Ac 7

Teljes szövegű keresés

Ac 7
Ac 7.1
dixit autem princeps sacerdotum si haec ita se habent
Ac 7.2
qui ait viri fratres et patres audite Deus gloriae apparuit patri nostro Abraham cum esset in Mesopotamiam priusquam moraretur in Charram
Ac 7.3
et dixit ad illum exi de terra tua et de cognatione tua et veni in terram quam tibi monstravero
Ac 7.4
tunc exiit de terra Chaldeorum et habitavit in Charram et inde postquam mortuus est pater eius transtulit illum in terram istam in qua nunc vos habitatis
Ac 7.5
et non dedit illi hereditatem in ea nec passum pedis et repromisit dare illi eam in possessionem et semini eius post ipsum cum non haberet filium
Ac 7.6
locutus est autem Deus quia erit semen eius accola in terra aliena et servituti eos subicient et male tractabunt eos annis quadringentis
Ac 7.7
et gentem cui servierint iudicabo ego dixit Deus et post haec exibunt et deservient mihi in loco isto
Ac 7.8
et dedit illi testamentum circumcisionis et sic genuit Isaac et circumcidit eum die octava et Isaac Iacob et Iacob duodecim patriarchas
Ac 7.9
et patriarchae aemulantes Ioseph vendiderunt in Aegyptum et erat Deus cum eo
Ac 7.10
et eripuit eum ex omnibus tribulationibus eius et dedit ei gratiam et sapientiam in conspectu Pharaonis regis Aegypti et constituit eum praepositum super Aegyptum et super omnem domum suam
Ac 7.11
venit autem fames in universam Aegyptum et Chanaan et tribulatio magna et non inveniebant cibos patres nostri
Ac 7.12
cum audisset autem Iacob esse frumentum in Aegypto misit patres nostros primum
Ac 7.13
et in secundo cognitus est Ioseph a fratribus suis et manifestatum est Pharaoni genus eius
Ac 7.14
mittens autem Ioseph accersivit Iacob patrem suum et omnem cognationem in animabus septuaginta quinque
Ac 7.15
et descendit Iacob in Aegyptum et defunctus est ipse et patres nostri
Ac 7.16
et translati sunt in Sychem et positi sunt in sepulchro quod emit Abraham pretio argenti a filiis Emmor filii Sychem
Ac 7.17
cum adpropinquaret autem tempus repromissionis quam confessus erat Deus Abrahae crevit populus et multiplicatus est in Aegypto
Ac 7.18
quoadusque surrexit rex alius in Aegypto qui non sciebat Ioseph
Ac 7.19
hic circumveniens genus nostrum adflixit patres ut exponerent infantes suos ne vivificarentur
Ac 7.20
eodem tempore natus est Moses et fuit gratus Deo qui nutritus est tribus mensibus in domo patris sui
Ac 7.21
exposito autem illo sustulit eum filia Pharaonis et enutrivit eum sibi in filium
Ac 7.22
et eruditus est Moses omni sapientia Aegyptiorum et erat potens in verbis et in operibus suis
Ac 7.23
cum autem impleretur ei quadraginta annorum tempus ascendit in cor eius ut visitaret fratres suos filios Israhel
Ac 7.24
et cum vidisset quendam iniuriam patientem vindicavit illum et fecit ultionem ei qui iniuriam sustinebat percusso Aegyptio
Ac 7.25
existimabat autem intellegere fratres quoniam Deus per manum ipsius daret salutem illis at illi non intellexerunt
Ac 7.26
sequenti vero die apparuit illis litigantibus et reconciliabat eos in pacem dicens viri fratres estis ut quid nocetis alterutrum
Ac 7.27
qui autem iniuriam faciebat proximo reppulit eum dicens quis te constituit principem et iudicem super nos
Ac 7.28
numquid interficere me tu vis quemadmodum interfecisti heri Aegyptium
Ac 7.29
fugit autem Moses in verbo isto et factus est advena in terra Madiam ubi generavit filios duos
Ac 7.30
et expletis annis quadraginta apparuit illi in deserto montis Sina angelus in igne flammae rubi
Ac 7.31
Moses autem videns admiratus est visum et accedente illo ut consideraret facta est vox Domini
Ac 7.32
ego Deus patrum tuorum Deus Abraham et Deus Isaac et Deus Iacob tremefactus autem Moses non audebat considerare
Ac 7.33
dixit autem illi Dominus solve calciamentum pedum tuorum locus enim in quo stas terra sancta est
Ac 7.34
videns vidi adflictionem populi mei qui est in Aegypto et gemitum eorum audivi et descendi liberare eos et nunc veni et mittam te in Aegyptum
Ac 7.35
hunc Mosen quem negaverunt dicentes quis te constituit principem et iudicem hunc Deus principem et redemptorem misit cum manu angeli qui apparuit illi in rubo
Ac 7.36
hic eduxit illos faciens prodigia et signa in terra Aegypti et in Rubro mari et in deserto annis quadraginta
Ac 7.37
hic est Moses qui dixit filiis Israhel prophetam vobis suscitabit Deus de fratribus vestris tamquam me
Ac 7.38
hic est qui fuit in ecclesia in solitudine cum angelo qui loquebatur ei in monte Sina et cum patribus nostris qui accepit verba vitae dare nobis
Ac 7.39
cui noluerunt oboedire patres nostri sed reppulerunt et aversi sunt cordibus suis in Aegyptum
Ac 7.40
dicentes ad Aaron fac nobis deos qui praecedant nos Moses enim hic qui eduxit nos de terra Aegypti nescimus quid factum sit ei
Ac 7.41
et vitulum fecerunt in illis diebus et obtulerunt hostiam simulacro et laetabantur in operibus manuum suarum
Ac 7.42
convertit autem Deus et tradidit eos servire militiae caeli sicut scriptum est in libro Prophetarum numquid victimas aut hostias obtulistis mihi annis quadraginta in deserto domus Israhel
Ac 7.43
et suscepistis tabernaculum Moloch et sidus dei vestri Rempham figuras quas fecistis adorare eas et transferam vos trans Babylonem
Ac 7.44
tabernaculum testimonii fuit patribus nostris in deserto sicut disposuit loquens ad Mosen ut faceret illud secundum formam quam viderat
Ac 7.45
quod et induxerunt suscipientes patres nostri cum Iesu in possessionem gentium quas expulit Deus a facie patrum nostrorum usque in diebus David
Ac 7.46
qui invenit gratiam ante Deum et petiit ut inveniret tabernaculum Deo Iacob
Ac 7.47
Salomon autem aedificavit illi domum
Ac 7.48
sed non Excelsus in manufactis habitat sicut propheta dicit
Ac 7.49
caelum mihi sedis est terra autem scabillum pedum meorum quam domum aedificabitis mihi dicit Dominus aut quis locus requietionis meae est
Ac 7.50
nonne manus mea fecit haec omnia
Ac 7.51
dura cervice et incircumcisi cordibus et auribus vos semper Spiritui Sancto resistitis sicut patres vestri et vos
Ac 7.52
quem prophetarum non sunt persecuti patres vestri et occiderunt eos qui praenuntiabant de adventu Iusti cuius vos nunc proditores et homicidae fuistis
Ac 7.53
qui accepistis legem in dispositionem angelorum et non custodistis
Ac 7.54
audientes autem haec dissecabantur cordibus suis et stridebant dentibus in eum
Ac 7.55
cum autem esset plenus Spiritu Sancto intendens in caelum vidit gloriam Dei et Iesum stantem a dextris Dei et ait ecce video caelos apertos et Filium hominis a dextris stantem Dei
Ac 7.56
exclamantes autem voce magna continuerunt aures suas et impetum fecerunt unianimiter in eum
Ac 7.57
et eicientes eum extra civitatem lapidabant et testes deposuerunt vestimenta sua secus pedes adulescentis qui vocabatur Saulus
Ac 7.58
et lapidabant Stephanum invocantem et dicentem Domine Iesu suscipe spiritum meum
Ac 7.59
positis autem genibus clamavit voce magna Domine ne statuas illis hoc peccatum et cum hoc dixisset obdormivit Saulus autem erat consentiens neci eius

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages