Eccl 9

Teljes szövegű keresés

Eccl 9
Eccl 9.1
non zeles mulierem sinus tui ne ostendas super te malitiam doctrinae nequam
Eccl 9.2
non des mulieri potestatem animae tuae ne ingrediatur in virtute tua et confundaris
Eccl 9.3
ne respicias mulierem multivolam ne forte incidas in laqueos illius
Eccl 9.4
cum psaltrice ne adsiduus sis nec audias illam ne forte pereas in efficacia illius
Eccl 9.5
virginem ne conspicias ne forte scandalizeris in decore illius
Eccl 9.6
non des fornicariis animam tuam in nullo ne perdas te et hereditatem tuam
Eccl 9.7
noli conspicere in vicis civitatis nec oberraveris in plateis illius
Eccl 9.8
averte faciem tuam a muliere compta et non circumspicias speciem alienam
Eccl 9.9
propter speciem mulieris multi perierunt et ex hoc concupiscentia quasi ignis exardescit
Eccl 9.10
omnis mulier quae est fornicaria quasi stercus in via conculcatur
Eccl 9.11
speciem mulieris alienae multi admirati reprobi facti sunt conloquium enim illius quasi ignis exardescit
Eccl 9.12
cum aliena muliere non accumbas super cubitum cum aliena muliere ne sedeas omnino nec accumbas cum ea super cubitum
Eccl 9.13
et non alterceris cum ea in vino ne forte declinet cor tuum in illa et sanguine tuo labaris in perditionem
Eccl 9.14
ne derelinquas amicum antiquum novus enim non erit similis illi
Eccl 9.15
vinum novum amicus novus veterescat et cum suavitate bibes illud
Eccl 9.16
non zeles gloriam et opes peccatoris non enim scis quae futura sit illius subversio
Eccl 9.17
non placeat tibi iniuria iniustorum sciens quoniam usque ad inferos non placebit impius
Eccl 9.18
longe abesto ab homine potestatem habente occidendi et non suspicaberis timorem mortis
Eccl 9.19
et si accesseris ad illum noli aliquid committere ne forte auferat vitam tuam
Eccl 9.20
communionem mortis scito quoniam in medium laqueorum ingredieris et super dolentium arma ambulabis
Eccl 9.21
secundum virtutem tuam cave te a proximo et cum sapientibus et prudentibus tracta
Eccl 9.22
viri iusti sint tibi convivae et in timore Dei sit gloriatio tibi
Eccl 9.23
et in sensu sit tibi cogitatus et omnis narratio tua in praeceptis Altissimi
Eccl 9.24
in manus artificum opera laudabitur et princeps populi in sapientia sermonis sui in sensu vero seniorum verbum
Eccl 9.25
terribilis est in civitate sua homo linguosus et temerarius in verbo suo odibilis erit

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages