Eccl 17

Teljes szövegű keresés

Eccl 17
Eccl 17.1
Deus creavit de terra hominem et secundum imaginem suam fecit illum
Eccl 17.2
et iterum convertit illum in ipsam et secundum se vestivit illum virtutem
Eccl 17.3
numerum dierum et tempus dedit illi et dedit illi potestatem eorum quae sunt super terram
Eccl 17.4
posuit timorem illius super omnem carnem et dominatus est bestiarum et volatilium
Eccl 17.5
creavit ex ipso adiutorium similem ipsi consilium et linguam et oculos aures et cor dedit illis excogitandi et disciplinam intellectus replevit illos
Eccl 17.6
creavit illis scientiam spiritus sensum implevit cor illorum et mala et bona ostendit illis
Eccl 17.7
posuit oculum ipsorum super corda illorum ostendere illis magnalia operum suorum
Eccl 17.8
et nomen sanctificationis conlaudent et gloriari in mirabilibus illius et magnalia enarrent operum eius
Eccl 17.9
addidit illis disciplinam et legem vitae hereditavit illos
Eccl 17.10
testamentum aeternum constituit cum illis et iudicia sua ostendit illis
Eccl 17.11
et magnalia honoris eius vidit oculus illorum et honorem vocis audierunt aures illorum et dixit illis adtendite ab omni iniquo
Eccl 17.12
et mandavit illis unicuique de proximo
Eccl 17.13
viae illorum coram ipso sunt semper non sunt absconsae ab oculis ipsius
Eccl 17.14
in unamquamque gentem praeposuit rectorem
Eccl 17.15
et pars Dei Israhel facta est manifesta
Eccl 17.16
omnia opera illorum velut sol in conspectu Dei et oculi eius sine intermissione inspicientes in viis eorum
Eccl 17.17
non sunt absconsa testamenta per iniquitatem eorum et omnes iniquitates eorum in conspectu Dei
Eccl 17.18
elemosyna viri quasi sacculum cum ipso et gratiam hominis quasi pupillam conservabit
Eccl 17.19
et postea resurget et retribuet illis retributionem unicuique in caput illorum et convertet in interiores partes terrae
Eccl 17.20
paenitentibus autem dedit viam iustitiae et conrogavit deficientes sustinere et destinavit illis sortem veritatis
Eccl 17.21
convertere ad Deum et relinque peccata tua
Eccl 17.22
precare ante faciem et minue offendiculum
Eccl 17.23
refer te ad Dominum et avertere ab iniustitia et nimis odito execrationem
Eccl 17.24
et cognosce iustitias et iudicia Dei et sta in sorte propositionis et orationis altissimi Dei
Eccl 17.25
in partes vade saeculi sancti cum vivis et dantibus confessionem
Eccl 17.26
non demoreris in errore impiorum a mortuo quasi nihil perit
Eccl 17.27
confiteberis vivens vivus et sanus confiteberis et laudabis Deum et gloriaberis in miserationibus illius
Eccl 17.28
quam magna misericordia Dei et propitiatio illius convertentibus ad se
Eccl 17.29
nec enim omnia possunt esse in hominibus quoniam non est inmortalis filius hominis et in vanitate malitiae placuerunt
Eccl 17.30
quid lucidius sole et hic deficiet aut quid nequius excogitabit caro et sanguis et hoc arguitur
Eccl 17.31
virtutem altitudinis caeli ipse conspicit et omnes homines terra et cinis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages