Ro 8

Teljes szövegű keresés

Ro 8
Ro 8.1
nihil ergo nunc damnationis est his qui sunt in Christo Iesu qui non secundum carnem ambulant
Ro 8.2
lex enim Spiritus vitae in Christo Iesu liberavit me a lege peccati et mortis
Ro 8.3
nam quod inpossibile erat legis in quo infirmabatur per carnem Deus Filium suum mittens in similitudinem carnis peccati et de peccato damnavit peccatum in carne
Ro 8.4
ut iustificatio legis impleretur in nobis qui non secundum carnem ambulamus sed secundum Spiritum
Ro 8.5
qui enim secundum carnem sunt quae carnis sunt sapiunt qui vero secundum Spiritum quae sunt Spiritus sentiunt
Ro 8.6
nam prudentia carnis mors prudentia autem Spiritus vita et pax
Ro 8.7
quoniam sapientia carnis inimicitia est in Deum legi enim Dei non subicitur nec enim potest
Ro 8.8
qui autem in carne sunt Deo placere non possunt
Ro 8.9
vos autem in carne non estis sed in Spiritu si tamen Spiritus Dei habitat in vobis si quis autem Spiritum Christi non habet hic non est eius
Ro 8.10
si autem Christus in vobis est corpus quidem mortuum est propter peccatum spiritus vero vita propter iustificationem
Ro 8.11
quod si Spiritus eius qui suscitavit Iesum a mortuis habitat in vobis qui suscitavit Iesum Christum a mortuis vivificabit et mortalia corpora vestra propter inhabitantem Spiritum eius in vobis
Ro 8.12
ergo fratres debitores sumus non carni ut secundum carnem vivamus
Ro 8.13
si enim secundum carnem vixeritis moriemini si autem Spiritu facta carnis mortificatis vivetis
Ro 8.14
quicumque enim Spiritu Dei aguntur hii filii sunt Dei
Ro 8.15
non enim accepistis spiritum servitutis iterum in timore sed accepistis Spiritum adoptionis filiorum in quo clamamus Abba Pater
Ro 8.16
ipse Spiritus testimonium reddit spiritui nostro quod sumus filii Dei
Ro 8.17
si autem filii et heredes heredes quidem Dei coheredes autem Christi si tamen conpatimur ut et conglorificemur
Ro 8.18
existimo enim quod non sunt condignae passiones huius temporis ad futuram gloriam quae revelabitur in nobis
Ro 8.19
nam expectatio creaturae revelationem filiorum Dei expectat
Ro 8.20
vanitati enim creatura subiecta est non volens sed propter eum qui subiecit in spem
Ro 8.21
quia et ipsa creatura liberabitur a servitute corruptionis in libertatem gloriae filiorum Dei
Ro 8.22
scimus enim quod omnis creatura ingemescit et parturit usque adhuc
Ro 8.23
non solum autem illa sed et nos ipsi primitias Spiritus habentes et ipsi intra nos gemimus adoptionem filiorum expectantes redemptionem corporis nostri
Ro 8.24
spe enim salvi facti sumus spes autem quae videtur non est spes nam quod videt quis quid sperat
Ro 8.25
si autem quod non videmus speramus per patientiam expectamus
Ro 8.26
similiter autem et Spiritus adiuvat infirmitatem nostram nam quid oremus sicut oportet nescimus sed ipse Spiritus postulat pro nobis gemitibus inenarrabilibus
Ro 8.27
qui autem scrutatur corda scit quid desideret Spiritus quia secundum Deum postulat pro sanctis
Ro 8.28
scimus autem quoniam diligentibus Deum omnia cooperantur in bonum his qui secundum propositum vocati sunt sancti
Ro 8.29
nam quos praescivit et praedestinavit conformes fieri imaginis Filii eius ut sit ipse primogenitus in multis fratribus
Ro 8.30
quos autem praedestinavit hos et vocavit et quos vocavit hos et iustificavit quos autem iustificavit illos et glorificavit
Ro 8.31
quid ergo dicemus ad haec si Deus pro nobis quis contra nos
Ro 8.32
qui etiam Filio suo non pepercit sed pro nobis omnibus tradidit illum quomodo non etiam cum illo omnia nobis donabit
Ro 8.33
quis accusabit adversus electos Dei Deus qui iustificat
Ro 8.34
quis est qui condemnet Christus Iesus qui mortuus est immo qui resurrexit qui et est ad dexteram Dei qui etiam interpellat pro nobis
Ro 8.35
quis nos separabit a caritate Christi tribulatio an angustia an persecutio an fames an nuditas an periculum an gladius
Ro 8.36
sicut scriptum est quia propter te mortificamur tota die aestimati sumus ut oves occisionis
Ro 8.37
sed in his omnibus superamus propter eum qui dilexit nos
Ro 8.38
certus sum enim quia neque mors neque vita neque angeli neque principatus neque instantia neque futura neque fortitudines
Ro 8.39
neque altitudo neque profundum neque creatura alia poterit nos separare a caritate Dei quae est in Christo Iesu Domino nostro

 

 

Arcanum Újságok
Arcanum Újságok

Kíváncsi, mit írtak az újságok erről a temáról az elmúlt 250 évben?

Megnézem

Arcanum logo

Az Arcanum Adatbázis Kiadó Magyarország vezető tartalomszolgáltatója, 1989. január elsején kezdte meg működését. A cég kulturális tartalmak nagy tömegű digitalizálásával, adatbázisokba rendezésével és publikálásával foglalkozik.

Rólunk Kapcsolat Sajtószoba

Languages