Eccl 8

Teljes szövegű keresés

Eccl 8
Eccl 8.1
non litiges cum homine potente ne forte incidas in manus illius
Eccl 8.2
non contendas cum viro locuplete ne forte contra consistat litem tibi
Eccl 8.3
multos perdidit aurum atque argentum et usque cor regum extendit et convertit
Eccl 8.4
non litiges cum homine linguato et non strues in igne illius ligna
Eccl 8.5
non communices homini indocto ne male de progenie tua loquatur
Eccl 8.6
ne despicias hominem avertentem se a peccato neque inproperes ei memento quoniam omnes sumus in correptionem
Eccl 8.7
ne spernas hominem in sua senecta etenim ex nobis senescunt
Eccl 8.8
noli de mortuo gaudere sciens quoniam omnes morimur et in gaudium nolumus venire
Eccl 8.9
ne despicias narrationem presbyterorum sapientium et in proverbiis illorum conversare
Eccl 8.10
ab ipsis enim disces doctrinam intellectus et servire magnatis sine querella
Eccl 8.11
non te praetereat narratio seniorum et ipsi enim didicerunt a patribus suis
Eccl 8.12
quoniam ab ipsis disces intellectum et in tempore necessitatis responsum
Eccl 8.13
non incendas carbones peccatoris arguens eos ne incendaris flamma ignis peccatorum illorum
Eccl 8.14
ne contra faciem stes contumeliosi ne sedeat quasi insidiator ori tuo
Eccl 8.15
noli fenerare homini fortiori te quod si feneraveris tamquam perditum habe
Eccl 8.16
non spondeas super virtutem tuam quod si spoponderis quasi restituens cogita
Eccl 8.17
non iudices contra iudicem quoniam secundum quod dignum est iudicat
Eccl 8.18
cum audace non eas in via ne forte gravet mala sua in te ipse enim secundum voluntatem suam vadit et simul cum stultitia illius peries
Eccl 8.19
cum iracundo non facias rixam cum audace non eas in desertum quoniam quasi nihil est ante illum sanguis et ubi non est adiutorium elidet te
Eccl 8.20
cum fatuis ne consilium habeas non enim poterunt diligere nisi quae ipsis placent
Eccl 8.21
coram extraneo ne facias consilium nescis enim quid pariet
Eccl 8.22
non omni homini cor tuum manifestes ne forte inferat tibi gratiam et convicietur tibi

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages