Jo 10

Teljes szövegű keresés

Jo 10
Jo 10.1
amen amen dico vobis qui non intrat per ostium in ovile ovium sed ascendit aliunde ille fur est et latro
Jo 10.2
qui autem intrat per ostium pastor est ovium
Jo 10.3
huic ostiarius aperit et oves vocem eius audiunt et proprias oves vocat nominatim et educit eas
Jo 10.4
et cum proprias oves emiserit ante eas vadit et oves illum sequuntur quia sciunt vocem eius
Jo 10.5
alienum autem non sequuntur sed fugient ab eo quia non noverunt vocem alienorum
Jo 10.6
hoc proverbium dixit eis Iesus illi autem non cognoverunt quid loqueretur eis
Jo 10.7
dixit ergo eis iterum Iesus amen amen dico vobis quia ego sum ostium ovium
Jo 10.8
omnes quotquot venerunt fures sunt et latrones sed non audierunt eos oves
Jo 10.9
ego sum ostium per me si quis introierit salvabitur et ingredietur et egredietur et pascua inveniet
Jo 10.10
fur non venit nisi ut furetur et mactet et perdat ego veni ut vitam habeant et abundantius habeant
Jo 10.11
ego sum pastor bonus bonus pastor animam suam dat pro ovibus
Jo 10.12
mercennarius et qui non est pastor cuius non sunt oves propriae videt lupum venientem et dimittit oves et fugit et lupus rapit et dispergit oves
Jo 10.13
mercennarius autem fugit quia mercennarius est et non pertinet ad eum de ovibus
Jo 10.14
ego sum pastor bonus et cognosco meas et cognoscunt me meae
Jo 10.15
sicut novit me Pater et ego agnosco Patrem et animam meam pono pro ovibus
Jo 10.16
et alias oves habeo quae non sunt ex hoc ovili et illas oportet me adducere et vocem meam audient et fiet unum ovile unus pastor
Jo 10.17
propterea me Pater diligit quia ego pono animam meam ut iterum sumam eam
Jo 10.18
nemo tollit eam a me sed ego pono eam a me ipso potestatem habeo ponendi eam et potestatem habeo iterum sumendi eam hoc mandatum accepi a Patre meo
Jo 10.19
dissensio iterum facta est inter Iudaeos propter sermones hos
Jo 10.20
dicebant autem multi ex ipsis daemonium habet et insanit quid eum auditis
Jo 10.21
alii dicebant haec verba non sunt daemonium habentis numquid daemonium potest caecorum oculos aperire
Jo 10.22
facta sunt autem encenia in Hierosolymis et hiemps erat
Jo 10.23
et ambulabat Iesus in templo in porticu Salomonis
Jo 10.24
circumdederunt ergo eum Iudaei et dicebant ei quousque animam nostram tollis si tu es Christus dic nobis palam
Jo 10.25
respondit eis Iesus loquor vobis et non creditis opera quae ego facio in nomine Patris mei haec testimonium perhibent de me
Jo 10.26
sed vos non creditis quia non estis ex ovibus meis
Jo 10.27
oves meae vocem meam audiunt et ego cognosco eas et sequuntur me
Jo 10.28
et ego vitam aeternam do eis et non peribunt in aeternum et non rapiet eas quisquam de manu mea
Jo 10.29
Pater meus quod dedit mihi maius omnibus est et nemo potest rapere de manu Patris mei
Jo 10.30
ego et Pater unum sumus
Jo 10.31
sustulerunt lapides Iudaei ut lapidarent eum
Jo 10.32
respondit eis Iesus multa opera bona ostendi vobis ex Patre meo propter quod eorum opus me lapidatis
Jo 10.33
responderunt ei Iudaei de bono opere non lapidamus te sed de blasphemia et quia tu homo cum sis facis te ipsum Deum
Jo 10.34
respondit eis Iesus nonne scriptum est in lege vestra quia ego dixi dii estis
Jo 10.35
si illos dixit deos ad quos sermo Dei factus est et non potest solvi scriptura
Jo 10.36
quem Pater sanctificavit et misit in mundum vos dicitis quia blasphemas quia dixi Filius Dei sum
Jo 10.37
si non facio opera Patris mei nolite credere mihi
Jo 10.38
si autem facio et si mihi non vultis credere operibus credite ut cognoscatis et credatis quia in me est Pater et ego in Patre
Jo 10.39
quaerebant ergo eum prendere et exivit de manibus eorum
Jo 10.40
et abiit iterum trans Iordanen in eum locum ubi erat Iohannes baptizans primum et mansit illic
Jo 10.41
et multi venerunt ad eum et dicebant quia Iohannes quidem signum fecit nullum
Jo 10.42
omnia autem quaecumque dixit Iohannes de hoc vera erant et multi crediderunt in eum

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages