Ro 10

Teljes szövegű keresés

Ro 10
Ro 10.1
fratres voluntas quidem cordis mei et obsecratio ad Deum fit pro illis in salutem
Ro 10.2
testimonium enim perhibeo illis quod aemulationem Dei habent sed non secundum scientiam
Ro 10.3
ignorantes enim Dei iustitiam et suam quaerentes statuere iustitiae Dei non sunt subiecti
Ro 10.4
finis enim legis Christus ad iustitiam omni credenti
Ro 10.5
Moses enim scripsit quoniam iustitiam quae ex lege est qui fecerit homo vivet in ea
Ro 10.6
quae autem ex fide est iustitia sic dicit ne dixeris in corde tuo quis ascendit in caelum id est Christum deducere
Ro 10.7
aut quis descendit in abyssum hoc est Christum ex mortuis revocare
Ro 10.8
sed quid dicit prope est verbum in ore tuo et in corde tuo hoc est verbum fidei quod praedicamus
Ro 10.9
quia si confitearis in ore tuo Dominum Iesum et in corde tuo credideris quod Deus illum excitavit ex mortuis salvus eris
Ro 10.10
corde enim creditur ad iustitiam ore autem confessio fit in salutem
Ro 10.11
dicit enim scriptura omnis qui credit in illum non confundetur
Ro 10.12
non enim est distinctio Iudaei et Graeci nam idem Dominus omnium dives in omnes qui invocant illum
Ro 10.13
omnis enim quicumque invocaverit nomen Domini salvus erit
Ro 10.14
quomodo ergo invocabunt in quem non crediderunt aut quomodo credent ei quem non audierunt quomodo autem audient sine praedicante
Ro 10.15
quomodo vero praedicabunt nisi mittantur sicut scriptum est quam speciosi pedes evangelizantium pacem evangelizantium bona
Ro 10.16
sed non omnes oboedierunt evangelio Esaias enim dicit Domine quis credidit auditui nostro
Ro 10.17
ergo fides ex auditu auditus autem per verbum Christi
Ro 10.18
sed dico numquid non audierunt et quidem in omnem terram exiit sonus eorum et in fines orbis terrae verba eorum
Ro 10.19
sed dico numquid Israhel non cognovit primus Moses dicit ego ad aemulationem vos adducam in non gentem in gentem insipientem in iram vos mittam
Ro 10.20
Esaias autem audet et dicit inventus sum non quaerentibus me palam apparui his qui me non interrogabant
Ro 10.21
ad Israhel autem dicit tota die expandi manus meas ad populum non credentem et contradicentem

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages