Eccl 46

Teljes szövegű keresés

Eccl 46
Eccl 46.1
fortis in bello Iesus Nave successor Mosi in prophetis qui fuit magnus secundum nomen suum
Eccl 46.2
maximus in salutem electorum Dei expugnare insurgentes hostes ut consequeretur hereditatem Israhel
Eccl 46.3
quam gloriam adeptus est in tollendo manus suas et iactando contra civitatem rompheas
Eccl 46.4
quis ante illum sic restitit nam hostes ipse Dominus perduxit
Eccl 46.5
aut non in iracundia eius inpeditus est sol et una dies facta est quasi duo
Eccl 46.6
invocavit Altissimum potentem in obpugnando inimicos undique et audivit illum magnus et sanctus Deus in saxis grandinis virtutis valde fortis
Eccl 46.7
impetum fecit contra gentem hostilem et in descensu perdidit contrarios
Eccl 46.8
ut cognoscant gentes potentiam eius quia contra Dominum pugnare non est facile et secutus est a tergo potentes
Eccl 46.9
et in diebus Mosi misericordiam fecit ipse et Chaleb filius Iepphonne stare contra hostem prohibere gentem a peccatis et perfringere murmur malitiae
Eccl 46.10
et ipsi duo constituti a periculo liberati sunt a numero sescentorum milium peditum inducere illos in hereditatem in terram quae manat lac et mel
Eccl 46.11
et dedit Dominus ipsi Chaleb fortitudinem et usque ad senectutem permansit illi virtus ut ascenderet in excelsum terrae locum et semen ipsius obtinuit hereditatem
Eccl 46.12
ut viderent omnes filii Israhel quod bonum est obsequi sancto Deo
Eccl 46.13
et iudices singuli suo nomine quorum non est corruptum cor qui non aversi sunt a Domino
Eccl 46.14
ut sit memoria illorum in benedictione et ossa eorum pullulent de loco suo
Eccl 46.15
et nomen eorum permanet in aeternum permanens ad filios illorum sanctorum virorum gloria
Eccl 46.16
dilectus a Domino suo Samuhel propheta Domini renovavit imperium et unxit principes in gente sua
Eccl 46.17
in lege Domini iudicavit congregationem et vidit Dominus Iacob et in fide sua probatus est propheta
Eccl 46.18
et cognitus est in verbis suis fidelis quia vidit Deum lucis
Eccl 46.19
et invocavit Deum potentem in obpugnando hostes circumstantes undique in oblatione viri inviolati
Eccl 46.20
et intonuit e caelo Dominus et in sonitu magno auditam fecit vocem suam
Eccl 46.21
et conteruit principes Tyriorum et omnes duces Philisthim
Eccl 46.22
et ante tempus finis vitae suae et saeculi testimonium praebuit in conspectu Domini et christi pecunias et usque ad calciamenta ab omni carne non accepit et non accusavit illum homo
Eccl 46.23
et post hoc dormivit et notum fecit regi et ostendit illi finem vitae suae et exaltavit vocem eius de terra in prophetia delere impietatem gentis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages