Ac 1

Teljes szövegű keresés

Ac 1
Ac 1.1
primum quidem sermonem feci de omnibus o Theophile quae coepit Iesus facere et docere
Ac 1.2
usque in diem qua praecipiens apostolis per Spiritum Sanctum quos elegit adsumptus est
Ac 1.3
quibus et praebuit se ipsum vivum post passionem suam in multis argumentis per dies quadraginta apparens eis et loquens de regno Dei
Ac 1.4
et convescens praecepit eis ab Hierosolymis ne discederent sed expectarent promissionem Patris quam audistis per os meum
Ac 1.5
quia Iohannes quidem baptizavit aqua vos autem baptizabimini Spiritu Sancto non post multos hos dies
Ac 1.6
igitur qui convenerant interrogabant eum dicentes Domine si in tempore hoc restitues regnum Israhel
Ac 1.7
dixit autem eis non est vestrum nosse tempora vel momenta quae Pater posuit in sua potestate
Ac 1.8
sed accipietis virtutem supervenientis Spiritus Sancti in vos et eritis mihi testes in Hierusalem et in omni Iudaea et Samaria et usque ad ultimum terrae
Ac 1.9
et cum haec dixisset videntibus illis elevatus est et nubes suscepit eum ab oculis eorum
Ac 1.10
cumque intuerentur in caelum eunte illo ecce duo viri adstiterunt iuxta illos in vestibus albis
Ac 1.11
qui et dixerunt viri galilaei quid statis aspicientes in caelum hic Iesus qui adsumptus est a vobis in caelum sic veniet quemadmodum vidistis eum euntem in caelum
Ac 1.12
tunc reversi sunt Hierosolymam a monte qui vocatur Oliveti qui est iuxta Hierusalem sabbati habens iter
Ac 1.13
et cum introissent in cenaculum ascenderunt ubi manebant Petrus et Iohannes Iacobus et Andreas Philippus et Thomas Bartholomeus et Mattheus Iacobus Alphei et Simon Zelotes et Iudas Iacobi
Ac 1.14
hii omnes erant perseverantes unianimiter in oratione cum mulieribus et Maria matre Iesu et fratribus eius
Ac 1.15
et in diebus illis exsurgens Petrus in medio fratrum dixit erat autem turba nominum simul fere centum viginti
Ac 1.16
viri fratres oportet impleri scripturam quam praedixit Spiritus Sanctus per os David de Iuda qui fuit dux eorum qui conprehenderunt Iesum
Ac 1.17
quia connumeratus erat in nobis et sortitus est sortem ministerii huius
Ac 1.18
et hic quidem possedit agrum de mercede iniquitatis et suspensus crepuit medius et diffusa sunt omnia viscera eius
Ac 1.19
et notum factum est omnibus habitantibus Hierusalem ita ut appellaretur ager ille lingua eorum Acheldemach hoc est ager Sanguinis
Ac 1.20
scriptum est enim in libro Psalmorum fiat commoratio eius deserta et non sit qui inhabitet in ea et episcopatum eius accipiat alius
Ac 1.21
oportet ergo ex his viris qui nobiscum congregati sunt in omni tempore quo intravit et exivit inter nos Dominus Iesus
Ac 1.22
incipiens a baptismate Iohannis usque in diem qua adsumptus est a nobis testem resurrectionis eius nobiscum fieri unum ex istis
Ac 1.23
et statuerunt duos Ioseph qui vocabatur Barsabban qui cognominatus est Iustus et Matthiam
Ac 1.24
et orantes dixerunt tu Domine qui corda nosti omnium ostende quem elegeris ex his duobus unum
Ac 1.25
accipere locum ministerii huius et apostolatus de quo praevaricatus est Iudas ut abiret in locum suum
Ac 1.26
et dederunt sortes eis et cecidit sors super Matthiam et adnumeratus est cum undecim apostolis

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages