Am 6

Teljes szövegű keresés

Am 6
Am 6.1
vae qui opulenti estis in Sion et confiditis in monte Samariae optimates capita populorum ingredientes pompatice domum Israhel
Am 6.2
transite in Chalanne et videte et ite inde in Emath magnam et descendite in Geth Palestinorum et ad optima quaeque regna horum si latior terminus eorum termino vestro est
Am 6.3
qui separati estis in diem malum et adpropinquatis solio iniquitatis
Am 6.4
qui dormitis in lectis eburneis et lascivitis in stratis vestris qui comeditis agnum de grege et vitulos de medio armenti
Am 6.5
qui canitis ad vocem psalterii sicut David putaverunt se habere vasa cantici
Am 6.6
bibentes in fialis vinum et optimo unguento delibuti et nihil patiebantur super contritione Ioseph
Am 6.7
quapropter nunc migrabunt in capite transmigrantium et auferetur factio lascivientium
Am 6.8
iuravit Dominus Deus in anima sua dicit Dominus Deus exercituum detestor ego superbiam Iacob et domos eius odi et tradam civitatem cum habitatoribus suis
Am 6.9
quod si reliqui fuerint decem viri in domo una et ipsi morientur
Am 6.10
et tollet eum propinquus suus et conburet eum ut efferat ossa de domo et dicet ei qui in penetrabilibus domus est numquid adhuc est apud te
Am 6.11
et respondebit finis est et dicet ei tace et non recorderis nominis Domini
Am 6.12
quia ecce Dominus mandabit et percutiet domum maiorem ruinis et domum minorem scissionibus
Am 6.13
numquid currere queunt in petris equi aut arari potest in bubalis quoniam convertistis in amaritudinem iudicium et fructum iustitiae in absinthium
Am 6.14
qui laetamini in nihili qui dicitis numquid non in fortitudine nostra adsumpsimus nobis cornua
Am 6.15
ecce enim suscitabo super vos domus Israhel dicit Dominus Deus exercituum gentem et conterent vos ab introitu Emath usque ad torrentem Deserti

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages