Lc 14

Teljes szövegű keresés

Lc 14
Lc 14.1
et factum est cum intraret in domum cuiusdam principis Pharisaeorum sabbato manducare panem et ipsi observabant eum
Lc 14.2
et ecce homo quidam hydropicus erat ante illum
Lc 14.3
et respondens Iesus dixit ad legis peritos et Pharisaeos dicens si licet sabbato curare
Lc 14.4
at illi tacuerunt ipse vero adprehensum sanavit eum ac dimisit
Lc 14.5
et respondens ad illos dixit cuius vestrum asinus aut bos in puteum cadet et non continuo extrahet illum die sabbati
Lc 14.6
et non poterant ad haec respondere illi
Lc 14.7
dicebat autem et ad invitatos parabolam intendens quomodo primos accubitus eligerent dicens ad illos
Lc 14.8
cum invitatus fueris ad nuptias non discumbas in primo loco ne forte honoratior te sit invitatus ab eo
Lc 14.9
et veniens is qui te et illum vocavit dicat tibi da huic locum et tunc incipias cum rubore novissimum locum tenere
Lc 14.10
sed cum vocatus fueris vade recumbe in novissimo loco ut cum venerit qui te invitavit dicat tibi amice ascende superius tunc erit tibi gloria coram simul discumbentibus
Lc 14.11
quia omnis qui se exaltat humiliabitur et qui se humiliat exaltabitur
Lc 14.12
dicebat autem et ei qui se invitaverat cum facis prandium aut cenam noli vocare amicos tuos neque fratres tuos neque cognatos neque vicinos divites ne forte et ipsi te reinvitent et fiat tibi retributio
Lc 14.13
sed cum facis convivium voca pauperes debiles claudos caecos
Lc 14.14
et beatus eris quia non habent retribuere tibi retribuetur enim tibi in resurrectione iustorum
Lc 14.15
haec cum audisset quidam de simul discumbentibus dixit illi beatus qui manducabit panem in regno Dei
Lc 14.16
at ipse dixit ei homo quidam fecit cenam magnam et vocavit multos
Lc 14.17
et misit servum suum hora cenae dicere invitatis ut venirent quia iam parata sunt omnia
Lc 14.18
et coeperunt simul omnes excusare primus dixit ei villam emi et necesse habeo exire et videre illam rogo te habe me excusatum
Lc 14.19
et alter dixit iuga boum emi quinque et eo probare illa rogo te habe me excusatum
Lc 14.20
et alius dixit uxorem duxi et ideo non possum venire
Lc 14.21
et reversus servus nuntiavit haec domino suo tunc iratus pater familias dixit servo suo exi cito in plateas et vicos civitatis et pauperes ac debiles et caecos et claudos introduc huc
Lc 14.22
et ait servus domine factum est ut imperasti et adhuc locus est
Lc 14.23
et ait dominus servo exi in vias et sepes et conpelle intrare ut impleatur domus mea
Lc 14.24
dico autem vobis quod nemo virorum illorum qui vocati sunt gustabit cenam meam
Lc 14.25
ibant autem turbae multae cum eo et conversus dixit ad illos
Lc 14.26
si quis venit ad me et non odit patrem suum et matrem et uxorem et filios et fratres et sorores adhuc autem et animam suam non potest esse meus discipulus
Lc 14.27
et qui non baiulat crucem suam et venit post me non potest esse meus discipulus
Lc 14.28
quis enim ex vobis volens turrem aedificare non prius sedens conputat sumptus qui necessarii sunt si habet ad perficiendum
Lc 14.29
ne posteaquam posuerit fundamentum et non potuerit perficere omnes qui vident incipiant inludere ei
Lc 14.30
dicentes quia hic homo coepit aedificare et non potuit consummare
Lc 14.31
aut qui rex iturus committere bellum adversus alium regem non sedens prius cogitat si possit cum decem milibus occurrere ei qui cum viginti milibus venit ad se
Lc 14.32
alioquin adhuc illo longe agente legationem mittens rogat ea quae pacis sunt
Lc 14.33
sic ergo omnis ex vobis qui non renuntiat omnibus quae possidet non potest meus esse discipulus
Lc 14.34
bonum est sal si autem sal quoque evanuerit in quo condietur
Lc 14.35
neque in terram neque in sterquilinium utile est sed foras mittetur qui habet aures audiendi audiat

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages