Eccl 20

Teljes szövegű keresés

Eccl 20
Eccl 20.1
quam bonum est arguere quam irasci et confitentem in oratione non prohibere
Eccl 20.2
concupiscentia spadonis devirginavit iuvenem
Eccl 20.3
sic qui facit per vim iudicium inique
Eccl 20.4
quam bonum est correptum manifestare paenitentiam sic enim effugies voluntarium peccatum est tacens qui invenitur sapiens
Eccl 20.5
et est odibilis qui procax est ad loquendum
Eccl 20.6
est autem tacens non habens sensum loquellae et est tacens sciens tempus apti temporis
Eccl 20.7
homo sapiens tacebit usque ad tempus lascivus autem et inprudens non servabunt tempus
Eccl 20.8
qui multis utitur verbis laedit animam suam et qui potestatem sibi adsumit iniuste odietur
Eccl 20.9
est processio in malis viro indisciplinato et est inventio in detrimentum
Eccl 20.10
est datus qui non sit utilis et est datus cuius retributio duplex
Eccl 20.11
est propter gloriam minoratio et est qui ab humilitate levavit caput
Eccl 20.12
est qui multa redimat modico pretio et restituens ea septuplum
Eccl 20.13
sapiens in verbis se ipsum amabilem facit gratiae autem fatuorum effundentur
Eccl 20.14
datus insipientis non erit utilis tibi oculi enim illius septimplices sunt
Eccl 20.15
exigua dabit et multa inproperabit et apertio oris illius inflammatio est
Eccl 20.16
hodie fenerat quis et cras expetit et odibilis homo huiusmodi
Eccl 20.17
fatuo non erit amicus et non erit gratia bonis illius
Eccl 20.18
qui enim edunt panem illius falsi linguae sunt quotiens et quanti inridebunt eum
Eccl 20.19
neque enim quod habendum erat directo sensu distribuit similiter et quod non erat habendum
Eccl 20.20
lapsus falsae linguae quasi qui pavimento cadens nam et sic casus malorum festinanter venient
Eccl 20.21
homo acharis quasi fabula vana in ore indisciplinatorum adsidua erit
Eccl 20.22
ex ore fatui reprobabitur parabola non enim dicit illam in tempore suo
Eccl 20.23
est qui vetatur peccare ab inopia et in requie sua stimulabitur
Eccl 20.24
est qui perdit animam suam prae confusione et ab inprudenti persona perdet eam personae autem acceptione perdet se
Eccl 20.25
est qui prae confusione promittit amico et lucratus est eum inimicum gratis
Eccl 20.26
obprobrium nequa in homine mendacium et in ore indisciplinatorum adsidue erit
Eccl 20.27
potius furem quam adsiduitas viri mendacis perditionem autem ambo hereditabunt
Eccl 20.28
mores hominum mendacium sine honore et confusio illius cum ipso sine intermissione
Eccl 20.29
verbum parabolarum sapiens in verbis producet se ipsum et homo prudens placebit magnatis
Eccl 20.30
qui operatur terram suam inaltabit acervum fructuum et qui operatur iustitiam ipse exaltabitur qui vero placet magnatis effugiet iniquitatem
Eccl 20.31
xenia et dona excaecant oculos iudicum et quasi mutus in ore avertit correptiones eorum
Eccl 20.32
sapientia absconsa et thesaurus invisus quae utilitas in utrisque
Eccl 20.33
melius in hominibus qui abscondent insipientiam suam quam qui abscondunt sapientiam suam

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages