Eccl 21

Teljes szövegű keresés

Eccl 21
Eccl 21.1
fili peccasti non adicias iterum sed et de pristinis deprecare ut tibi remittatur
Eccl 21.2
quasi a facie colubri fuge peccata et si accesseris ad illa suscipient te
Eccl 21.3
dentes leonis dentes eius interficientes animas hominum
Eccl 21.4
quasi romphea bis acuta omnis iniquitas plagae illius non est sanitas
Eccl 21.5
cataplectatio et iniuriae adnullabunt substantiam sic substantia superbiae eradicabitur
Eccl 21.6
deprecatio pauperis ex ore usque ad aures eius veniet et iudicium festinato adveniet illi
Eccl 21.7
qui odit correptionem vestigium est peccatoris et qui timet Deum convertet ad cor suum
Eccl 21.8
notus a longe potens lingua audaci et sensatus scit labi se ab ipso
Eccl 21.9
qui aedificat domum inpendiis alienis quasi qui colligat lapides suos in hieme
Eccl 21.10
stuppa collecta synagoga peccantium et consummatio illorum flamma ignis
Eccl 21.11
via peccantium conplanata lapidibus et in fine illorum inferi et tenebrae et poena
Eccl 21.12
qui custodit iustitiam continebit sensum eius
Eccl 21.13
consummatio timoris Dei sapientia et sensus
Eccl 21.14
non erudietur qui non est sapiens in bono
Eccl 21.15
est autem insipientia quae abundat in malo et non est sensus ubi abundat amaritudo
Eccl 21.16
scientia sapientis tamquam inundatio abundabit et consilium illius sicut fons vitae permanet
Eccl 21.17
cor fatui quasi vas confractum et omnem sapientiam non tenebit
Eccl 21.18
verbum sapiens quodcumque audierit scius laudabit et ad se adiciet audivit luxuriosus et displicebit illi et proiciet illud post dorsum suum
Eccl 21.19
narratio fatui quasi sarcina in via nam in labiis sensati invenietur gratia
Eccl 21.20
os prudentis quaeritur in ecclesia et verba illius cogitabunt in cordibus suis
Eccl 21.21
tamquam domus exterminata sic fatuo sapientia et scientia insensati inenarrabilia verba
Eccl 21.22
conpedes in pedibus stulto doctrina et quasi vincula manuum supra manum dexteram
Eccl 21.23
fatuus in risu inaltat vocem suam vir autem sapiens vix tacite ridebit
Eccl 21.24
ornamentum aureum prudenti doctrina et quasi brachiale in brachio dextro
Eccl 21.25
pes fatui facilis in domum proximi et homo peritus confundetur a persona potentis
Eccl 21.26
stultus a fenestra respiciet in domum vir autem eruditus foris stabit
Eccl 21.27
stultitia hominis audire per ostium et prudens gravabitur contumelia
Eccl 21.28
labia inprudentium stulta narrabunt verba autem prudentium statera ponderabuntur
Eccl 21.29
et in ore fatuorum cor illorum et in corde sapientium os illorum
Eccl 21.30
dum maledicit impius diabolum maledicit ipse animam suam
Eccl 21.31
susurrio coinquinabit animam suam et in omnibus odietur et qui manserit odiosus erit tacitus et sensatus honorabitur

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages