Jo 17

Teljes szövegű keresés

Jo 17
Jo 17.1
haec locutus est Iesus et sublevatis oculis in caelum dixit Pater venit hora clarifica Filium tuum ut Filius tuus clarificet te
Jo 17.2
sicut dedisti ei potestatem omnis carnis ut omne quod dedisti ei det eis vitam aeternam
Jo 17.3
haec est autem vita aeterna ut cognoscant te solum verum Deum et quem misisti Iesum Christum
Jo 17.4
ego te clarificavi super terram opus consummavi quod dedisti mihi ut faciam
Jo 17.5
et nunc clarifica me tu Pater apud temet ipsum claritatem quam habui priusquam mundus esset apud te
Jo 17.6
manifestavi nomen tuum hominibus quos dedisti mihi de mundo tui erant et mihi eos dedisti et sermonem tuum servaverunt
Jo 17.7
nunc cognoverunt quia omnia quae dedisti mihi abs te sunt
Jo 17.8
quia verba quae dedisti mihi dedi eis et ipsi acceperunt et cognoverunt vere quia a te exivi et crediderunt quia tu me misisti
Jo 17.9
ego pro eis rogo non pro mundo rogo sed pro his quos dedisti mihi quia tui sunt
Jo 17.10
et mea omnia tua sunt et tua mea sunt et clarificatus sum in eis
Jo 17.11
et iam non sum in mundo et hii in mundo sunt et ego ad te venio Pater sancte serva eos in nomine tuo quos dedisti mihi ut sint unum sicut et nos
Jo 17.12
cum essem cum eis ego servabam eos in nomine tuo quos dedisti mihi custodivi et nemo ex his perivit nisi filius perditionis ut scriptura impleatur
Jo 17.13
nunc autem ad te venio et haec loquor in mundo ut habeant gaudium meum impletum in semet ipsis
Jo 17.14
ego dedi eis sermonem tuum et mundus odio eos habuit quia non sunt de mundo sicut et ego non sum de mundo
Jo 17.15
non rogo ut tollas eos de mundo sed ut serves eos ex malo
Jo 17.16
de mundo non sunt sicut et ego non sum de mundo
Jo 17.17
sanctifica eos in veritate sermo tuus veritas est
Jo 17.18
sicut me misisti in mundum et ego misi eos in mundum
Jo 17.19
et pro eis ego sanctifico me ipsum ut sint et ipsi sanctificati in veritate
Jo 17.20
non pro his autem rogo tantum sed et pro eis qui credituri sunt per verbum eorum in me
Jo 17.21
ut omnes unum sint sicut tu Pater in me et ego in te ut et ipsi in nobis unum sint ut mundus credat quia tu me misisti
Jo 17.22
et ego claritatem quam dedisti mihi dedi eis ut sint unum sicut nos unum sumus
Jo 17.23
ego in eis et tu in me ut sint consummati in unum et cognoscat mundus quia tu me misisti et dilexisti eos sicut me dilexisti
Jo 17.24
Pater quos dedisti mihi volo ut ubi ego sum et illi sint mecum ut videant claritatem meam quam dedisti mihi quia dilexisti me ante constitutionem mundi
Jo 17.25
Pater iuste et mundus te non cognovit ego autem te cognovi et hii cognoverunt quia tu me misisti
Jo 17.26
et notum feci eis nomen tuum et notum faciam ut dilectio qua dilexisti me in ipsis sit et ego in ipsis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages