 16.2
non credas vitae illorum et ne respexeris in labores illorum
Eccl 16.3
melior est enim unus timens Deum quam mille filii impii
Eccl 16.4
et utile mori sine filiis quam relinquere filios impios
Eccl 16.5
ab uno sensato inhabitabitur patria et a tribus impiis deseretur
Eccl 16.6
multa talia vidit oculus meus et fortiora horum audivit auris mea
Eccl 16.7
in synagoga peccantium exardebit ignis et in gente incredibili exardescit ira
Eccl 16.8
non exoraverunt pro peccatis suis antiquis gigantibus qui destruxerunt confidentes suae virtuti
Eccl 16.9
et non pepercit peregrinationi illorum et execratus est illos prae superbia verbi illorum
Eccl 16.10
non misertus est illis gentem totam perdens et extollentes se in suis peccatis
Eccl 16.11
et sicut sescenta milia peditum qui congregati sunt in duritia cordis sui et si unus fuisset cervicatus mirum si fuisset inmunis
Eccl 16.12
misericordia enim et ira est cum illo potens exoratio et effundens iram
Eccl 16.13
secundum misericordiam suam sic correptio illius hominem secundum operam suam iudicat
Eccl 16.14
non effugiet in rapinam peccator et non retardabit sufferentia misericordiam facientis
Eccl 16.15
omnis misericordia faciet locum unicuique secundum meritum operum suorum et secundum intellectum peregrinationis ipsius
Eccl 16.16
non dicas a Deo abscondar et ex summo quis mei memorabitur
Eccl 16.17
in populo magno non agnoscar quae est enim anima mea in tam inmensa creatura
Eccl 16.18
ecce caelum et caeli caelorum abyssus et universa terra et quae in eis sunt in conspectu illius commovebuntur
Eccl 16.19
montes simul et colles et fundamenta terrae et cum conspexerit illa Deus tremore concutientur
Eccl 16.20
et omne cor intellegetur
Eccl 16.21
et vias illius quis intellegit et procella quam nec oculus videbit hominis
Eccl 16.22
nam plurima opera illius sunt in absconsis opera iustitiae quis enuntiabit aut quis sustinebit longe enim est testamentum a quibusdam et interrogatio omnium in consummatione est
Eccl 16.23
qui minoratur corde cogitat inania et vir inprudens et errans cogitat stulta
Eccl 16.24
audi me fili et disce disciplinam sensus et in verbis meis adtende in corde
Eccl 16.25
edicam in aequitate disciplinam et scrutabor enarrare sapientiam et in verbis meis adtende in corde tuo et dico in aequitate spiritus virtutes quas posuit Deus in opera sua ab initio et in veritate enuntio scientiam eius
Eccl 16.26
in iudicio Dei opera ipsius ab initio et ab institutione ipsorum distinxit partes illorum et initia ipsorum in gentibus suis
Eccl 16.27
ornavit in aeternum opera illorum nec esurierunt nec laboraverunt et non destiterunt ab operibus suis
Eccl 16.28
unusquisque proximum sibi non angustiavit usque in aevum
Eccl 16.29
non incredibiles verbo illius
Eccl 16.30
post haec Deus in terram respexit et implevit illam bonis suis
Eccl 16.31
anima omnis vitalis denudavit ante faciem ipsius et ipsa iterum reversio illorum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages