Eccl 41

Teljes szövegű keresés

Eccl 41
Eccl 41.1
o mors quam amara est memoria tua homini pacem habenti in substantiis suis
Eccl 41.2
viro quieto et cuius viae directae sunt in omnibus et adhuc valenti accipere cibum
Eccl 41.3
o mors bonum est iudicium tuum homini indigenti et qui minoratur viribus
Eccl 41.4
defecto aetate et cui de omnibus cura est et incredibili qui perdit sapientiam
Eccl 41.5
noli metuere iudicium mortis memento quae ante te fuerunt et quae superventura sunt tibi hoc iudicium a Domino omni carni
Eccl 41.6
et quid superveniet in beneplacita Altissimi sive decem sive centum sive mille anni
Eccl 41.7
non est enim in inferno accusatio vitae
Eccl 41.8
filii abominationum fiunt filii peccatorum et qui conversantur secus domos impiorum
Eccl 41.9
filiorum peccatorum periet hereditas et cum semine illorum adsiduitas obprobrii
Eccl 41.10
de patre impio queruntur filii quoniam propter illum sunt in obprobrio
Eccl 41.11
vae vobis viri impii qui dereliquistis legem Domini altissimi
Eccl 41.12
et si nati fueritis in maledictione nascemini et si mortui fueritis in maledictione erit pars vestra
Eccl 41.13
omnia quae de terra sunt in terram convertentur sic impii a maledicto in perditionem
Eccl 41.14
luctus hominum in corpore ipsorum nomen autem impiorum delebitur
Eccl 41.15
curam habe de bono nomine hoc enim magis permanebit tibi quam mille thesauri magni pretiosi
Eccl 41.16
bonae vitae numerus dierum bonum autem nomen permanebit in aevo
Eccl 41.17
disciplinam in pace conservate filii sapientia enim abscondita et thesaurus occultus quae utilitas in utrisque
Eccl 41.18
melior est homo qui abscondit stultitiam suam quam homo qui abscondit sapientiam suam
Eccl 41.19
verumtamen reveremini in his quae procedunt de ore meo
Eccl 41.20
non est enim bonum omnem inreverentiam observare et non omnia omnibus beneplacent in fide
Eccl 41.21
erubescite matrem et patrem de fornicatione et a praesidente et potente de mendacio
Eccl 41.22
a principe et iudice de delicto a synagoga et plebe de iniquitate
Eccl 41.23
a socio et amico de iniustitia de loco in quo habitas
Eccl 41.24
de furto de veritate Dei et testamento de discubitu in panibus et ab offuscatione dati et accepti
Eccl 41.25
a salutantibus de silentio a respectu mulieris fornicariae et ab aversione vultus cognati
Eccl 41.26
ne avertas faciem a proximo tuo ab auferendo partem et non restituendo
Eccl 41.27
ne respicias mulierem alieni viri et ne scruteris ancillam eius neque steteris ad lectum eius
Eccl 41.28
ab amicis de sermonibus inproperii et cum dederis ne inproperes

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages