Jo 9

Teljes szövegű keresés

Jo 9
Jo 9.1
et praeteriens vidit hominem caecum a nativitate
Jo 9.2
et interrogaverunt eum discipuli sui rabbi quis peccavit hic aut parentes eius ut caecus nasceretur
Jo 9.3
respondit Iesus neque hic peccavit neque parentes eius sed ut manifestetur opera Dei in illo
Jo 9.4
me oportet operari opera eius qui misit me donec dies est venit nox quando nemo potest operari
Jo 9.5
quamdiu in mundo sum lux sum mundi
Jo 9.6
haec cum dixisset expuit in terram et fecit lutum ex sputo et linuit lutum super oculos eius
Jo 9.7
et dixit ei vade lava in natatoria Siloae quod interpretatur Missus abiit ergo et lavit et venit videns
Jo 9.8
itaque vicini et qui videbant eum prius quia mendicus erat dicebant nonne hic est qui sedebat et mendicabat alii dicebant quia hic est
Jo 9.9
alii autem nequaquam sed similis est eius ille dicebat quia ego sum
Jo 9.10
dicebant ergo ei quomodo aperti sunt oculi tibi
Jo 9.11
respondit ille homo qui dicitur Iesus lutum fecit et unxit oculos meos et dixit mihi vade ad natatoriam Siloae et lava et abii et lavi et vidi
Jo 9.12
dixerunt ei ubi est ille ait nescio
Jo 9.13
adducunt eum ad Pharisaeos qui caecus fuerat
Jo 9.14
erat autem sabbatum quando lutum fecit Iesus et aperuit oculos eius
Jo 9.15
iterum ergo interrogabant eum Pharisaei quomodo vidisset ille autem dixit eis lutum posuit mihi super oculos et lavi et video
Jo 9.16
dicebant ergo ex Pharisaeis quidam non est hic homo a Deo quia sabbatum non custodit alii dicebant quomodo potest homo peccator haec signa facere et scisma erat in eis
Jo 9.17
dicunt ergo caeco iterum tu quid dicis de eo qui aperuit oculos tuos ille autem dixit quia propheta est
Jo 9.18
non crediderunt ergo Iudaei de illo quia caecus fuisset et vidisset donec vocaverunt parentes eius qui viderat
Jo 9.19
et interrogaverunt eos dicentes hic est filius vester quem vos dicitis quia caecus natus est quomodo ergo nunc videt
Jo 9.20
responderunt eis parentes eius et dixerunt scimus quia hic est filius noster et quia caecus natus est
Jo 9.21
quomodo autem nunc videat nescimus aut quis eius aperuit oculos nos nescimus ipsum interrogate aetatem habet ipse de se loquatur
Jo 9.22
haec dixerunt parentes eius quia timebant Iudaeos iam enim conspiraverant Iudaei ut si quis eum confiteretur Christum extra synagogam fieret
Jo 9.23
propterea parentes eius dixerunt quia aetatem habet ipsum interrogate
Jo 9.24
vocaverunt ergo rursum hominem qui fuerat caecus et dixerunt ei da gloriam Deo nos scimus quia hic homo peccator est
Jo 9.25
dixit ergo ille si peccator est nescio unum scio quia caecus cum essem modo video
Jo 9.26
dixerunt ergo illi quid fecit tibi quomodo aperuit tibi oculos
Jo 9.27
respondit eis dixi vobis iam et audistis quid iterum vultis audire numquid et vos vultis discipuli eius fieri
Jo 9.28
maledixerunt ei et dixerunt tu discipulus illius es nos autem Mosi discipuli sumus
Jo 9.29
nos scimus quia Mosi locutus est Deus hunc autem nescimus unde sit
Jo 9.30
respondit ille homo et dixit eis in hoc enim mirabile est quia vos nescitis unde sit et aperuit meos oculos
Jo 9.31
scimus autem quia peccatores Deus non audit sed si quis Dei cultor est et voluntatem eius facit hunc exaudit
Jo 9.32
a saeculo non est auditum quia aperuit quis oculos caeci nati
Jo 9.33
nisi esset hic a Deo non poterat facere quicquam
Jo 9.34
responderunt et dixerunt ei in peccatis natus es totus et tu doces nos et eiecerunt eum foras
Jo 9.35
audivit Iesus quia eiecerunt eum foras et cum invenisset eum dixit ei tu credis in Filium Dei
Jo 9.36
respondit ille et dixit quis est Domine ut credam in eum
Jo 9.37
et dixit ei Iesus et vidisti eum et qui loquitur tecum ipse est
Jo 9.38
at ille ait credo Domine et procidens adoravit eum
Jo 9.39
dixit ei Iesus in iudicium ego in hunc mundum veni ut qui non vident videant et qui vident caeci fiant
Jo 9.40
et audierunt ex Pharisaeis qui cum ipso erant et dixerunt ei numquid et nos caeci sumus
Jo 9.41
dixit eis Iesus si caeci essetis non haberetis peccatum nunc vero dicitis quia videmus peccatum vestrum manet

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages