Eccl 37

Teljes szövegű keresés

Eccl 37
Eccl 37.1
omnis amicus dicet et ego amicitiam copulavi sed est amicus solo nomine amicus nonne tristitia inest usque ad mortem
Eccl 37.2
sodalis autem et amicus ad inimicitiam convertentur
Eccl 37.3
o praesumptio nequissima unde creata es cooperire aridam malitiam et dolositatem illius
Eccl 37.4
sodalis amico coniucundatur in oblectatione et in tempore tribulationis adversarius erit
Eccl 37.5
sodalis amico condolet causa ventris et contra hostem accipiet scutum
Eccl 37.6
non obliviscaris amici tui in animo tuo et non inmemor sis illius in operibus tuis
Eccl 37.7
noli consiliari cum socero tuo et a zelantibus te absconde consilium
Eccl 37.8
omnis consiliarius prodit consilium sed est consiliarius in semet ipso
Eccl 37.9
a consiliario serva animam tuam prius scito quae sit illius necessitas et ipse enim animo suo cogitabit
Eccl 37.10
ne forte mittat sudem in terram et dicat tibi
Eccl 37.11
bona est via tua et stet e contrario videre quid tibi eveniat
Eccl 37.12
cum viro inreligioso tracta de sanctitate et cum iniusto de iustitia et cum muliere de ea quae aemulatur cum timido de bello cum negotiatore de traiecticio cum emptore de venditione cum viro livido de gratiis agendis
Eccl 37.13
cum impio de pietate cum inhonesto de honestate cum operario agri de omni opere
Eccl 37.14
cum operario annuali de consummatione anni cum servo pigro de multa operatione non adtendas his in omni consilio
Eccl 37.15
cum viro sancto adsiduus esto quemcumque cognoveris observantem timorem Dei
Eccl 37.16
cuius anima est secundum animam tuam quicumque titubaverit in tenebris non condolebit tibi
Eccl 37.17
et cor boni consilii statue non est enim tibi aliud pluris illo
Eccl 37.18
anima viri sancti enuntiat aliquando vera quam septem circumspectores sedentes ad speculandum
Eccl 37.19
et in his omnibus deprecare Altissimum ut dirigat in veritate viam tuam
Eccl 37.20
ante omnem operam verbum verax praecedat te et ante omnem actum consilium stabile
Eccl 37.21
verbum nequa inmutabit cor quattuor partes oriuntur bonum et malum vita et mors et dominatrix illorum est adsidua lingua
Eccl 37.22
vir peritus multos erudivit et animae suae suavis est
Eccl 37.23
qui sofistice loquitur odibilis est omni re defraudabitur
Eccl 37.24
non est enim data illi a Domino gratia omni enim sapientia defraudatus est
Eccl 37.25
est sapiens animae suae sapiens et fructus sensus illius laudabilis
Eccl 37.26
vir sapiens plebem suam erudit et fructus sensus eius fideles sunt
Eccl 37.27
vir sapiens implebitur benedictione et videntes illum laudabunt
Eccl 37.28
vita viri in numero dierum dies autem Israhel innumerabiles sunt
Eccl 37.29
sapiens in populo hereditabit honorem et nomen illius erit vivens in aeternum
Eccl 37.30
fili in vita tua tempta animam tuam et si fuerit nequam non des illi potestatem
Eccl 37.31
non enim omnia omnibus expediunt et non omni animae omne genus placet
Eccl 37.32
noli avidus esse in omni epulatione et non te effundas super omnem escam
Eccl 37.33
in multis enim escis erit infirmitas et aplestia adpropinquabit usque ad cholera
Eccl 37.34
propter aplestiam multi obierunt qui autem abstinens est adiciet vitam

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages