Mc 1

Teljes szövegű keresés

Mc 1
Mc 1.1
initium evangelii Iesu Christi Filii Dei
Mc 1.2
sicut scriptum est in Esaia propheta ecce mitto angelum meum ante faciem tuam qui praeparabit viam tuam
Mc 1.3
vox clamantis in deserto parate viam Domini rectas facite semitas eius
Mc 1.4
fuit Iohannes in deserto baptizans et praedicans baptismum paenitentiae in remissionem peccatorum
Mc 1.5
et egrediebatur ad illum omnis Iudaeae regio et Hierosolymitae universi et baptizabantur ab illo in Iordane flumine confitentes peccata sua
Mc 1.6
et erat Iohannes vestitus pilis cameli et zona pellicia circa lumbos eius et lucustas et mel silvestre edebat
Mc 1.7
et praedicabat dicens venit fortior me post me cuius non sum dignus procumbens solvere corrigiam calciamentorum eius
Mc 1.8
ego baptizavi vos aqua ille vero baptizabit vos Spiritu Sancto
Mc 1.9
et factum est in diebus illis venit Iesus a Nazareth Galilaeae et baptizatus est in Iordane ab Iohanne
Mc 1.10
et statim ascendens de aqua vidit apertos caelos et Spiritum tamquam columbam descendentem et manentem in ipso
Mc 1.11
et vox facta est de caelis tu es Filius meus dilectus in te conplacui
Mc 1.12
et statim Spiritus expellit eum in desertum
Mc 1.13
et erat in deserto quadraginta diebus et quadraginta noctibus et temptabatur a Satana eratque cum bestiis et angeli ministrabant illi
Mc 1.14
postquam autem traditus est Iohannes venit Iesus in Galilaeam praedicans evangelium regni Dei
Mc 1.15
et dicens quoniam impletum est tempus et adpropinquavit regnum Dei paenitemini et credite evangelio
Mc 1.16
et praeteriens secus mare Galilaeae vidit Simonem et Andream fratrem eius mittentes retia in mare erant enim piscatores
Mc 1.17
et dixit eis Iesus venite post me et faciam vos fieri piscatores hominum
Mc 1.18
et protinus relictis retibus secuti sunt eum
Mc 1.19
et progressus inde pusillum vidit Iacobum Zebedaei et Iohannem fratrem eius et ipsos in navi conponentes retia
Mc 1.20
et statim vocavit illos et relicto patre suo Zebedaeo in navi cum mercennariis secuti sunt eum
Mc 1.21
et ingrediuntur Capharnaum et statim sabbatis ingressus synagogam docebat eos
Mc 1.22
et stupebant super doctrina eius erat enim docens eos quasi potestatem habens et non sicut scribae
Mc 1.23
et erat in synagoga eorum homo in spiritu inmundo et exclamavit
Mc 1.24
dicens quid nobis et tibi Iesu Nazarene venisti perdere nos scio qui sis Sanctus Dei
Mc 1.25
et comminatus est ei Iesus dicens obmutesce et exi de homine
Mc 1.26
et discerpens eum spiritus inmundus et exclamans voce magna exivit ab eo
Mc 1.27
et mirati sunt omnes ita ut conquirerent inter se dicentes quidnam est hoc quae doctrina haec nova quia in potestate et spiritibus inmundis imperat et oboediunt ei
Mc 1.28
et processit rumor eius statim in omnem regionem Galilaeae
Mc 1.29
et protinus egredientes de synagoga venerunt in domum Simonis et Andreae cum Iacobo et Iohanne
Mc 1.30
decumbebat autem socrus Simonis febricitans et statim dicunt ei de illa
Mc 1.31
et accedens elevavit eam adprehensa manu eius et continuo dimisit eam febris et ministrabat eis
Mc 1.32
vespere autem facto cum occidisset sol adferebant ad eum omnes male habentes et daemonia habentes
Mc 1.33
et erat omnis civitas congregata ad ianuam
Mc 1.34
et curavit multos qui vexabantur variis languoribus et daemonia multa eiciebat et non sinebat loqui ea quoniam sciebant eum
Mc 1.35
et diluculo valde surgens egressus abiit in desertum locum ibique orabat
Mc 1.36
et persecutus est eum Simon et qui cum illo erant
Mc 1.37
et cum invenissent eum dixerunt ei quia omnes quaerunt te
Mc 1.38
et ait illis eamus in proximos vicos et civitates ut et ibi praedicem ad hoc enim veni
Mc 1.39
et erat praedicans in synagogis eorum et omni Galilaea et daemonia eiciens
Mc 1.40
et venit ad eum leprosus deprecans eum et genu flexo dixit si vis potes me mundare
Mc 1.41
Iesus autem misertus eius extendit manum suam et tangens eum ait illi volo mundare
Mc 1.42
et cum dixisset statim discessit ab eo lepra et mundatus est
Mc 1.43
et comminatus ei statim eiecit illum
Mc 1.44
et dicit ei vide nemini dixeris sed vade ostende te principi sacerdotum et offer pro emundatione tua quae praecepit Moses in testimonium illis
Mc 1.45
at ille egressus coepit praedicare et diffamare sermonem ita ut iam non posset manifeste in civitatem introire sed foris in desertis locis esse et conveniebant ad eum undique

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages