Lc 17

Teljes szövegű keresés

Lc 17
Lc 17.1
et ad discipulos suos ait inpossibile est ut non veniant scandala vae autem illi per quem veniunt
Lc 17.2
utilius est illi si lapis molaris inponatur circa collum eius et proiciatur in mare quam ut scandalizet unum de pusillis istis
Lc 17.3
adtendite vobis si peccaverit frater tuus increpa illum et si paenitentiam egerit dimitte illi
Lc 17.4
et si septies in die peccaverit in te et septies in die conversus fuerit ad te dicens paenitet me dimitte illi
Lc 17.5
et dixerunt apostoli Domino adauge nobis fidem
Lc 17.6
dixit autem Dominus si haberetis fidem sicut granum sinapis diceretis huic arbori moro eradicare et transplantare in mare et oboediret vobis
Lc 17.7
quis autem vestrum habens servum arantem aut pascentem qui regresso de agro dicet illi statim transi recumbe
Lc 17.8
et non dicet ei para quod cenem et praecinge te et ministra mihi donec manducem et bibam et post haec tu manducabis et bibes
Lc 17.9
numquid gratiam habet servo illi quia fecit quae sibi imperaverat non puto
Lc 17.10
sic et vos cum feceritis omnia quae praecepta sunt vobis dicite servi inutiles sumus quod debuimus facere fecimus
Lc 17.11
et factum est dum iret in Hierusalem transiebat per mediam Samariam et Galilaeam
Lc 17.12
et cum ingrederetur quoddam castellum occurrerunt ei decem viri leprosi qui steterunt a longe
Lc 17.13
et levaverunt vocem dicentes Iesu praeceptor miserere nostri
Lc 17.14
quos ut vidit dixit ite ostendite vos sacerdotibus et factum est dum irent mundati sunt
Lc 17.15
unus autem ex illis ut vidit quia mundatus est regressus est cum magna voce magnificans Deum
Lc 17.16
et cecidit in faciem ante pedes eius gratias agens et hic erat Samaritanus
Lc 17.17
respondens autem Iesus dixit nonne decem mundati sunt et novem ubi sunt
Lc 17.18
non est inventus qui rediret et daret gloriam Deo nisi hic alienigena
Lc 17.19
et ait illi surge vade quia fides tua te salvum fecit
Lc 17.20
interrogatus autem a Pharisaeis quando venit regnum Dei respondit eis et dixit non venit regnum Dei cum observatione
Lc 17.21
neque dicent ecce hic aut ecce illic ecce enim regnum Dei intra vos est
Lc 17.22
et ait ad discipulos venient dies quando desideretis videre unum diem Filii hominis et non videbitis
Lc 17.23
et dicent vobis ecce hic ecce illic nolite ire neque sectemini
Lc 17.24
nam sicut fulgur coruscans de sub caelo in ea quae sub caelo sunt fulget ita erit Filius hominis in die sua
Lc 17.25
primum autem oportet illum multa pati et reprobari a generatione hac
Lc 17.26
et sicut factum est in diebus Noe ita erit et in diebus Filii hominis
Lc 17.27
edebant et bibebant uxores ducebant et dabantur ad nuptias usque in diem qua intravit Noe in arcam et venit diluvium et perdidit omnes
Lc 17.28
similiter sicut factum est in diebus Loth edebant et bibebant emebant et vendebant plantabant aedificabant
Lc 17.29
qua die autem exiit Loth a Sodomis pluit ignem et sulphur de caelo et omnes perdidit
Lc 17.30
secundum haec erit qua die Filius hominis revelabitur
Lc 17.31
in illa hora qui fuerit in tecto et vasa eius in domo ne descendat tollere illa et qui in agro similiter non redeat retro
Lc 17.32
memores estote uxoris Loth
Lc 17.33
quicumque quaesierit animam suam salvare perdet illam et qui perdiderit illam vivificabit eam
Lc 17.34
dico vobis illa nocte erunt duo in lecto uno unus adsumetur et alter relinquetur
Lc 17.35
duae erunt molentes in unum una adsumetur et altera relinquetur duo in agro unus adsumetur et alter relinquetur
Lc 17.36
respondentes dicunt illi ubi Domine
Lc 17.37
qui dixit eis ubicumque fuerit corpus illuc congregabuntur aquilae

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages