Eccl 29

Teljes szövegű keresés

Eccl 29
Eccl 29.1
de fenore qui facit misericordiam fenerat proximum et qui praevalet manu mandata servat
Eccl 29.2
fenera proximum tibi in tempore necessitatis illius et iterum redde proximo in tempore suo
Eccl 29.3
confirma verbum et fideliter age cum illo et in omni tempore invenies quod tibi necessarium est
Eccl 29.4
multi quasi inventionem aestimaverunt fenus et praestiterunt molestiam his qui se adiuvaverunt
Eccl 29.5
donec accipiant osculantur manum dantis et in promissionibus humiliant vocem suam
Eccl 29.6
et in tempore redditionis postulabit tempus et loquetur verba acediae et murmurationum et tempus causabitur
Eccl 29.7
si autem potuerit reddere aversatus solide vix reddet dimidium et conputabit illud quasi inventionem
Eccl 29.8
sin autem fraudavit illum pecunia sua et possidebit illum inimicum gratis
Eccl 29.9
et convicia et maledicta reddet illi et pro honore et beneficio reddet illi contumeliam
Eccl 29.10
multi non causa nequitiae non feneraverunt sed fraudari gratis timuerunt
Eccl 29.11
verumtamen super humilem animo fortior esto et pro elemosyna non trahas illum
Eccl 29.12
propter mandatum adsume pauperem et propter inopiam eius ne dimittas illum vacuum
Eccl 29.13
perde pecuniam pro fratre et amico et non abscondas illam sub lapide in perditionem
Eccl 29.14
pone thesaurum tuum in praeceptis Altissimi et proderit tibi magis quam aurum
Eccl 29.15
conclude elemosynam in corde pauperis et haec pro te exorabit ab omni malo
Eccl 29.
16
Eccl 29.
17
Eccl 29.18
super scutum potentis et super lanceam adversus inimicum tuum pugnabit
Eccl 29.19
vir bonus fidem facit proximo suo et qui perdiderit confusionem derelinquet sibi
Eccl 29.20
gratiam fideiussoris ne obliviscaris dedit enim pro te animam suam
Eccl 29.21
repromissorem fugit peccator et inmundus
Eccl 29.22
bona repromissoris sibi adscribit peccator et ingratus sensu derelinquet liberantem se
Eccl 29.23
vir repromittit de proximo suo et cum perdiderit reverentiam relinquetur ab eo
Eccl 29.24
repromissio nequissima multos perdidit dirigentes et commovit illos quasi fluctus maris
Eccl 29.25
viros potentes gyrans migrare fecit et vagati sunt in gentibus alienis
Eccl 29.26
peccator transgrediens mandata Domini incidet in promissionem nequa et qui conatur multa agere incidet in iudicium
Eccl 29.27
recupera proximum secundum virtutem tuam et adtende tibi ne incidas
Eccl 29.28
initium vitae aqua et panis et vestimentum et domus protegens turpitudinem
Eccl 29.29
melior victus pauperis sub tegimen asserum quam epulae splendidae in peregre sine domicilio
Eccl 29.30
super minimum et magnum placeat tibi et inproperium peregrinationis non audies
Eccl 29.31
vita nequa hospitandi de domo in domum et ubi hospitabitur non fiducialiter aget nec aperiet os
Eccl 29.32
hospitabit et pascet et potabit ingratos et ad haec amara audiet
Eccl 29.33
transi hospes et orna mensam et quae in manu habes ciba ceteros
Eccl 29.34
exi a facie honoris amicorum meorum necessitudine domus meae hospitio mihi factus est frater
Eccl 29.35
gravia haec homini habenti sensum correptio domus et inproperium feneratoris

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages