Eccl 32

Teljes szövegű keresés

Eccl 32
Eccl 32.1
rectorem te posuerunt noli extolli esto in illis quasi unus ex ipsis
Eccl 32.2
curam illorum habe et sic conside et omni cura tua explicita recumbe
Eccl 32.3
ut laeteris propter illos et ornamentum gratiae accipias coronam et dignationem consequaris conrogationis
Eccl 32.4
loquere maior natu decet enim te
Eccl 32.5
primum verbum diligenti scientiam et non inpedias musica
Eccl 32.6
ubi auditus est non effundas sermonem et inportune noli extolli in sapientia tua
Eccl 32.7
gemmula carbunculi in ornamento auri et conparatio musicorum in convivio vini
Eccl 32.8
sicut in fabricatione auri signum est zmaragdi sic numerus musicorum in iucundo et moderato vino
Eccl 32.9
audi tacens et pro reverentia accedet tibi bona gratia
Eccl 32.10
adulescens loquere in tua causa vix
Eccl 32.11
si bis interrogatus fueris habeat caput responsum tuum
Eccl 32.12
in multis esto quasi inscius et audi tacens simul et quaerens
Eccl 32.13
in medio magnatorum non praesumas et ubi sunt senes non multum loquaris
Eccl 32.14
ante grandinem praeibit coruscatio et pro reverentia accedet tibi bona gratia
Eccl 32.15
et hora surgendi non te trices praecurre autem prior in domum tuam et illic avocare et illic lude
Eccl 32.16
et age conceptiones tuas et non in delictis et verbo superbo
Eccl 32.17
et super his omnibus benedicito Dominum qui fecit te et inebriantem te ab omnibus bonis suis
Eccl 32.18
qui timet Deum excipiet doctrinam eius et qui vigilaverint ad illum invenient benedictionem
Eccl 32.19
qui quaerit legem replebitur ab ea et qui insidiose agit scandalizabitur in ea
Eccl 32.20
qui timent Dominum invenient iudicium iustum et iustitias quasi lucem accendent
Eccl 32.21
peccator homo devitabit correptionem et secundum voluntatem suam inveniet conparationem
Eccl 32.22
vir consilii non disperiet intellegentia alienus et superbus non pertimescit timorem
Eccl 32.23
etiam postquam fecit cum eo sine consilio et suis insectationibus arguetur
Eccl 32.24
fili sine consilio nihil facias et post factum non paeniteberis
Eccl 32.25
in via ruinae non eas et non offendes in lapides ne credas te viae laboriosae ne ponas animae tuae scandalum
Eccl 32.26
et a filiis tuis cave et a domesticis tuis adtende
Eccl 32.27
in omni opere crede ex fide animae tuae haec est enim conservatio mandatorum
Eccl 32.28
qui credit Deo adtendit mandatis et qui confident in illo non minorabuntur

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages