Eccl 38

Teljes szövegű keresés

Eccl 38
Eccl 38.1
honora medicum propter necessitatem etenim illum creavit Altissimus
Eccl 38.2
a Deo est omnis medella et a rege accipiet dationem
Eccl 38.3
disciplina medici exaltabit caput illius et in conspectu magnatorum conlaudabitur
Eccl 38.4
Altissimus creavit de terra medicinam et vir prudens non abhorrebit illi
Eccl 38.5
nonne a ligno indulcata est amara aqua
Eccl 38.6
ad agnitionem hominum virtutis illorum et dedit homini scientiam Altissimus honorari in mirabilibus suis
Eccl 38.7
in his curans mitigavit dolorem et unguentarius facit pigmentum suavitatis et unctiones conficiet suavitatis et non consummabuntur opera eius
Eccl 38.8
pax enim Dei super faciem terrae
Eccl 38.9
fili in tua infirmitate non despicias sed ora ad Dominum et ipse curabit te
Eccl 38.10
averte a delicto et dirige manus et ab omni delicto munda cor tuum
Eccl 38.11
da suavitatem et memoriam similaginis et inpingua oblationem et da locum medico
Eccl 38.12
etenim illum Dominus creavit et non discedat a te quoniam opera eius sunt necessaria
Eccl 38.13
est enim tempus quando in manus eorum incurras
Eccl 38.14
ipsi vero Dominum deprecabuntur ut dirigat requiem eorum et sanitatem propter conversationem illorum
Eccl 38.15
qui delinquit in conspectu eius qui fecit eum incidat in manus medici
Eccl 38.16
fili in mortuum produc lacrimas et quasi dira passus incipe plorare et secundum iudicium contine corpus illius et non despicias sepulturam illius
Eccl 38.17
propter delaturam amare fer luctum illius uno die et consolare propter tristitiam
Eccl 38.
18
Eccl 38.19
a tristitia enim festinat mors et cooperiet virtutem et tristitia cordis flectet cervicem
Eccl 38.20
in abductione permanet tristitia et substantia inopis secundum cor eius
Eccl 38.21
non dederis in tristitia cor tuum sed repelle eam a te et memento novissimorum
Eccl 38.22
noli oblivisci neque enim est conversio et huic nihil proderis et te ipsum pessimabis
Eccl 38.23
memor esto iudicii mei sic enim erit et tuum mihi heri et tibi hodie
Eccl 38.24
in requie mortui requiescere fac memoriam eius et consolare illum in exitu spiritus sui
Eccl 38.25
sapientiam scribe in tempore vacuitatis et qui minoratur actu sapientiam percipiet qua sapientia replebitur
Eccl 38.26
qui tenet aratrum et non gloriatur in iaculo stimulo boves agit et conversatur in operibus eorum et narratio eius in filiis taurorum
Eccl 38.27
cor suum dabit ad versandos sulcos et vigilia eius in sagina vaccarum
Eccl 38.28
sic omnis faber et architectus qui noctem tamquam diem transigit qui sculpit signacula sculptilia et adsiduitas eius variat picturam cor suum dabit in similitudinem picturae et vigilia sua perficit opus
Eccl 38.29
sic faber ferrarius sedens iuxta incudem et considerans opus ferri vapor ignis uret carnes eius et in calore fornacis concertatur
Eccl 38.30
vox mallei innovabit aurem eius et contra similitudinem vasi oculi eius
Eccl 38.31
cor suum dabit in consummationem operum et vigilia sua ornabit in consummatione
Eccl 38.32
sic figulus sedens ad opus suum convertens pedibus suis rotam qui in sollicitudine positus est semper propter opus suum et innumera est omnis operatio eius
Eccl 38.33
in brachio suo formabit lutum et ante pedes suos curvabit virtutem suam
Eccl 38.34
cor suum dabit ut consummet linitionem et vigilia sua mundabit fornacem
Eccl 38.35
omnes hi in manibus suis speraverunt et unusquisque in arte sua sapiens est
Eccl 38.36
sine his omnibus non aedificatur civitas
Eccl 38.37
et non inhabitabunt nec inambulabunt et in ecclesiam non transilient
Eccl 38.38
super sellam iudicis non sedebunt et testamentum iudicii non intellegent neque palam facient disciplinam et iudicium et in parabolis non invenientur
Eccl 38.39
sed creaturam aevi confirmabunt et deprecatio illorum in operatione artis adcommodantes animam suam et conquirentes in lege Altissimi

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages