Eccl 39

Teljes szövegű keresés

Eccl 39
Eccl 39.1
sapientiam omnium antiquorum exquiret et in prophetiis vacabit
Eccl 39.2
narrationem virorum nominatorum conservabit et in versutias parabolarum simul introibit
Eccl 39.3
occulta proverbiorum exquiret et in absconditis parabolarum conversabitur
Eccl 39.4
in medio magnatorum ministrabit et in conspectu praesidis apparebit
Eccl 39.5
in terram alienarum gentium pertransiet bona enim et mala in hominibus temptavit
Eccl 39.6
cor suum tradet ad vigilandum diluculo ad Dominum qui fecit illum et in conspectu Altissimi deprecabitur
Eccl 39.7
aperiet os suum in oratione et pro delictis suis deprecabitur
Eccl 39.8
si enim Dominus magnus voluerit spiritu intellegentiae replebit illum
Eccl 39.9
et ipse tamquam imbres mittet eloquia sapientiae suae et in oratione confitebitur Domino
Eccl 39.10
ipse diriget consilium eius et disciplinam et in absconditis suis consiliabitur
Eccl 39.11
ipse palam faciet disciplinam doctrinae suae et in lege testamenti Domini gloriabitur
Eccl 39.12
conlaudabunt multi sapientiam eius et usque in saeculum non delebitur
Eccl 39.13
non recedet memoria eius et nomen eius requiretur a generatione in generationem
Eccl 39.14
sapientiam eius enarrabunt gentes et laudem eius nuntiabit ecclesia
Eccl 39.15
si inmanserit nomen derelinquet mille et si requieverit proderit illi
Eccl 39.16
adhuc consiliabor ut enarrem ut furore enim repletus sum
Eccl 39.17
in voce dicit obaudite me divini fructus et quasi rosa plantata super rivum aquarum fructificate
Eccl 39.18
quasi libanus odorem suavitatis habete
Eccl 39.19
florete flores quasi lilium date odorem et frondete in gratiam et conlaudate canticum et benedicite Dominum in operibus suis
Eccl 39.20
date nomini eius magnificentiam et confitemini illi in voce labiorum vestrorum in canticis labiorum et cinyris et sic dicetis in confessione
Eccl 39.21
opera Domini universa bona valde
Eccl 39.22
in verbo eius stetit aqua sicut congeries et in sermone oris eius sicut exceptoria aquarum
Eccl 39.23
quoniam in praecepto ipsius placor fit et non est minoratio in salute illius
Eccl 39.24
opera omnis carnis coram illo et non est quicquam absconditum ab oculis eius
Eccl 39.25
a saeculo usque in saeculum respicit et nihil est mirabile in conspectu eius
Eccl 39.26
non est dicere quid est hoc aut quid est illud omnia enim in tempore suo quaerentur
Eccl 39.27
benedictio illius quasi fluvius inundavit
Eccl 39.28
et quomodo cataclysmus aridam inebriavit sic ira ipsius gentes quae non exquisierunt eum hereditabit
Eccl 39.29
quomodo convertit aquas et siccata est terra et viae illius viis illorum directae sunt sic peccatoribus offensiones in ira eius
Eccl 39.30
bona bonis creata sunt ab initio sic nequissimis bona et mala
Eccl 39.31
initium necessariae rei vitae hominum aqua ignis et ferrum lac et panis similagineus et mel et botrus uvae et oleum et vestimentum
Eccl 39.32
haec omnia sanctis in bona sic et impiis et peccatoribus in mala convertentur
Eccl 39.33
sunt spiritus qui ad vindictam creati sunt et in furore suo confirmaverunt tormenta sua
Eccl 39.34
in tempore consummationis effundent virtutem et furorem eius qui fecit illos confundent
Eccl 39.35
ignis grando famis et mors omnia haec ad vindictam creata sunt
Eccl 39.36
bestiarum dentes et scorpii et serpentes et romphea vindicans in exterminium impios
Eccl 39.37
in mandatis eius epulabuntur et super terram in necessitatem praeparabuntur et in temporibus suis non praeterient verbum
Eccl 39.38
propterea ab initio confirmatus et consiliatus sum et cogitavi et in scripta dimisi
Eccl 39.39
omnia opera Domini bona et omne opus hora sua subministrabit
Eccl 39.40
non est dicere hoc illo nequius est omnia enim in tempore suo conprobabuntur
Eccl 39.41
et nunc in omni corde et ore conlaudate et benedicite nomen Domini

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages