Eccl 47

Teljes szövegű keresés

Eccl 47
Eccl 47.1
post hoc surrexit Nathan propheta in diebus David
Eccl 47.2
et quasi adeps separatus est a carne sic David a filiis Israhel
Eccl 47.3
cum leonibus lusit quasi cum agnis et in ursis similiter fecit sicut cum agnis ovium in iuventute sua
Eccl 47.4
numquid non occidit gigantem et extulit obprobrium de gente
Eccl 47.5
in tollendo manum in saxo fundae deiecit exultationem Goliae
Eccl 47.6
ubi invocavit Dominum potentem et dedit in dexteram eius tollere hominem fortem in bello et exaltare cornum gentis suae
Eccl 47.7
sic in milibus glorificavit illum et laudavit eum in benedictionibus Domini in offerendo illi coronam gloriae
Eccl 47.8
conteruit enim inimicos undique et extirpavit Philisthim contrarios usque in hodiernum diem conteruit cornum ipsorum usque in aeternum
Eccl 47.9
in omni opere dedit confessionem Sancto et Excelso in verbo gloriae
Eccl 47.10
de omni corde suo laudavit Dominum et dilexit Deum qui fecit illum et dedit illi contra inimicos potentiam
Eccl 47.11
et stare fecit cantores contra altarium et in sono eorum dulces fecit modos
Eccl 47.12
et dedit in celebrationibus decus et ornavit tempora usque ad consummationem vitae ut laudarent sanctum nomen Domini et amplificarent mane Dei sanctitatem
Eccl 47.13
Christus purgavit peccata ipsius et exaltavit in aeternum cornum ipsius et dedit illi testamentum regum et sedem gloriae in Israhel
Eccl 47.14
post ipsum surrexit filius sensatus et propter illum deiecit omnem potentiam inimicorum
Eccl 47.15
Salomon imperavit in diebus pacis cui subiecit Deus omnes hostes ut conderet domum in nomine suo et pararet sanctitatem in sempiternum quemadmodum eruditus est in iuventute sua
Eccl 47.16
et impletus est quasi flumen sapientia et terram retexit anima tua
Eccl 47.17
et replesti in conparationibus enigmata ad insulas longe distulisti nomen tuum et dilectus es in pace tua
Eccl 47.18
in cantilenis et proverbiis et conparationibus et interpretationibus miratae sunt te terrae
Eccl 47.19
et in nomine Domini Dei cui est cognomen Deus Israhel
Eccl 47.20
collegisti quasi auricalcum aurum et ut plumbum conplesti argentum
Eccl 47.21
et reclinasti femora tua mulieribus potestatem habuisti in tuo corpore
Eccl 47.22
dedisti maculam in gloria tua et profugasti semen tuum inducere iracundiam ad liberos tuos et incitari stultitiam tuam
Eccl 47.23
ut faceres imperium bipertitum et ex Efraim imperare imperium durum
Eccl 47.24
Deus autem non relinquit misericordiam suam et non corrumpit nec delebit opera sua neque perdet ab stirpe nepotes electi sui et semen eius qui diligit Dominum non corrumpet
Eccl 47.25
dedit autem reliquum Iacob et David de ipsa stirpe
Eccl 47.26
et finem habuit Salomon cum patribus suis
Eccl 47.27
et reliquit post se de semine suo gentis stultitiam
Eccl 47.28
et mutum prudentia Roboam qui avertit gentem consilio suo
Eccl 47.29
et Hieroboam filium Nabath qui peccare fecit Israhel et dedit Efraim viam peccandi et plurima redundaverunt peccata ipsorum
Eccl 47.30
valde averterunt illos a terra sua
Eccl 47.31
et quaesivit omnes nequitias usque dum perveniret ad illos defensio et ab omnibus peccatis liberavit eos

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages