Eccl 26

Teljes szövegű keresés

Eccl 26
Eccl 26.1
mulieris bonae beatus vir numerus enim annorum illorum duplex
Eccl 26.2
mulier fortis oblectat virum suum et annos vitae illius in pace implebit
Eccl 26.3
pars bona mulier bona in parte bona timentium Deum dabitur viro pro factis bonis
Eccl 26.4
divitis autem et pauperis cor bonum in omni tempore vultus illorum hilaris
Eccl 26.5
a tribus timuit cor meum et in quarto facies mea metuit
Eccl 26.6
delatura civitatis et collectio populi
Eccl 26.7
et calumniam mendacem super mortem omnia gravia
Eccl 26.8
dolor cordis et luctus mulier zelotypa
Eccl 26.9
in muliere infideli flagellum linguae omnibus communicans
Eccl 26.10
sicut boum iugum quod movetur ita et mulierem nequam qui tenet illam quasi qui adprehendat scorpionem
Eccl 26.11
mulier ebriosa ira magna et contumelia et turpitudo illius non contegetur
Eccl 26.12
fornicatio mulieris in extollentia oculorum et in palpebris illius agnoscetur
Eccl 26.13
in filia non avertente se firma custodiam ne inventa occasione utatur se
Eccl 26.14
ab omni inreverentia oculis cave et ne mireris si te neglexerit
Eccl 26.15
sicut viator sitiens ad fontem os aperiet et ab omni aqua proxima bibet et contra omnem palum sedebit et contra omnem sagittam aperiet faretram donec deficiat
Eccl 26.16
gratia mulieris sedulae delectabit virum suum et ossa illius inpinguabit
Eccl 26.17
disciplina illius datus Dei
Eccl 26.18
mulier sensata et tacita non est inmutatio eruditae animae
Eccl 26.19
gratia super gratiam mulier sancta et pudorata
Eccl 26.20
omnis autem ponderatio non est digna continentis animae
Eccl 26.21
sicut sol oriens mundo in altissimis Dei sic mulieris bonae species in ornamentum domus eius
Eccl 26.22
lucerna splendens super candelabrum sanctum et species faciei super aetatem stabilem
Eccl 26.23
columnae aureae super bases argenteas et pedes firmi super plantas stabilis mulieris
Eccl 26.24
fundamenta aeterna super petram solidam et mandata Dei in corde mulieris sanctae
Eccl 26.25
in duobus contristatum est cor meum et in tertio iracundia mihi advenit
Eccl 26.26
vir bellator deficiens per inopiam et vir sensatus contemptus
Eccl 26.27
et qui transgreditur a iustitia ad peccatum Deus paravit eum ad rompheam
Eccl 26.28
duae species difficiles et periculosae mihi apparuerunt difficile exuitur negotians a neglegentia et non iustificabitur caupo a peccatis labiae

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages